Ibru 12:4 - Nupela Testamen long tokples Kandas

⁴ Mot waim tomo nama kum sakino petutna, ikut ka di um doko mot utmakai.

Ibru 12:4 Iomraidhean Croise

Matiu 24:9

“Kura numur, din pitar mot sur din ban laulau mot, ma din um doko mot, ma a taro tagun a kum gapman rop det in nget mot, uni mot anungi.

1 Korin 10:13

A kum ululam ra mot sa etorom tari, awu sur mot kut mot etoromi, awu, a susut na taro kai det etoromi. Ra o God ken madek ru mot sur tu ululam in nanpat torom mot, ra in labo taun a dekdeki mot. Ra tu ululam in nanpat, o God ut in waninar pas tu kisapi, sur mot in nan gisen gusuni ma mot in winim pasi. Ma asau ra o God i watungi in pam soti.

Pilipai 2:8

Ma a taro det tama i lena, i a musano mulus. I unatino pasi, ma i mur a wasiso anun o God ra i pitar tari ut, sur in mat, a lingmulus, i mat unin nanai kutus.

Ibru 12:2

Dat in tamtama tokodos sur o Iesu, i ra a kibin anundat a nurnur, ma i ra in ulabo pas anundat a nurnur tuk in kudulano. O Iesu i mat netes unin nanai kutus, a utna na maimai mulus. Ikut ke nuk pas a maimai ra, i pitar tari ut sur in taramo a ngunungut ma in mat unin nanai kutus, uni i tasmani lena, numur in los a labino gasgas. Ra uniri i sa kis una papor sot na laman a kiskis na king anun o God.

Ibru 13:13

I wakak sur dat in nan toromi kunago upiso utamon, ma dat in taramo a maimai tomo nami.

Tamtama 12:11

A kum tistisin dat det sa winim pasi nama gapin a Barman na Sipsip, ma nama nundet a wasiso puaso. Ma ka det maris bat anundet a nilaun gusun a minat.

Tamtama 17:6

A tama a ino ra i inum pas a gapin a taro anun o God, a gapindet ra det wasiso talapor un o Iesu. Ra i sipak nami. Ra a tama i, a kisin doko.

Tamtama 18:24

A gapin a kum poropet ma a kum taro anun o God, ma det rop kai ra di um doko det una rakrakon bual, di tama barato a gapindet tong o Babilon.”

Tamtama 2:13

A tasman a tamon ra mot kis iai, a tamon ra o Satan i sa kis na king iai. Ikut mot tur dekdek un iau, ma anumot a nurnur ke wan gisen gusun iau. Mot pami utkai lenra una kilalo ra di um doko o Antipas. I ra anung a lingmulus na tene wasiso talapor, ra di um doko i una numot a tamon, ra o Satan i kis iai.