Ibru 12:23 - Nupela Testamen long tokples Kandas

²³ Mot sa wanpat una kinkinis tomo anun a kum mugano nutnutun o God, det ra di sa tumus tar a kum risandet sapat netes una langit. Mot sa wanpat torom o God, i ra a Tene Warkurai anun a taro rop, ma torom a nion a kum tene tokodos, ra o God i sa utokodos sakit pas det,

Ibru 12:23 Iomraidhean Croise

Luk 10:20

Ikut, gong mot gas, uni a kum laulau na nion det mur anumot a wasiso. Mot in gas, uni di sa tumus tar a risamot sapat una langit.”

A Wakak na Wasiso un o Iesu Karisito o Jon i tumusi 5:27

O God i pitar tar a dekdek tano sur in warkurai a taro nami, uni, i a Nutun a Musano.

Aposel 20:28

“Mot in tamtamabat wakak taru un mot, ma a kum sipsip kai, ra a Tokodos na Nion ut i sa pitar tari torom mot sur mot in tamtamabat det. Mot in tamtamabat a taro na lotu anun o God, ra i sa kul pas det nama gapino ut.

1 Korin 13:12

Uniri anundat a tamtama un o God ke talapor, i elar nami ra dat tama a niondat una galas, ra i gawul kut. Ikut numur, dat in tama o God nama matmatan dat. Uniri anung a mananos ke kudul, ikut numur anung a mananos in kudulano, elar nam o God i tasman rop iau.

1 Korin 15:49

Dat a malalar ina musano ra o God i pami nama piso, ma lenkutkai ra, dat in los a malalar ina musano tagisapat una langit.

1 Korin 15:54

Ma ra a pinindat ra i ser mereseng kut, in tupukus sur a pinindat ra ken mereseng mo, ma ra a pinindat ra i ser mat kut in tupukus sur a pinindat ra ken mat mo, a tumtumus una Buk Tabu in sot maragom, lenri, “O God i sa pas tataun tar a minat, ma i kamar rop ru i.” Ais 25:8

2 Korin 5:8

Ikut met tasman mulusi lena, met in gas ra met in nan gusun a pinimet ri, ma met in kis tomo nama Labino.

Epeses 1:22

O God i ubek tar a kum utna rop utuntudu ina dekdekin o Karisito, ma o God i ukis tar o Karisito sur in lorin a kum utna rop, sur a wakakino anun a taro na lotu.

Pilipai 4:3

Ma ui kai ara lingmulus na tene pinapam tomo nam iau, a saring ui sur un warut aru ino ri, uni der papam dekdek tomo nam iau sur a Wakak na Wasiso in nan sarara. Met papam tomo nam o Klemen, ma ara taro kai ra a kum risandet i sa kis una buk na nilaun.

Kolosi 1:12

ra mot in watung wakak torom a Tamandat, ra i warut mot sur mot in pet lari sur mot in rakon a kum utna tomo nam anun a taro. A kum utna ra i sa uliliman tari torom det, ra det kis una talapor.

Kolosi 1:24

Uniri a gas una kum mamaut ra a taramo i un mot. Una kum mamaut ra a taramo i una pining, a pam sot pas a kum mamaut anun o Karisito, sur an warut a taro na lotu, det ra a pinin o Karisito.

1 Timoti 3:5

A musano ra ke lason sur in mugu wakak det tamtamano, ken pet lar pasi kai sur in tamtamabat a taro na lotu anun o God.

Ibru 11:4

Una nun a nurnur, o Abel i pitar tar a etabor torom o God ra i wakak sakit taun a etabor anun o Kain. Kibino una nun a nurnur, o God i nem anun a etabor, ra i wasiso puaso un o Abel lena i a tene tokodos. A lingmulus o Abel i sa mat, ikut, kibino una nun a nurnur, kuri utmakai i wasiso torom dat.

Ibru 11:40

uni o God i sa waninar tar ara kisapi sur dat rop, ra i wakak sakit taun a kisapi numugu. Ke nemi sur in utokodos mugu pas det kut sur det in tokodos sakit, awu. I nemi sur in utokodos tomo pas det ma dat.

Ibru 2:12

Ma i watungi torom o God lenri, “An wasiso talapor un ui torom a kum tistising, ma an kelekele na watung ulabo pas ui epotor tan a taro na lotu.” Sng 22:22

Ibru 9:27

A taro rop det in mat ara dino kut, ra numur det in tur una warkurai anun o God.

Jems 1:18

Una nun a nemnem ut, o God i usus matok dat nam anun a lingmulus na wasiso. I pilok pas dat gusun a kum utna na ukukis rop, sur dat in elar nama kum mugano wino duwai ra di ser etabor nami torom o God.

1 Pita 2:23

Ra a taro det watung laulau i, ke balu det. Ra det ukadiki, ke kankan ma ke watung tari lena, in ban laulau det, awu. I madek tari ut una laman o God, i ra i ser warkurai nama tokodos na warkurai.

Tamtama 13:8

Ma det rop ra det kis una rakrakon bual, ra a risandet ke kis una buk na nilaun, ra di sa tumus tari numugu ra o God ke ukisi utmakai a rakrakon bual, det in lotu torom a kuabor na wewegua. A buk na nilaun ra, anun a Barman na Sipsip, ra di um doko ru i.

Tamtama 14:4

Det ri, katu dur un det, uni ka det inep tomo nama wardain. Det ser mur a Barman na Sipsip una kum nubual ra i ser wan iai. O God i kul langolango pas det taginin epotor tan a taro una rakrakon bual, sur det in elar nama mugano wino ra di ser tabor o God ma a Barman na Sipsip nami.

Tamtama 20:15

Ma osi ra ka di tumus a risano una buk na nilaun, di woro pirso ru i unin labino tung na sungun.

Tamtama 6:11

Ra di pitar tar a kum kabang na malu tandet taktakai. Ma di inanos det lena, det in kis lilik melet pas, tuk ra din um doko det kai, ra det papam tomo nam det una Wakak na Wasiso, ma a kum tistisin det una nurnur. Din um doko det elar nami ra di sa um doko mugu tar det, tuk a nilulukin det in sot.

Tamtama 6:9

Ra a Barman na Sipsip i papok ru a manlimo na bulit, a tama a nion a taro ra di sa um doko tar det, uni det mur sot pas a wasiso anun o God ma det wasiso talapor nami. A tama det utuntudu ina kabulu na tuntun etabor.