Ibru 12:28 - Nupela Testamen long tokples Kandas

²⁸ Dat in watung wakak torom o God, uni dat sa utur ukai a matanitu ra ken tugunu. Dat in lotu torom o God nama urur ma a nginara ra i elar nam anun a nemnem,

Ibru 12:28 Iomraidhean Croise

Matiu 25:34

A king in watungi tandet ra kura una papor sot na lamano lena, ‘Mot wan urin, mot ra o Tita i sa watung udan tar mot. Mot in rakon pas a matanitu di sa waninar tari sur anumot, tagun numnumugu utmakai una turturkibin ina rakrakon bual.

Luk 1:33

ma in warkurai tukum sur a kabotaro anun o Jekop, ma anun a matanitu ken rop.”

A Pas anun o Pol torom a taro Rom 11:20

A lingmulus ut, o God i pak ru det uni ka det nurnur. Ikut mot, mot tur dekdek uni mot nurnur. Gong mot ulabo pas mot, mot in ngara.

Epeses 1:6

Ra dat in watung ulabo pas o God una nun a wakak na marmaris ra i tabor oros tar dat nami, una Nutunu ra i maris doko i.

Epeses 5:10

Mot in sisio sur a petutna ra a Labino i gas nami, sur mot in pami.

Pilipai 4:18

A sa los pas a kum utna rop ra mot tula i. I labo sakit, ma i labo taun anung a sibo. Ka sibo mo sur tu utna, uni a kum utna ra mot tula i, a sa los pasi tan o Epaproditus. I elar nama etabor torom o God, ra i sangnain wakak, ra o God i gas nami, ma i tokodos toromi.

Ibru 10:19

A kum tistising, o God i sa unus ru anundat a kum sakino petutna, ra dat langolango, ma ka dat in ngara sur dat in ruk una nubual ra i Tabu Sakit, kibino una gapin o Iesu.

Ibru 13:15

I mo ra, una kum bung rop dat in watung ulabo pas o God, una risan o Iesu. A wasiso na ulabo ra, in elar nama etabor ra dat pitari torom o God, ra a wandat i upuaso a risano.

Ibru 13:21

A wararing torom o God sur in tabor mot nama kum wakak na petutna rop, sur mot in mur anun a nemnem. A wararing kai un dat, lena, una pinapam anun o Iesu Karisito, o God in papam una nilaun anundat sur asau ra in gas nami. Dat in watung ulabo pas o Iesu Karisito, ken rop ma ken rop. Amen.

Ibru 3:6

Ikut o Karisito, i a Nutun o God ma i lingmulus una nun a pinapam ra i tamtamabat a taro anun o God. Ra dat tur dekdek una nurnur, ma ka dat ngara, ma dat kis langlang sur a kum utna ra o God in pami, dat a taro anun o God.

Ibru 4:16

I mo ra dat in nan torom o God, anundat a King, a tene marmaris, ma gong dat ngara. Dat in nan toromi sur dat in utur ukai anun a marmaris, ra in warut dat una nundat a kum mamaut.

Ibru 5:7

Ra o Iesu i laun nin una rakrakon bual, i kukukuk nam anun a kum niaring nama lurlur na matano torom o God, i ra i pet lar pasi sur in ulaun pasi gusun a minat. Ma o God i longoro i, uni i unatino pasi utuntudu ino.

1 Pita 1:17

Ra mot ser wararing, mot watung o God, a Tamamot. I wakak ra mot in laun nama nginara umatano, una anumot a kinkinis na usiro nin una rakrakon bual, uni i ra, in warkurai a taro rop nama tokodos na warkurai, una kum utna rop ra det sa pam tari.

1 Pita 2:20

Ra mot pam a sakino petutna ra di um mot, ra mot taramo a ngunungut uni, o God ken watung ulabo pas mot. Ikut ra mot pam a tokodos na petutna, ra di ukadik mot uni, o God in gas nam mot ra mot tur dekdek.

1 Pita 2:5

Ra mot kai, mot elar nama kum watat ra det laun, ma o God i pam mot sur mot, a rumu anun a Tokodos na Nion. Mot in nanpat a kum tene tuntun etabor anun o God, sur mot in pitar a kum etabor ra i nion, ra i wakak umatano, i kibino un o Iesu Karisito.

Tamtama 1:6

ma i ubek tar dat sur dat in warkurai tomo nami una nun a matanitu ma sur dat a kum tene etabor torom o Tamano, i ra o God anunu. Dat a kum tene etabor sur dat in papam torom o God. A minamar ma a dekdek rop i kis un o Iesu Karisito, ken rop ma ken rop. Amen.

Tamtama 15:4

Labino, osi ra ken ngara sur ui? Ma osi ra ken watung ulabo pas a risam? Uni ui kut u tasur. A taro tagun a kum gapman rop det in nanpat, ma det in lotu torom ui, uni anum a kum tokodos na pinapam i talapor rop torom a taro.”

Tamtama 5:10

U ubek tar det sur det in warkurai tomo nam ui una num a matanitu, ma sur det a kum tene etabor torom anundat a God, ma det in warkurai nin una rakrakon bual.”