Ibru 3:6 - Nupela Testamen long tokples Kandas

⁶ Ikut o Karisito, i a Nutun o God ma i lingmulus una nun a pinapam ra i tamtamabat a taro anun o God. Ra dat tur dekdek una nurnur, ma ka dat ngara, ma dat kis langlang sur a kum utna ra o God in pami, dat a taro anun o God.

Ibru 3:6 Iomraidhean Croise

Matiu 10:22

Ma a taro rop det in nget mot uni mot anungi, ikut osi ra in tur dekdek tuk anun a nilaun in rop, o God in ulauni.

Matiu 16:18

Ra a watungi tam lena, ui o Pita, a wat kis. An utur anung a taro na lotu una wat ri. A dekdekin a minat ken winim pas anung a taro na lotu.

Matiu 24:13

Ikut osi ra in tur dekdek tuk anun a nilaun in rop, o God in ulauni.

A Pas anun o Pol torom a taro Rom 11:22

I mo ra mot in tama a marmaris ma a kankan anun o God. I ese anun a kankan torom det ra det wan gisen gusuni, ma i ese anun a marmaris torom mot, ra mot tur dekdek una nun a marmaris, ma ka mot mana gusuni. Ikut, ra awu, in pak ru mot kai.

A Pas anun o Pol torom a taro Rom 12:12

Mot in kis langlang nama gasgas sur a kum utna ra numur a Labino in tabor mot nami. Ra mot etorom a kum mamaut, mot in tur dekdek, ma gong mot mana nama niaring.

A Pas anun o Pol torom a taro Rom 15:13

A wararing torom o God, i ra dat kis langlang suri nama nurnur sur a wakakino ra in pami. A wararing sur in ubukus mot ra mot nurnur uni nama labino gasgas ma a malmal. Ma una dekdekin a Tokodos na Nion ut, mot in kis langlang nama labino nurnur sur a wakakino, ra numur o God in pami.

A Pas anun o Pol torom a taro Rom 5:2

Ra dat nurnur un o Karisito, i mugu dat ma i uruk dat una marmaris anun o God. Ra uniri, dat sa laun uni. Ma dat gas, ra dat kis langlang nama nurnur sur a minamar anun o God, ra kura numur dat in kis uni.

1 Korin 3:16

Pepetlai, ka mot tasmani lena mot a rumu anun o God, ma a Nion o God kura un mot?

1 Korin 6:19

Pepetlai, ka mot tasmani lena a pinimot i a rumu anun a Tokodos na Nion? A Tokodos na Nion ra i kis un mot, o God i sa tabor tar mot nami. Mot ut awu sur anumot,

2 Korin 6:16

A kum torotoro na god ka det in tur lar pas una rumu na etabor anun o God. Uni dat ut a rumu na etabor anun o God ra i laun. I elar nami ra o God i sa watung tari, “An kis tomo nam det, ma an nan epotor tandet. Ma iau a God anundet, ma det anung a taro.” Wkp 26:12

Galesia 6:10

Ra dat in pet lar pasi, dat in pam a wakakino torom a taro rop. Dat in pam mugu i torom a kum tene nurnur, ma numur torom a taro gisen kai.

Galesia 6:9

Gong a pinindat i ngoro una wakak na pinapam ra dat pami, ma gong dat mana gusuni. Ra a du bung in sot, dat in pasong pas a wino tagun anundat a pinapam.

Epeses 3:12

Dat langolango sur dat in nan torom o God ma ka dat in ngara, uni dat tagun o Karisito ma dat nurnur uni.

Kolosi 1:23

Ra mot in dekdek nama nurnur, ma mot in tur dekdek uni, o God in pam a utna ri. Ma gong mot wan gisen gusun a kinkinis langlang nama nurnur sur a kum utna ra o God in pami, ra mot sa longoro tari una Wakak na Wasiso. A Wakak na Wasiso ra, di sa inanos taru nami torom a taro rop una rakrakon bual. Iau, o Pol, a wanpat a tultul tagun a Wakak na Wasiso.

1 Tesalonaika 5:16

Mot in ser gas.

2 Tesalonaika 2:16

O God a Tamandat, i maris dat, ma una nun a marmaris i tabor dat nama wasiso na ururagot ra ken rop, ma i warut dat sur dat in kis langlang nama nurnur sur a wakakino ra in pami. Ra metul wararing sur anundat a Labino o Iesu Karisito ma o God a Tamandat

1 Timoti 3:15

Ra kan nanpat lakit, u sa tasman a kum ngas na petutna ra a taro anun o God det in pami epotor tandet. A taro na lotu anun o God, ra i laun, det elar nama pos ma a kibin a rumu ra i udekdek a lingmulusino.

Ibru 1:2

Ikut una kum ururop na bung ri, i wasiso torom dat nama wan o Nutunu. O Nutunu ra i pilok pasi sur in los a kum utna rop anun o God. Ma una laman o Nutunu, o God i ukis a rakrakon bual rop.

