Ibru 6:11 - Nupela Testamen long tokples Kandas

¹¹ Anumet a labino nemnem sur mot rop taktakai mot in dekdek una marmaris lenutra mot ser pami, tuk una ururopino. Mot in pami lenra, sur a kum utna ra mot kis langlang nama nurnur suri, in nanpat mulus ut torom mot.

Ibru 6:11 Iomraidhean Croise

Matiu 24:13

Ikut osi ra in tur dekdek tuk anun a nilaun in rop, o God in ulauni.

Luk 1:1

Torom o Tiopilus, A susut det lari ra det sa pam sot pas a tumtumus una kum utna ra i wanpat epotor tamet.

A Pas anun o Pol torom a taro Rom 12:8

Ma osi ra o God i pitar tar a etabor na ururagot tano, i wakak sur in uragot a taro nami. Ma osi ra o God i pitar tar a etabor sur in tene etabor, i wakak sur in palos lamano torom a taro. Ma osi ra o God i pitar tar a etabor sur in mugumugu, i wakak sur in papam dekdek sur in mugu wakak a taro. Ma osi ra o God i pitar tar a etabor sur in tene marmaris, i wakak sur in maris a taro nama gasgas.

A Pas anun o Pol torom a taro Rom 15:13

A wararing torom o God, i ra dat kis langlang suri nama nurnur sur a wakakino ra in pami. A wararing sur in ubukus mot ra mot nurnur uni nama labino gasgas ma a malmal. Ma una dekdekin a Tokodos na Nion ut, mot in kis langlang nama labino nurnur sur a wakakino, ra numur o God in pami.

1 Korin 13:13

A tulu utna ri detul kis tukum: a nurnur, a kinkinis langlang nama nurnur sur asau ra o God in pami, ma a marmaris. Ikut a marmaris i labo sakit tandetul.

1 Korin 15:58

I mo ra a kum wakak na tistising, mot in tur dekdek, ma gong i tugunu anumot a nurnur una katkatutur melet gusun a minat. Mot in pitar rop tar anumot a nilaun una pinapam anun a Labino, uni mot tasmani lena a kum pinapam rop mot pami torom a Labino awu sur a utna oros kut.

Galesia 5:5

Ikut dat, una dekdekin a Tokodos na Nion dat kis langlang nama nurnur sur o God in watung dat lena a kum tene tokodos uni dat nurnur.

Galesia 6:9

Gong a pinindat i ngoro una wakak na pinapam ra dat pami, ma gong dat mana gusuni. Ra a du bung in sot, dat in pasong pas a wino tagun anundat a pinapam.

Pilipai 3:15

I wakak sur dat, ra dat tur dekdek, a nuknukin dat in lenra. Ikut ra a nuknuki mot in senene un tu utna, o God ut in utalapori torom mot.

Kolosi 1:23

Ra mot in dekdek nama nurnur, ma mot in tur dekdek uni, o God in pam a utna ri. Ma gong mot wan gisen gusun a kinkinis langlang nama nurnur sur a kum utna ra o God in pami, ra mot sa longoro tari una Wakak na Wasiso. A Wakak na Wasiso ra, di sa inanos taru nami torom a taro rop una rakrakon bual. Iau, o Pol, a wanpat a tultul tagun a Wakak na Wasiso.

Kolosi 1:5

Anumot a nurnur ma a marmaris ri, i kibino una numot a kinkinis langlang tomo nama nurnur sur a utna, ra o God i tamtamabati sur mot sapat una langit. A utna ra, mot sa longoro tar a wasiso uni, una lingmulus na wasiso, i a Wakak na Wasiso,

Kolosi 2:2

A pami lenra, sur in uragot anundet a nilaun, ma det in kis na marmaris tomo, sur det in bukus nama labino mananos, sur det in tasman a utna anun o God, ra numugu i kis eno, i ra o Karisito ut.

1 Tesalonaika 1:5

uni a Wakak na Wasiso ra metul upuaso i, awu sur i wanpat torom mot elar nama wasiso kut, awu. I wanpat tomo nama dekdek ma a Tokodos na Nion, ma mot longoro lele i ra mot pam ukai i una balamot. Ra metul laun nisamot, mot tasman wakak a magirametul, ra metul ser upuaso i sur in uwakak mot.

1 Tesalonaika 4:10

A lingmulus ut, mot nem a kum tistisi mot rop tiro una papor Masedonia rop. Ikut, metul saring mot sur anumot a marmaris in lubung dekdek ut.

2 Tesalonaika 3:13

Ma torom mot, a kum tistisi metul, gong a pinimot i ngoro nama pam a kum tokodos na petutna.

Ibru 10:22

I mo ra, dat in nan milau o God nama lingmulus unin balandat ma a nurnur mulus, ma a nuknukin dat ra i langolango gusun a kum etakun una kum sakino petutna, uni o Iesu i sa lamir talapor tari nama gapino. Dat in nan milau i nama pinindat ra i sa gos tari nama danim ra i talapor.

Ibru 3:14

Ra dat turpas a mur o Karisito, dat tur dekdek una nurnur. Ra dat in tur dekdek una nurnur tuk una ururopino, elar nami ra dat pami numugu, dat tagun o Karisito.

Ibru 3:6

Ikut o Karisito, i a Nutun o God ma i lingmulus una nun a pinapam ra i tamtamabat a taro anun o God. Ra dat tur dekdek una nurnur, ma ka dat ngara, ma dat kis langlang sur a kum utna ra o God in pami, dat a taro anun o God.

1 Pita 1:21

Ma mot nurnur un o God i kibino ut un o Karisito. Ra o God ut i ukatutur melet pas o Karisito gusun a minat, ra i pitar tar a minamar toromi. I mo ra, mot nurnur un o God ma mot kis langlang nama nurnur sur a utna ra in pami numur.

2 Pita 1:10

I mo ra a kum tistising, mot in papam dekdek sur mot in ese i una numot a nilaun lena, o God i sa kabo pas mot ma i pilok pas mot. Ra mot in pami lenra, ka mot in puku,

2 Pita 3:14

A kum wakak na paspasang, ra mot kis langlang sur a bung ra, mot in dekdek sur gong tu dur una numot a nilaun, ma katu etakun in los mot un tu utna, ma mot in kis na malmal tomo nam o God.

1 Jon 3:14

Dat tasmani lena, dat sa wan gusun a minat, sur a nilaun, uni dat nem a kum tistisin dat. Ma osi ra kalako marmaris, i kis utmakai una minat.

1 Jon 3:19

Ra dat in marmaris lenra, dat in tasmani lena, dat tagun a lingmulusino, ma dat in balano molmol umatan o God.

Tamtama 2:26

Osi ra i winim pas a inaim ma i pam sot pas anung a nemnem tuk una ururopino, an pitar tar a warkurai tano, lenutra o Tita i pitar tar a warkurai tang. An pitar tar a warkurai tano, sur in warkurai sur a taro tagun a kum gapman rop. ‘In warkurai dekdek det namin nubuku na aen, ma in gino det elar nami ra di pagol ginogino a kuro ra di pami nama piopap.’ Sng 2:9