Ibru 13:5 - Nupela Testamen long tokples Kandas

⁵ Mot in tamtamabat mot sur mot in langolango gusun a nemnem sur a mani. Mot in gas kut nama sau ra kura tamot. Uni o God i sa watung tari lena, “Kan madek ru ui, ma kan nan gusun ui.” Lo 31:6

Ibru 13:5 Iomraidhean Croise

Matiu 6:19

“Gong mot ubek tomo a kum wakak na ululeng nin upiso, uni a koropos ma a moroto der in ban laulau ru det kut, ma a kum tene wolong kai det in rege pas anumot a kum rumu ma det in los a kum ututna.

Matiu 6:25

“I mo ra a watungi tamot lena, gong mot nuknuk doko una numot a nilaun sur asau mot in nani, ma asau mot in inumi. Ma gong mot nuknuk doko una pinimot kai sur asau mot in emar nami. A nilaun i labo taun a utna na inangon, niko? Ma a pinindi kai i labo taun in namalu, niko?

Matiu 6:34

I mo ra gong mot nuknuk doko sur a bung markan, uni markan in nuknuk ut suri. A ninunuk sur ara bung taktakai i topasi ut a bung ra.”

A Wakak na Wasiso un o Iesu Karisito o Mak i tumusi 7:22

a nemnem sur a susut na utna, a kum sakino petutna, a kum torotoro, a kum sakino nemnem na pinindi, a nuknuk laulau sur tu utna anun taio, a petutna ra di mang laulau ara, a petutna ra taio i ulabo pasi ut, ma a kum tuptup na petutna.

Luk 3:14

Ma a ramano kum tene inaim det tingi lena, “Ma met, asau ra met in pami?” Ra i balu det lena, “Gong mot los na kankan oros pasi kut a mani gusun a taro, ma gong mot etakun torotoro, mot in gas kut sur a ikul ra din pitari tamot.”

Luk 8:14

A kum pitino ra det puku epotor una kum kuikui, det elar nama taro ra det longoro a wasiso, ikut a labino nuknuk una kinkinis anundet, a kum ululeng, ma a gasgas tagun a nilaun nin upiso, det rau bat a wasiso anun o God, ra ka det wu lako windet.

A Pas anun o Pol torom a taro Rom 1:29

Det bukus nama kum wur ngas na sakino petutna rop ri: Det pam a sakino torom a taro, det nemnem sur a susut na ululeng, ma det nem na ban laulau a taro. Det bukus nama nuknuk laulau sur a utna anun taio, det um doko a taro, det engaras, det torotoro, ma det nget a taro. Det wasiso eno,

1 Korin 5:11

Ikut a tumtumus torom mot, sur gong mot lason tomo nam det ra det watungi lena det a kum tistisin dat una nurnur, ikut det ser pam a kum sakino petutna lenri: Det ser pam a kum pamuk na petutna, det a kum matano muk, det ser lotu torom a kum torotoro na god, det ser mang laulau a taro, det a kum tene ininum ma det ra det ras pas a ututna ra awu sur anundet. Ma gong kai mot wangon tomo nama ngas na taro lenra.

1 Korin 6:10

ma a kum tene wolong, ma a kum matano muk, ma a kum tene ininum, ma det ra det emang, ma det ra det ras pas a ututna ra awu sur anundet, det rop ra, ka det in rakon a matanitu anun o God.

2 Korin 4:9

A taro det ukadik met, ikut o God i kis ut tomo nam met. Det um met, ikut ka det um doko ru met.

Epeses 5:3

Gong tu pamuk na petutna i kis epotor tamot, gong tu dur na petutna, ma gong kai mot nemnem sur a susut na ululeng. Uni a kum petutna ri ke tokodos sur a tokodos na taro anun o God det in pami.

Epeses 5:5

Mot in tasman a utna ri: Det ra det pam a pamuk na petutna, o a kum dur na petutna, o det nem doko a susut na ululeng, ka det in rakon a matanitu anun o Karisito ma anun o God. Uni det ra det nem doko a susut na ululeng, det a kum tene lotu torom a kum torotoro na god, uni a kum ululeng anundet a god.

Kolosi 3:5

I mo ra, mot in doko ru a kum sakino petutna taginin upiso, ra kura una numot a nilaun. Iri a kum petutna ra: a kum petutna na pamuk, a kum dur na petutna, a laulau na nemnem, a nemnem sur a kum sakino petutna ma a nemnem sur a susut na ululeng. A nemnem sur a susut na ululeng, i ra, a lotu torom a torotoro na god.

1 Timoti 3:3

Ma gong i tene ininum, gong i tene inaim, in tene malmal, ma gong i tene wasiso na kankan, ma gong i nem doko a mani.

2 Pita 2:14

A kum bung rop, a matandet i tamtama kut sur tu ino anun taio o tu musano kai anun tu ino, sur det in pam a sakino tomo nami. Ka det mana gusun anundet a kum sakino petutna. Det ulam raro a taro ra ka det tur dekdek. Det lason doko una nemnem sur a susut na ululeng. Ikut, anundet a iniru i sa waninar.

2 Pita 2:3

Una nundet a labino nemnem sur a mani, det in usobor pas mot nama kum torotoro na wasiso, sur det in los anumot a mani. Ikut tagitiro numugu utmakai, o God i sa waninar tar anundet a warkurai na minabalu, ra milau mukut in nanpat un det.

A Pas anun o Jud 1:11

In laulau doko torom det! Det mur a petutna anun o Kain. Ma det raro elar nam o Balam, uni det pam a kum laulau na utna sur det in los a mani uni. Det in iru elar nam o Kora, ra i mugu pas a taro ra det rosumur gusun o God, ra det iru rop.