Ibru 6:6 - Nupela Testamen long tokples Kandas

⁶ Ra det in rosumur gusun o God, katutaio in ben pukus lar pas det, sur det in nukpukus. Uni i elar nami ra det sak wat melet a Nutun o God unin nanai kutus, ma det ban umaimai i umatan a taro.

Ibru 6:6 Iomraidhean Croise

Matiu 19:26

O Iesu i tamtama torom det ra i watungi lena, “A taro ka det in pet lar pasi, ikut o God sot kut in pet lar pas a kum utna rop.”

Luk 11:48

Lenra mot upuaso i lena, mot mulaot tomo nama kum tumtubu mot tagun numugu una nundet a pinapam ra det um doko a kum poropet, uni det um doko det, ma mot, mot utur a kum aim nisan a kum kulam na minatindet.

2 Timoti 2:25

Det ra ka det nem anun a etowo, in ukodos wowowon det, sako o God in mulaot pas det sur det in nukpukus, ma det in tasman a lingmulusino.

Ibru 10:26

Ra dat sa tasman mulus a lingmulusino, ikut dat muri ut a nemnem anundat sur dat in pam a sakino petutna, katu etabor melet mo sur in unus ru a kum sakino petutna.

Ibru 10:29

Ikut a warkurai na minabalu in dekdek sakit taun a minabalu ra, torom taio ra in pas tataun a Nutun o God, ma i nuki lena a gapin a kunubus, ra di sa rus talapor tari nami, i a utna oros kut, ma i watung laulau a Tokodos na Nion ra i pitar a marmaris.

Ibru 12:2

Dat in tamtama tokodos sur o Iesu, i ra a kibin anundat a nurnur, ma i ra in ulabo pas anundat a nurnur tuk in kudulano. O Iesu i mat netes unin nanai kutus, a utna na maimai mulus. Ikut ke nuk pas a maimai ra, i pitar tari ut sur in taramo a ngunungut ma in mat unin nanai kutus, uni i tasmani lena, numur in los a labino gasgas. Ra uniri i sa kis una papor sot na laman a kiskis na king anun o God.

Ibru 4:14

Dat in tur dekdek una kum etowo ra dat nurnur uni ma dat ser wasiso puaso uni. Uni anundat a labino mugumugu na tene etabor torom o God, ra i wan usapat una langit, i ra o Iesu, a Nutun o God.

Ibru 6:4

Katutaio in ben pukus lar pas a taro sur det in nukpukus torom o God ra det sa wan gisen gusuni. Det sa tasman tar a talapor anun o God, det sa wan tama tar a etabor tagisapat una langit, det sa los pas a Tokodos na Nion,

2 Pita 2:21

Gunuk ra ka det in tasman a kisapi ina tokodos na petutna, in wakak torom det. Ikut uniri, in laulau doko torom det, uni det sa tasmani, ikut det rosumur melet gusun a warkurai anun o God, ra di sa pitar tari tandet.

1 Jon 5:16

Ra taio in tama o tisino ra i pam a sakino petutna ra ke wan sur a minat, in wararing torom o God, ma o God in pitar a nilaun tano. A niaring ri in warut det ra anundet a sakino petutna ke wan sur a minat. Ikut ka watungi sur mot in wararing sur det ra anundet a sakino petutna i wan sur a minat.