Ibru 10:19

A kum tistising, o God i sa unus ru anundat a kum sakino petutna, ra dat langolango, ma ka dat in ngara sur dat in ruk una nubual ra i Tabu Sakit, kibino una gapin o Iesu.

Ibru 10:21

O Iesu anundat a labino tene etabor torom o God ra i tamtamabat a taro anun o God.

Ibru 10:23

Dat in tur dekdek una nundat a kinkinis langlang nama nurnur sur asau ra o God in pami, ra dat ser wasiso puaso uni. Dat in tur dekdek, ma gong dat wan gisen gusuni, uni o God in pam soti ut asau ra i sa uliliman taru uni.

Ibru 10:35

I mo ra gong mot wan gisen gusun anumot a dekdek na nurnur, uni in labo sakit anumot a ikul uni.

Ibru 11:1

Asau a nurnur? I lenri: Ra taio i nurnur, i sa tasman mulusi lena, asau ra i kis langlang suri nama nurnur, in rakon pasi ut. Ke tama i utmakai, ikut i tasmani lena i lingmulus ut.

Ibru 3:14

Ra dat turpas a mur o Karisito, dat tur dekdek una nurnur. Ra dat in tur dekdek una nurnur tuk una ururopino, elar nami ra dat pami numugu, dat tagun o Karisito.

Ibru 4:11

I mo ra dat in dekdek sur dat in ruk una tamon na mana ra, sur gong taio tandat i puku elar nama taro ra ka det mur a wasiso anun o God.

Ibru 4:14

Dat in tur dekdek una kum etowo ra dat nurnur uni ma dat ser wasiso puaso uni. Uni anundat a labino mugumugu na tene etabor torom o God, ra i wan usapat una langit, i ra o Iesu, a Nutun o God.

Ibru 4:16

I mo ra dat in nan torom o God, anundat a King, a tene marmaris, ma gong dat ngara. Dat in nan toromi sur dat in utur ukai anun a marmaris, ra in warut dat una nundat a kum mamaut.

Ibru 6:11

Anumet a labino nemnem sur mot rop taktakai mot in dekdek una marmaris lenutra mot ser pami, tuk una ururopino. Mot in pami lenra, sur a kum utna ra mot kis langlang nama nurnur suri, in nanpat mulus ut torom mot.

Ibru 6:18

Aru utna ri, a liliman, ma a risano ra i udekdek anun a liliman nami, ka din keles lar pasi, ma o God ken toro lar pas nami. O God i pami lenra sur in uragot dat, ra dat sa kalabor bakit taru uni, sur dat in tur dekdek una nundat a kinkinis langlang nama nurnur sur a liliman anun o God, ra kura numur in nanpat.

Ibru 7:19

Uni a warkurai ra, ke utokodos pas a taro sur det in nan milau o God, awu. Ikut o God i sa pam tar a kisapi sur dat in nan milau i. A kisapi ra i wakak sakit taun a Warkurai. Ra uniri dat pet lar pasi sur dat in kis langlang nama nurnur suri.

1 Pita 1:8

Ka mot tama o Iesu utmakai, ikut mot nem doko i. Uniri ka mot tama i, ikut mot nurnur uni. Ma mot bukus nama labino gasgas ra ka din palos sot pasi nam tu wasiso, ma a gasgas ra, a minamarino i labo sakit.

1 Pita 2:5

Ra mot kai, mot elar nama kum watat ra det laun, ma o God i pam mot sur mot, a rumu anun a Tokodos na Nion. Mot in nanpat a kum tene tuntun etabor anun o God, sur mot in pitar a kum etabor ra i nion, ra i wakak umatano, i kibino un o Iesu Karisito.

1 Pita 4:17

A bung na warkurai i sa wanpat sur din warkurai mugu dat a taro anun o God. Ra a warkurai in turpasi un dat, in pepetlai torom det ra kura, ra det pitarngat una Wakak na Wasiso anun o God?

Tamtama 2:18

“Un tumtumus torom a ensel anun a taro na lotu tong o Taiataira lena: A Nutun o God, ra arin nikiok na matano der elar nama kunabor ina sungun, ma aru kikino der talapor elar nama bras ra di sa tun talapor tari una sungun, i watung a wasiso ri:

Tamtama 2:25

A kum sau rop ra mot sa utur ukai i, mot in tur dekdek uni tuk ra an nanpat.

Tamtama 2:26

Osi ra i winim pas a inaim ma i pam sot pas anung a nemnem tuk una ururopino, an pitar tar a warkurai tano, lenutra o Tita i pitar tar a warkurai tang. An pitar tar a warkurai tano, sur in warkurai sur a taro tagun a kum gapman rop. ‘In warkurai dekdek det namin nubuku na aen, ma in gino det elar nami ra di pagol ginogino a kuro ra di pami nama piopap.’ Sng 2:9

Tamtama 3:11

Milau mukut an nanpat. Mot in pam ukai dekdek a kum sau ra mot sa utur ukai i, sako taio in los pas anumot a ikul, ra o God in pitari torom mot, len lari ra di pitar a ikul tan taio ra i winim pas a kinalabor.