Ibru 12:25 - Nupela Testamen long tokples Kandas

²⁵ Mot in tumarong, sur gong mot rosumur gusun o God ra i wasiso. Det ra ka det mur anun a wasiso ra i utumarong det tong una tangai Sainai, ka det kalabor eno lar pas gusun a warkurai na minabalu. I lingmulus sakit, ka dat in kalabor eno lar pas, ra dat rosumur gusun o naro ra i utumarong dat tagisapat una langit.

Ibru 12:25 Iomraidhean Croise

Matiu 17:5

Ra i wasiso utmakai, a du bakut ra i talapor doko i pulus bat pas det. Ma in nalngan ara tagisapat una du bakut ra, i watungi lena, “Iri a Nutunglik, a nat na wakak, a gas doko nami. Mot in longoro i.”

Matiu 8:4

Ra o Iesu i watungi tano lena, “Gong u inanos tar taio nami. Un nan ma un ese mugu tar ui torom a tene etabor torom o God, ma un pitar a etabor torom o God elar nami ra o Moses i sa watung tari. Ra un pami lenra, a taro det in tasmani lena u sa langolango.”

Aposel 7:35

“Numugu a taro Israel det ban lulu ru o Moses nama wasiso lenri, ‘Osi ra i ubek tar ui sur un mugumugu ma un tene warkurai anumet?’ Ikut, i ut ra, o God i tulu ru i sur in mugumugu ma in ulangolango pas a taro. I tulu ru i nama wasiso anun a ensel ra i wanpat toromi unin nanai ra i kunabor.

1 Tesalonaika 5:15

Gong mot balu a sakino nama sakino. Mot in dekdek sur mot in pam a wakakino etetalai torom mot, ma torom a taro rop kai.

2 Timoti 4:4

Ka det in longoro a lingmulusino mo, det in longoro i mukut a kum wasiso ororos kut.

Ibru 1:1

Numugu utmakai o God i wasiso torom a kum tumtubun dat nama wan a kum poropet. I wasiso una susut na dino ma una wur ngas na kisapi.

Ibru 11:7

O Noa i longoro a utumarong anun o God toromi una kum utna ra in nanpat ra ka di tama i utmakai. Ra una nun a nurnur, i ru pas o God ma i mur anun a wasiso, ma i pam a sip, ra i ulaun pas det tamtamano uni. A nurnur anun o Noa i upuaso a kum sakino petutna anun a taro una rakrakon bual, ra o God i kuro det uni. Ma o God i watung o Noa a tene tokodos, kibino una nun a nurnur.

Ibru 12:19

Det longoro a tinangis nin tuwuru, ma in nalngan ara ra i wasiso. Ra det longoro i, det saringi sur gong mo i wasiso torom det,

Ibru 3:12

A kum tistising, mot in tumarong, sako taio tagun mot a nuknukino in mur a sakino petutna ma ken nurnur, ma in nan gisen gusun o God, ra i laun.

Ibru 3:17

Osi det ra o God i kankan torom det a wat na noino kilalo? Det ra det pam a sakino petutna ma det mat una nubual kalako taro uni, niko?

Ibru 8:5

A pinapam na etabor det ser pami una rumu na etabor, ra i elar kut nama malalar ina rumu kusapat una langit. Iri a kibino ra o God i utumarong o Moses, ra i waninar sur in pam a rumu na sel sur det in ser tun etabor uni. I watungi tano lena, “Tamtama wakak taru ut! Un pam a kum utna rop, elar ut nama malalar ina rumu ra a sa ese tar ui uni sapat netes una tangai.” Kis 25:40

1 Pita 1:22

Ma uniri, mot sa rus talapor mot, uni mot sa mur a lingmulus na wasiso, sur mot in nem mulus a kum tistisi mot una nurnur. I mo ra, mot in nem etetalai mot nama marmaris mulus una balamot.

Tamtama 19:10

Numur, a puku pirso nama urur nisan a ru kikino sur an lotu toromi. Ikut i watungi tang lena, “Gong! Iau kai, a tultul kut elar nam ui ma a kum tistisim ra det pam ukai a wasiso puaso anun o Iesu. Un lotu torom o God! Uni a wasiso puaso anun o Iesu, i ut ra i ukatutur a taro sur det in wasiso na poropet.”

Tamtama 22:9

Ikut i watungi tang lena, “Gong! Iau kai, a tultul kut, elar nam ui ma a kum tistisim, a kum poropet ma det rop kai ra det mur a kum wasiso tagun a buk ri. Un lotu torom o God!”