Jems 1:19 - Nupela Testamen long tokples Kandas

¹⁹ A kum wakak na tistising, mot in tasman a utna ri: I wakak ra mot rop, mot in longoro lakit, ikut gong mot wasiso lakit, ma gong mot kankan lakit.

Jems 1:19 Iomraidhean Croise

Matiu 5:22

Ikut iau, a watungi tamot lena, osi ra in kankan torom tu tisino, din warkurai i, ma osi ra in watungi un tu tisino lena, ‘Katin lorim,’ din warkurai i umatan a taro na kiwung. Ma osi ra in watungi un tu musano lena, ‘A longlong ui,’ kutiro a warkurai toromi, ra din woro i una labino sungun.

A Wakak na Wasiso un o Iesu Karisito o Mak i tumusi 12:37

O Dewid ut i watung a Karisito lena, i anun a Labino. Ra i lenra, der tamano pepetlai?” A labino kunur na taro det gas doko ra det longoro a wasiso anun o Iesu.

A Wakak na Wasiso un o Iesu Karisito o Mak i tumusi 2:2

A susut det wanpat, ra katu kolo sa urumu ma tiro upiso una matansako, ra i warawai torom det nama wasiso anun o God.

Luk 15:1

Ara bung a kum tene los takis ma a kum tene sakino det wan torom o Iesu sur det in longoro i.

Luk 19:48

Ikut det lagano nuknuk taru sur tu utna ra det in pami, uni a labino kunur na taro det nem doko i sur det in longoro a wasiso anun o Iesu.

Aposel 1:15

Un ara bung epotor tan a kum bung ra, a kum tene nurnur det kis tomo. Det elar nam ara mar ma ru noino det. O Pita i tur ma i watungi lena,

Aposel 10:33

“Uniutra, a itula mut sur ui. I wakak sakit ra u wan urin. Ra kuri met rop met kis umatan o God, sur met in longoro a kum wasiso rop ra a Labino i sa watung tari tam sur un inanos met nami.”

Aposel 13:48

A taro ra awu sur a taro Juda det longoro a wasiso ri, ra det gas doko, ma det watung ulabo pas a wasiso anun a Labino. Ma det rop ra di sa pilok pas det sur a nilaun tukum, det nurnur.

Aposel 17:11

Det ri det wakak tandet tong o Tesalonaika, uni det rakon a wasiso ri nama gasgas, ma det luk wakak a kum wasiso tagun a Buk Tabu una kum bung rop, sur det in tama a wasiso anun o Pol, ra i lingmulus o awu.

Aposel 2:42

Ma det pitar tar anundet a nilaun una etowo anun a kum aposel, una kinkinis tomo nama marmaris, ma una inangon tomo, ma una niaring.

Epeses 4:26

Ra mot kankan, gong mot pam a sakino. Ma gong in matanas i sup ra anumot a kankan kura utmakai,

Epeses 4:31

Mot in lakro ru a nuknuk laulau, a kankan, a wasiso na engaras, a ugaia na kankan, a emang, ma a kum sakino petutna rop kai.

Kolosi 3:15

I wakak sur a malmal ra o Karisito i tabor mot nami in mugu mot una numot a nilaun. Uni mot ara pinin o Karisito kut, ma o God i kabo pas mot sur mot in kis tomo nama malmal. Ra i wakak sur mot in ser watung wakak torom o God.

Kolosi 3:8

Ikut uniri, mot in lakro ru a kum petutna rop lenri: a wasiso na engaras, a kankan, a kum sakino petutna, a emang, ma a wasiso laulau kai.

1 Tesalonaika 2:13

Ara kibino kai ra metul ser watung wakak torom o God i lenri: Ra mot rakon ukai a wasiso anun o God, ra mot longoro i ta metul, mot mulaot pasi. Awu sur mot mulaot pasi elar nama wasiso kut anun a taro, awu, mot mulaot pasi uni a wasiso ra, i a wasiso ut anun o God. A wasiso ra, kura i papam una nilaun anumot ra mot sa nurnur.

Jems 1:16

A kum wakak na tistising, gong mot madek tar taio sur in toro pas mot.

Jems 1:2

A kum tistising, ra lako kum ngas na maut in nanpat torom mot, mot in gas,

Jems 1:26

Ra taio in nuki lena, i sa lingmulus na tene lotu, ikut, ra ke tumarong in karmene, i toro pasi ut, ma anun a lotu in utna oros kut.

Jems 2:1

A kum tistising, mot ra mot nurnur una nundat a Labino o Iesu Karisito, ra i bukus nama minamar, un pam a takano petutna kut torom a taro rop, ma gong u tur takano papor.

Jems 2:5

A kum wakak na tistising, mot in longoro iau: Pepetlai, ka mot tasmani lena, o God i pilok pas a kum sibo na taro nin upiso, sur det in tene gongon una nurnur? Det in rakon pas a matanitu ra o God i sa uliliman tari, sur in pitari tandet ra det nemi.

Jems 3:10

A wasiso na watung ulabo a Labino, ma a wasiso ra i ban laulau taio, der rop, der ser pirso kut gusun a wandat. A kum tistising, ke tokodos lenra.

Jems 4:11

A kum tistising, gong mot mang etalai mot. Osi ra i mang tu tisino, o i kuro i, i watung laulau a Warkurai anun o God ma i kuro a Warkurai ra. Ma ra un kuro a Warkurai, awu sur u muri, u nuki kut lena ui ut u labo tauni.

Jems 5:12

A kum tistising, iri a utna ra i labo sakit, gong mot udekdek anumot a kum liliman nam tu ngas na wasiso kai. Gong mot liliman nama langit, o a rakrakon bual, o tu utna gisen kai. Ra mot mulaot, mot in lena “ma”. Ra mot ipul mot in lena “awu,” i kut ra, sur gong mot iru una warkurai anun o God.

Jems 5:19

A kum tistising, ra taio tagun mot in nan raro gusun a lingmulusino, mot in ben pukus melet pasi.

1 Jon 2:21

Awu sur a tumtumus torom mot uni ka mot tasman a lingmulusino, awu. A tumtumus torom mot uni mot sa tasman a lingmulusino, ma katu torotoro i ser wanpat taguni.