Ibru 5:1 - Nupela Testamen long tokples Kandas

¹ A kum mugumugu na tene etabor rop torom o God, o God i pilok pas det tagun a taro, ma i ubek tar det sur det in tur ukinalong a taro umatano. Det in pitar a kum etabor ma det in tun a kum wewegua sur o God in unus ru a kum sakino petutna anun a taro.

Ibru 5:1 Iomraidhean Croise

A Pas anun o Pol torom a taro Rom 15:17

Un o Karisito Iesu, a gas doko una nung a pinapam ra a pami torom o God.

1 Korin 15:3

Uni a wasiso ra i labo doko, ra a sa los pasi, a sa pitar tari tamot. A wasiso ra i lenri: O Karisito i mat una nundat a kum sakino petutna, elar nami ra di sa tumus tari una Buk Tabu.

Ibru 10:11

A kum bung rop a kum tene etabor rop det tur ma det pam anundet a pinapam na lotu, ra det ser tun a kum takano etabor kut torom o God. Ikut, a kum etabor ri, ka det unus lar pas a kum sakino petutna.

Ibru 10:12

Ikut o Karisito, anundat a mugumugu na tene etabor i pitar tari ut sur a etabor torom o God una kum sakino petutna anun a taro. Ara dino kut i pami. Anun a pinapam ra in tur tukum, ma ken pam meleti mo. Ra i sa pam tari, i kis taru una papor sot na laman o God.

Ibru 11:4

Una nun a nurnur, o Abel i pitar tar a etabor torom o God ra i wakak sakit taun a etabor anun o Kain. Kibino una nun a nurnur, o God i nem anun a etabor, ra i wasiso puaso un o Abel lena i a tene tokodos. A lingmulus o Abel i sa mat, ikut, kibino una nun a nurnur, kuri utmakai i wasiso torom dat.

Ibru 2:17

Iri a kibino ra o Iesu i wanpat elar ut nama kum tistisino una kum utna rop, sur in mugumugu na tene etabor torom o God ma una nun a pinapam ra torom o God, in ese a marmaris torom a taro, ma a lingmulus na petutna. In pitar anun a nilaun sur in mat, ma o God in unus ru a kum sakino petutna anun a taro, ma in urop ru anun a kankan ma ken kankan melet mo torom det.

Ibru 7:27

Ke elar nama kum mugumugu na tene etabor, ra det ser tun etabor una kum bung rop, una nundet a kum sakino petutna mugu, ra numur anun a taro kai. O Iesu ke pami lenra. I pitar tari kut ara etabor una sakino petutna anun a taro. I etabor nami ut. I pam tari ara dino kut, ma ken pam meleti mo, uni a etabor ra in kis tukum.

Ibru 8:3

A kum mugumugu na tene etabor rop torom o God, o God i ubek tar det sur det in pitar tar a kum etabor ma det in tun a kum wewegua sur a etabor toromi. Lenkutkai ra, o Iesu anundat a mugumugu na tene etabor in etabor nam tu utna sur in pam sot pas anun a pinapam na etabor torom o God.

Ibru 8:4

Ra gunuk in kis nin upiso, ken tene etabor torom o God, uni a ramano kum tene etabor kuri ut det upiso, ra det ser pitar a etabor elar nama Warkurai anun o Moses.

Ibru 9:9

Iri a malalar sur a kum kilalo ri. I kukuraino lena a kum etabor ra ka di tuni ma a kum etabor kai ra di ser tuni, ra di etabor torom o God nami, ka det in gos lar pas in balan taio ra i etabor nami sur in talapor umatan o God.