Jems 1:12 - Nupela Testamen long tokples Kandas

¹² O naro ra i tur dekdek una kum larlar, i dan. Uni, ra i winim pas a kum larlar ra di lar anun a nurnur nami, in rakon a kukup na nilaun tukum, ra o God i sa liliman taru sur in pitari tandet ra det nemi.

Jems 1:12 Iomraidhean Croise

Matiu 10:22

Ma a taro rop det in nget mot uni mot anungi, ikut osi ra in tur dekdek tuk anun a nilaun in rop, o God in ulauni.

Matiu 25:34

A king in watungi tandet ra kura una papor sot na lamano lena, ‘Mot wan urin, mot ra o Tita i sa watung udan tar mot. Mot in rakon pas a matanitu di sa waninar tari sur anumot, tagun numnumugu utmakai una turturkibin ina rakrakon bual.

Luk 6:22

Mot dan ra a taro det nget mot, o det pilok ru mot ma det watung laulau mot, ma det ban laulau a risamot, uni mot tagun a Nutun a Musano.

A Pas anun o Pol torom a taro Rom 5:4

Ma anundat a tuntunur dekdek i pam pat a ngas na nilaun ra a kum larlar ka det in upuku pas dat. Ma a ngas na nilaun ri, i pam pat anundat a kinkinis langlang nama nurnur.

A Pas anun o Pol torom a taro Rom 8:28

Ra dat tasmani lena, a kum utna rop ra i wanpat, o God i papam nami, sur a wakakino in nanpat torom det, ra det nem o God, ma i sa kabo pas det elar nama nuknukino.

1 Korin 2:9

Ikut, i elar nama wasiso ra di sa tumus tari una Buk Tabu lenri, “A kum utna ra kataio i tama i, ma kataio i longoro i, ma ke wanpat tagun a nuknukin taio, a kum utna ra, o God i sa waninar tari sur det ra det nem doko i.” Ais 64:4

1 Korin 8:3

Ikut, ra taio i nem o God, o God i sa tasman o naro ra.

1 Korin 9:25

A taro rop ra det ser wapap, det ulason dekdek a pinindet. Det pami sur det in los pas a ikul ra in rop kut. Ikut dat, dat ulason dat sur dat in los pas a ikul ra ken rop.

2 Timoti 2:15

Un pitar tar ui ut torom o God ma un dekdek sur ui a lingmulus na tene pinapam, ra o God in gas nami. A tene pinapam ra ke ser maimai una nun a pinapam, ma i palos kodos a lingmulus na wasiso.

2 Timoti 4:8

O God i sa ubek tar anung a ikul, uni anung a nilaun i tokodos umatano. A Labino, a tokodos na Tene Warkurai in pitari tang una bung na warkurai. Ma awu sur torom iau kut, in pitari kai torom det rop ra det kis langlang nama labino nemnem sur anun a inawan pat melet.

Ibru 10:32

Mot in nuk pas a kum bung numugu ra mot sa los pas a talapor una numot a nilaun, ra di pitar a kum labino mamaut ma a kum ngunungut torom mot, ikut mot tur dekdek ut.

Ibru 11:17

Una nun a nurnur, o Abaram i pitar tar o nutunu, o Aisak torom o God elar nama etabor, una du bung ra o God i lari. A lingmulus, o God i sa uliliman tari lena, “A kum tumtubum det in nanpat tagun o Aisak.” Stat 21:12 Ikut, ra o God i inanosi sur in um doko o nutunu, i ara sot kut, elar nama etabor, o Abaram i mulaot ma i waninar sur in pam soti.

Ibru 12:5

Mot sa dumano ru a kum wasiso na ururagot ra o God i watung tari torom mot a kum nutnutunu lena, “Nutunglik, ra a Labino i ukodos ui, gong u nuki lena a utna oros kut, ma gong u tusako, ra i watung puaso anum a kum sakino petutna torom ui.

Ibru 6:15

Ra o Abaram i kis langlang ma a pinino ke ngoro, ra numur i utur ukai asau ra o God i sa uliliman tari nami.

Jems 2:5

A kum wakak na tistising, mot in longoro iau: Pepetlai, ka mot tasmani lena, o God i pilok pas a kum sibo na taro nin upiso, sur det in tene gongon una nurnur? Det in rakon pas a matanitu ra o God i sa uliliman tari, sur in pitari tandet ra det nemi.

Jems 5:11

Tama i, ara taro tagun numugu det etorom a kum mamaut, ikut det tur dekdek una nurnur. Dat watung det lena det dan. Mot tasman a nilaun anun o Jop, i etorom a kum mamaut, ikut i tur dekdek una nurnur. Ra numur, a Labino i udan meleti. A Labino i bukus nama marmaris ma i a tene warut.

1 Pita 3:14

Ikut, ra din ukadik mot kibino una numot a tokodos na petutna, mot dan. “Gong mot ngaran a kum utna ra det in ungaran mot nami, ma gong mot neder.” Ais 8:12-13

1 Pita 4:13

Ikut mot in gas ra mot in taramo a ngunungut elar nam o Karisito i taramo i, sur mot in bukus nama gasgas ra o Karisito in nanpat nam anun a minamar.

1 Pita 4:14

Ra di watung laulau mot uni mot tagun o Karisito, mot dan. Uni a Nion o God, a Nion na minamar, i kis tomo nam mot.

1 Pita 5:10

Ikut o God, i a God na marmaris, ma un o Karisito i kabo pas mot sur mot in kis tomo nami una nun a minamar ra ken rop. Ra mot sa taramo tar a ngunungut un tu nat na du bung kut, numur i ut in uwakak pas mot melet, in udekdek mot ma in warut mot sur mot in tur dekdek.

1 Pita 5:4

Ra a Labino Tene Tamtamabat anun a kum sipsip in nanpat, mot in rakon a kukup na minamar ra a minamarino ken rop.

1 Jon 4:19

Dat nem etetalai dat, uni o God ut i nem mugu dat.

Tamtama 2:10

Gong mot ngaran a kum ngunungut ra milau mo in monong mot. Tama i, o Satan in uruk tar a ramano taro tagun mot una karabus sur in lar mot, ma mot in taramo a ngunungut una noino bung. Ra a taro det nem na um doko mot, mot in tur dekdek ut una numot a nurnur, ra an pitar tar a nilaun torom mot elar nami ra di pitar a ikul torom taio ra i winim pas a kinalabor.

Tamtama 3:19

Det ra a maris det, a ser pitar a dekdek na wasiso torom det, ma a ser ukodos det. I mo ra, mot in tuangun, ma mot in nukpukus.

Tamtama 3:21

Osi ra i winim pas a inaim, an mulaot pasi sur mir in kis tomo una nung a kiskis na king, elar nam iau a winim pas a inaim, ma a kis tomo nam o Tita una nun a kiskis na king.