Jems 2:14 - Nupela Testamen long tokples Kandas

¹⁴ A kum tistising, in wakak pepetlai ra taio in watungi lena i nurnur, ikut ke pam tu wakak na pinapam? Pepetlai, a ngas na nurnur ra, in ulauni o awu?

Jems 2:14 Iomraidhean Croise

Matiu 5:20

Lenra, a watungi tamot, ra anumot a tokodos na petutna ken wakak taun a tokodos na petutna anun a kum tene ususer tagun a Warkurai ma a kum Parisi, mot in lagano ruk una matanitu sapat una langit.

Luk 3:11

I balu det lena, “Osi ra anunu lako rin namalu na kelkeles, in pitar tar tino tan taio ra ka tin namalu na ememar anunu, lenkutkai ra una utna na inangon.”

Luk 6:49

Ikut osi ra in longoro anung a kum wasiso ma ke muri, i elar nama musano ra i utur tar anun a rumu netes kut una piso, ma ke pam mugu tar a kibin a rumu. A lomom i sal taru uni, i toropo, ma i terege mut!”

Aposel 15:9

Anun a pinapam torom dat ma torom det ke senene. I ukodos det kai umatano uni det nurnur.

Aposel 8:13

O Saimon utkai i nurnur, ma di baptaiso tari. I mur likliki mukut o Pilip, ra i tama a kum ukinalong ma a kum utna na ukisin ra o Pilip i pami, ra i kisin doko uni.

Aposel 8:21

Katu tinibo ma katu utna anum kuri nin una utna ri, uni ke tokodos in balam umatan o God.

A Pas anun o Pol torom a taro Rom 2:25

Ra u mur a kum Warkurai, a tinotok talilis ra di pam tari un ui, i lingmulus. Ikut, ra ko mur a kum Warkurai, u elar kut nam taio ra ka di tok talilis a pinino.

1 Korin 15:2

Ra mot pam ukai dekdek a wasiso ra a sa warawai taru nami torom mot, o God in ulaun pas mot nama Wakak na Wasiso ri. Ra awu, mot nurnur oros kut.

1 Korin 16:22

Osi ra ke nem a Labino, in iru tukum. Wan urin a Labino!

Galesia 5:13

A kum tistising, o God i sa kabo pas mot toromi sur mot in langolango mulus. Ikut gong mot nuki lena mot sa langolango sur mot in mur a kum sakino nemnem ina pinimot, awu. Mot in warut etetalai mot nama marmaris.

Galesia 5:6

Ra kura dat un o Karisito Iesu, ra di tok talilis a pinin taio, o ka di tok talilisi, i a utna oros kut umatan o God. Ara utna kut ra i labo sakit umatan o God, a nurnur ra i pam pat a marmaris.

1 Tesalonaika 1:3

Ra metul ser wararing torom anundat a God a Tamandat, metul nuk pas anumot a kum pinapam ra anumot a nurnur i pam pati, ma metul nuk pas a kum dekdek na pinapam ra anumot a marmaris i pam pati, ma metul nuk pasi kai, anumot a tuntunur dekdek, ra anumot a kinkinis langlang nama nurnur una Labino o Iesu Karisito i pam pati.

1 Timoti 1:5

A watungi lenra, sur a marmaris in lubung epotor tandat etetalai. A marmaris ra, i wan tagun a tokodos na balandat, ma a wakak na nuknukin dat, ma a lingmulus na nurnur.

1 Timoti 4:8

Ra dat ulason a pinindat una wap, i warut a pinindat. Ikut ra dat ulason dat sur a petutna ra i wakak umatan o God, i warut dat una kum utna rop. Awu sur una nilaun kut ri, i warut dat kai una nilaun kura numur.

Taitus 1:16

Det watungi lena, det tasman o God, ikut anundet a kum pinapam ut i upuaso i lena, ka det tasmani. Det a kum sakino taro doko, a kum tene pitarngat, ma ka det in pam lar pas tu wakak na pinapam.

Taitus 3:8

A kum wasiso ri i lingmulus sakit. Ma a nemi sur un papam dekdek nami, sur a taro ra det nurnur un o God, det in pitar mulus tar det una wakak na pinapam una nundet a kum bung na nilaun. A kum wasiso ri i wakak ma i warut a taro rop.

Ibru 11:17

Una nun a nurnur, o Abaram i pitar tar o nutunu, o Aisak torom o God elar nama etabor, una du bung ra o God i lari. A lingmulus, o God i sa uliliman tari lena, “A kum tumtubum det in nanpat tagun o Aisak.” Stat 21:12 Ikut, ra o God i inanosi sur in um doko o nutunu, i ara sot kut, elar nama etabor, o Abaram i mulaot ma i waninar sur in pam soti.

Ibru 13:9

Gong mot mur a kum wur ngas na etowo ra i ben raro mot. I wakak ra a marmaris anun o God in udekdek a niondat. Ra dat mur a kum warkurai una utna na inangon, ken udekdek a niondat, ma ken warut det ra det ser mur a kum warkurai ra.

Jems 1:16

A kum wakak na tistising, gong mot madek tar taio sur in toro pas mot.

Jems 2:16

ra taio tagun mot in watungi tano lena, “Un nan nama malmal, un emar ma un masur,” ikut, ra ken tabori nam tu utna ra i sibo suri, anun a wasiso ra in warut petlan o naro ra i sibo?

Jems 2:18

Ra taio kai in watungi lena, “Ui u nurnur, ma iau, a pam a kum wakak na pinapam.” Un upuaso anum a nurnur torom iau, ra ke wan tomo nama wakak na pinapam. Ra iau, an upuaso anung a nurnur tam, nam anung a kum wakak na pinapam.

Jems 2:26

Taio ra a niono i wan gusuni, i a minatino. Lenkutkai lar a nurnur, ra ke wan tomo nam lako wakak na pinapam, a nurnur ra, a minatino kut.

2 Pita 1:5

Iri a kibino ra mot in dekdek sur mot in palataun anumot a nurnur nama wakak na petutna. Ma mot in palataun a wakak na petutna nama mananos un o God.