Ibru 8:6 - Nupela Testamen long tokples Kandas

⁶ Ikut o Iesu i sa los pas a pinapam na tene etabor ra i labo sakit taun a pinapam na etabor anun a kum tene etabor. Lenkutkai ra a kunubus ra o Iesu i sa pam sot pasi sur in dat tomo a taro nam o God, i labo sakit taun a mugano kunubus. A kibin a matok na kunubus i a kum liliman, ra det wakak sakit taun a kum mugano liliman.

Ibru 8:6 Iomraidhean Croise

Luk 22:20

Lenkutkai ra, numur tan a inangon, i los pas a kap ma i watungi lena, “A kap ri, a matok na kunubus tagun a gaping ra i tilingis sur mot, ra i dat tomo tar a taro nam o God.

A Pas anun o Pol torom a taro Rom 9:4

Det a taro Israel, ra o God i ras pas det sur det a kum nutnutunu. I ese anun a minamar tandet, i pam a kum kunubus tomo nam det, i pitar tar a kum Warkurai tandet, i ese tar det una kisapi na lotu mulus, ma i uliliman tar det.

Epeses 2:12

Mot in nuk pasi lena, numugu ra mot kis gisen utmakai gusun o Karisito, mot awu sur a taro Israel, ma a kum kunubus ra o God i uliliman taru nami, awu sur anumot. Ma una numot a nilaun nin una rakrakon bual ka mot tasman o God, ma katu wakak na utna ra mot in kis langlang suri nama nurnur.

1 Timoti 2:5

Uni ara God sot kut, ma ara sot kut kai ra i dat tomo o God ma a taro, a musano ri o Karisito Iesu,

Taitus 1:2

A nurnur ra, ma a tastasman ra, i wanpat tagun a kinkinis langlang nama nurnur sur a nilaun tukum. A nilaun tukum ra o God i uliliman taru nami, ra ke ukisi utmakai a rakrakon bual. Ma o God ke ser toro.

Ibru 12:24

ma torom o Iesu, i ra i tur epotor tan o God ma a taro, ra i pam tar a matok na kunubus, sur i dat tomo tar det. Mot sa wanpat torom a gapino, ra di sa lamlamir taru nami. A gap ri i wasiso puaso una kum utna ra i wakak sakit taun asau ra a gapin o Abel i wasiso uni.

Ibru 7:22

I mo ra, o Iesu i ulingmulus a kunubus ra i wakak taun a kunubus ra o God i pitar tari torom o Moses.

2 Pita 1:4

I tabor dat nama kum liliman ra i wakak doko ma i labo doko, kibino una nun a minamar ma a wakak na magirano. I sa liliman taru sur mot in pet lar pasi, sur mot in rakon a magiran o God ma anun a nilaun kai, ma sur mot in walip gusun a utna tagun a rakrakon bual ra in ban laulau mot, ra i ser wanpat tagun a kum laulau na nemnem.