Ibru 13:14 - Nupela Testamen long tokples Kandas

¹⁴ Uni awu sur anundat a tamon ri in kis tukum. Dat tamtama sur a tamon ra kura numur in nanpat.

Ibru 13:14 Iomraidhean Croise

1 Korin 7:29

A kum tistising, a watungi lenri, a du bung i sa milau. Turpasi uniri, a kum musano ra det nolin, det in laun lari ra ka det nolin.

2 Korin 4:17

A kum mamaut ra met taramo det, ka det labo ma ka det in kis suano i, ikut det warut met, sur met in rakon pas a wakak na kinkinis una minamar, ra ken rop. A minamar ra, i labo sakit taun a kum mamaut ra met taramo i.

Epeses 2:19

I mo ra, mot awu melet mo sur a kum usiro, awu. Uniri mot takai mukut nama taro anun o God, ma mot a kabotaro mulus anun o God.

Pilipai 3:20

Ikut dat, a taro tagisapat una langit. Ra dat kis langlang nama labino nemnem sur a Tene Ulaun, ra in nan pirso tagisapat netes, a Labino o Iesu Karisito.

Ibru 10:34

Mot maris doko det ra det kis una karabus ra mot warut det. Ma mot gas kut ra a taro det ras pas anumot a kum ututna, uni mot tasmani lena anumot a kum ututna gisen, det in tur tukum, ma det wakak sakit taun a kum utna ra det ras pasi gusun mot.

Ibru 12:22

Ikut, mot sa wanpat una tangai Saion, i o Jerusalem kusapat una langit, a tamon anun o God, ra i laun. Mot sa wanpat torom a kum ariparip na ensel ra ka din luk lar pas det, ra det kis tomo nama gasgas.

Ibru 12:27

Ra o God i watungi lena, “Ara dino melet,” a kukuraino lena in los ru a kum utna ra i tugunu kut, a kum utna ra i sa ukis tar det. In los ru det sur a kum utna ra ka din gunu lar pas det, det in kis ut.

Ibru 2:5

A matok na rakrakon bual ra numur in nanpat, ra uniri dat wasiso uni, o God ke ubek tari utuntudu ina warkurai anun a kum ensel.

Ibru 4:9

Lenra, a taro anun o God anundet a mana kura utmakai, elar nama bung na mana anun o God.

Ibru 9:11

Ikut o Karisito i sa wanpat. I a mugumugu na tene etabor torom o God ra i warkurai sur a kum wakak na utna ra kuri det mo. I ruk una rumu na sel ra i wakak sakit taun a mugano rumu na sel. Awu sur a taro det pami, ra i talapor lena awu sur tagun a kum ukukis ri una rakrakon bual.

1 Pita 4:7

A ururop ina kum utna rop i sa milau. I mo ra mot in nuknuk wakak ma mot in tamtamabat wakak anumot a nilaun, sur mot in pet lari sur mot in wararing.

Tamtama 3:12

Osi ra i winim pas a inaim, an uturi sur a pos ina rumu na etabor anun a God anungi, ma ken pirso melet gusuni. Ma an tumus a risan anung a God uni, ma a risan a tamon anun a God anungi, a matok na Jerusalem, a tamon ra in nan pirso tagisapat una langit gusun anung a God. Ma an tumus tari kai a matok na risang uni.