Ibru 12:24 - Nupela Testamen long tokples Kandas

²⁴ ma torom o Iesu, i ra i tur epotor tan o God ma a taro, ra i pam tar a matok na kunubus, sur i dat tomo tar det. Mot sa wanpat torom a gapino, ra di sa lamlamir taru nami. A gap ri i wasiso puaso una kum utna ra i wakak sakit taun asau ra a gapin o Abel i wasiso uni.

Ibru 12:24 Iomraidhean Croise

Matiu 23:35

Din pitar a warkurai na minabalu torom mot, una gapin a kum tene tokodos rop, ra di sa um doko tar det. Turpasi ra di um doko o Abel, a tene tokodos, ma i wan tuk ra di um doko o Sekaraia, a nutun o Berekia, i ra mot um doko i epotor nisan a kabulu na tuntun etabor ma a rumu na etabor.

Matiu 26:28

Iri a gaping, a kunubus ra i dat tomo tar a taro nam o God. A gaping ri, i tilingis sur in unus ru a kum sakino petutna anun a susut na taro.

A Wakak na Wasiso un o Iesu Karisito o Mak i tumusi 14:24

Ra i watungi tandet lena, “Iri a gaping, a kunubus ra i dat tomo tar a taro nam o God. A gaping ri, i tilingis sur a susut na taro.

Luk 11:51

Turpasi ra di um doko o Abel ma i wan tuk ra di um doko o Sekaraia, i ra i iru epotor nisan a kabulu na tuntun etabor ma a rumu na etabor. A watungi tamot, din pitar a warkurai na minabalu torom a taro tagun uniri una kum utna rop ri.

Luk 22:20

Lenkutkai ra, numur tan a inangon, i los pas a kap ma i watungi lena, “A kap ri, a matok na kunubus tagun a gaping ra i tilingis sur mot, ra i dat tomo tar a taro nam o God.

Galesia 3:20

Ikut ra o God i liliman torom o Abaram, katutaio i tur epotor tander. O God ara sot kut i wasiso.

1 Timoti 2:5

Uni ara God sot kut, ma ara sot kut kai ra i dat tomo o God ma a taro, a musano ri o Karisito Iesu,

Ibru 10:22

I mo ra, dat in nan milau o God nama lingmulus unin balandat ma a nurnur mulus, ma a nuknukin dat ra i langolango gusun a kum etakun una kum sakino petutna, uni o Iesu i sa lamir talapor tari nama gapino. Dat in nan milau i nama pinindat ra i sa gos tari nama danim ra i talapor.

Ibru 11:28

Una nun a nurnur, o Moses i pam a labino bung na lotu na Wanlakai, ra i itula sur din lamir a kum papor matansako nama gap, sur a ensel tagun a um doko a kum mugano nat na musano, gong i um doko a kum mugano nat musano anun a taro Israel.

Ibru 11:4

Una nun a nurnur, o Abel i pitar tar a etabor torom o God ra i wakak sakit taun a etabor anun o Kain. Kibino una nun a nurnur, o God i nem anun a etabor, ra i wasiso puaso un o Abel lena i a tene tokodos. A lingmulus o Abel i sa mat, ikut, kibino una nun a nurnur, kuri utmakai i wasiso torom dat.

Ibru 13:20

A wararing torom o God ra i ser pitar a malmal. I ra i ukatutur melet pas anundat a Labino o Iesu gusun a minat. O Iesu, i a labino tene tamtamabat anun a kum sipsip ra i mat ma i pitar tar a gapino ut sur in pam a kunubus ra in tur tukum. I mo ra o God i ukatutur melet pasi gusun a minat.

Ibru 7:22

I mo ra, o Iesu i ulingmulus a kunubus ra i wakak taun a kunubus ra o God i pitar tari torom o Moses.

Ibru 8:13

Ra o God i watung a kunubus ri “a matok na kunubus,” i talapor lena a mugano kunubus i sa turai. Ma asau ra i turai ma i sa suano i, milau sur in rorom.

Ibru 8:6

Ikut o Iesu i sa los pas a pinapam na tene etabor ra i labo sakit taun a pinapam na etabor anun a kum tene etabor. Lenkutkai ra a kunubus ra o Iesu i sa pam sot pasi sur in dat tomo a taro nam o God, i labo sakit taun a mugano kunubus. A kibin a matok na kunubus i a kum liliman, ra det wakak sakit taun a kum mugano liliman.

Ibru 8:8

Ikut o God i upuaso a niraro anun a taro ra i watungi lena, “A Labino i watungi lena: Tama i, a kum bung in nanpat, ra an pam a matok na kunubus tomo nama taro Israel ma a taro Juda.

Ibru 9:15

I mo ra o Karisito i tur epotor tan o God ma a taro, ra i pam tar a matok na kunubus, sur in dat tomo tar det. I pami sur det, ra o God i sa kabo pas det, det in dan tukum elar nam anun a liliman. O Karisito i mat ra i kul pas det nama gapino. Anun a minat i ulangolango pas det gusun anundet a kum sakino petutna ra det ser pami utuntudu ina mugano kunubus.

Ibru 9:19

Ra o Moses i sa watung rop tar a kum Warkurai tan a taro rop, i los pas a gapin a kum barman na bulumakau ma a kum meme, ra i ubek tomo pasi nama danim. I los pas a kano duwai lik ra di watungi namin isop, ra di sa ker wat tari nama merek na iwu ina sipsip. I puk pasi una gap, ra i lamir a buk na Warkurai ma a taro rop nami.

Ibru 9:21

Lenkutkai ra, i lamir a rumu na sel nama gap. Ma i lamiri kai a kum utna rop ra det ser papam nami una lotu.

1 Pita 1:2

O God a Tamandat i sa pilok pas mot ra i sa tasman mugu tar mot, ma a Tokodos na Nion i umatok pas mot sur mot a taro anun o God, sur mot in mur a wasiso anun o Iesu Karisito, ma in rus mot nama gapino. A marmaris ma a malmal in kis torom mot, ma in labo sakit.