Ibru 4:2 - Nupela Testamen long tokples Kandas

² Uni dat kai dat sa longoro tar a Wakak na Wasiso elar nama kum tumtubun dat tagun numugu. Det longoro tari ut, ikut ke warut det, uni ka det nurnur uni.

Ibru 4:2 Iomraidhean Croise

Aposel 13:46

Ikut ka der ngara ra der watungi lena, “A labino utna sur mir in upuaso mugu tar a wasiso anun o God torom mot. Ma mir sa pam sot pasi. Ikut mot rosumur gusuni, ra i elar nami ra mot ut mot watungi lena, ‘Ka met tokodos sur met in los a nilaun tukum.’ Mot in tama i, mir in nan mo torom a taro ra awu sur a taro Juda.

Aposel 3:26

O God i tulu ru anun a Tultul, i tulu mugu ru i torom mot a taro Juda, sur in ben pukus pas mot taktakai gusun anumot a kum sakino petutna, sur mot in dan.”

A Pas anun o Pol torom a taro Rom 2:25

Ra u mur a kum Warkurai, a tinotok talilis ra di pam tari un ui, i lingmulus. Ikut, ra ko mur a kum Warkurai, u elar kut nam taio ra ka di tok talilis a pinino.

A Pas anun o Pol torom a taro Rom 3:3

I pepetlai ra ara taro Juda ka det nurnur? Ra ka det nurnur, pepetlai, i topasi sur in turbat o God sur gong i pam sot anun a wasiso?

1 Korin 13:3

Ra an pitar ru anung a kum utna rop torom a kum sibo na taro, ma an pitar iau kai sur din tun iau, ikut ra ka lason una marmaris, ken warut iau.

Galesia 3:2

Mot in inanos iau: Mot utur ukai petlan a Tokodos na Nion? Uni mot mur a kum Warkurai, o uni mot nurnur una Wakak na Wasiso ra mot sa longoro i?

Galesia 3:8

A Buk Tabu i sa wasiso mugu taru lena, o God in watung a taro ra awu sur a taro Juda lena det a kum tene tokodos uni det nurnur. O God i sa inanos mugu tar o Abaram una Wakak na Wasiso lena, “Un ui, din watung udan a taro tagun a kum gapman rop.” Stat 12:3

Galesia 4:13

Mot tasmani ut, a mugano dino ra a wanpat, ra a warawai nama Wakak na Wasiso torom mot, kibino kut uni a misait.

1 Tesalonaika 1:5

uni a Wakak na Wasiso ra metul upuaso i, awu sur i wanpat torom mot elar nama wasiso kut, awu. I wanpat tomo nama dekdek ma a Tokodos na Nion, ma mot longoro lele i ra mot pam ukai i una balamot. Ra metul laun nisamot, mot tasman wakak a magirametul, ra metul ser upuaso i sur in uwakak mot.

1 Tesalonaika 2:13

Ara kibino kai ra metul ser watung wakak torom o God i lenri: Ra mot rakon ukai a wasiso anun o God, ra mot longoro i ta metul, mot mulaot pasi. Awu sur mot mulaot pasi elar nama wasiso kut anun a taro, awu, mot mulaot pasi uni a wasiso ra, i a wasiso ut anun o God. A wasiso ra, kura i papam una nilaun anumot ra mot sa nurnur.

1 Timoti 4:8

Ra dat ulason a pinindat una wap, i warut a pinindat. Ikut ra dat ulason dat sur a petutna ra i wakak umatan o God, i warut dat una kum utna rop. Awu sur una nilaun kut ri, i warut dat kai una nilaun kura numur.

Ibru 11:6

Ra taio ke nurnur, o God ken gas lar pas nami. Uni taio ra i nem na wan torom o God, in nurnur lena o God i kis, ma in nurnur kai lena, o God in pitar a ikul tandet ra det sisio mulus suri.

Ibru 3:12

A kum tistising, mot in tumarong, sako taio tagun mot a nuknukino in mur a sakino petutna ma ken nurnur, ma in nan gisen gusun o God, ra i laun.

Ibru 4:6

Det ra det sa longoro tar a Wakak na Wasiso numugu, ka det ruk una nun a tamon na mana, uni ka det mur a wasiso anunu. Ikut a kisapi i papos utmakai, sur lako taro gisen det in ruk una nun a tamon na mana.

Jems 1:21

I mo ra mot in mana gusun a kum dur na petutna, ma a kum sakino, ra kuri i bukus una rakrakon bual. Ra mot in unatino pas mot, ma mot in mur a wasiso ra di sa marut tari una balbala mot, a wasiso anun o God ra in ulaun mot.

1 Pita 1:12

O God i upuaso i torom a kum poropet lena, a kum utna ri, awu sur in nanpat una anundet a kum kilalo na nilaun, awu, o God in pami ut torom mot. Ra uniri, mot sa longoro tari tan a taro ra det warawai nama Wakak na Wasiso torom mot, nama dekdekin a Tokodos na Nion, i ra di tulu pirso ru i tagisapat una langit. Ma a kum ensel kai, det nem doko i, sur det in tama a kum utna ri.