Ibru 12:22 - Nupela Testamen long tokples Kandas

²² Ikut, mot sa wanpat una tangai Saion, i o Jerusalem kusapat una langit, a tamon anun o God, ra i laun. Mot sa wanpat torom a kum ariparip na ensel ra ka din luk lar pas det, ra det kis tomo nama gasgas.

Ibru 12:22 Iomraidhean Croise

Matiu 16:16

Ra o Saimon Pita i balu i lena, “Ui a Karisito, a Nutun o God ra i laun.”

Matiu 5:35

Gong mot liliman nama rakrakon bual, uni a rakrakon bual a nubual ra i ubek aru kikino uni. Gong mot liliman nam o Jerusalem, uni o Jerusalem a tamon anun a labino King.

A Pas anun o Pol torom a taro Rom 11:26

Una kisapi ri, o God in ulaun rop pas a taro Israel. Elar nami ra di sa tumus tari una Buk Tabu lenri, “A Tene Ulaun in nanpat tagisapat o Saion, ma in ben pukus a kabotaro anun o Jekop gusun anundet a petutna na rosumur gusun o God.

A Pas anun o Pol torom a taro Rom 9:26

Ma o Hosea i watungi kai lena, “Una tamon ra numugu o God i watung tari tandet lena, ‘Mot awu sur anung a taro,’ din watung det ‘a kum nutnutun o God, ra i laun.’” Os 1:10

Galesia 4:26

Ikut o Jerusalem kusapat una langit, i langolango elar nam o Sara, a ino ra awu sur a tene ititula, ma i a nandat, a kum tene nurnur.

Epeses 2:19

I mo ra, mot awu melet mo sur a kum usiro, awu. Uniri mot takai mukut nama taro anun o God, ma mot a kabotaro mulus anun o God.

Pilipai 3:20

Ikut dat, a taro tagisapat una langit. Ra dat kis langlang nama labino nemnem sur a Tene Ulaun, ra in nan pirso tagisapat netes, a Labino o Iesu Karisito.

1 Tesalonaika 1:9

Uni det ut det wasiso talapor una numot a wakak na petutna ra mot gas pas metul. Ma det wasiso talapor kai un mot lena, mot sa tupukus torom o God, ma ka mot lotu mo torom a kum torotoro na god. Mot papam mo torom o God, i ra a lingmulusino ma i laun.

2 Timoti 4:18

A Labino in ulaun iau gusun a kum sakino utna rop ra det nem na pami un iau, ma in ukis iau una nun a matanitu sapat una langit. Dat in watung ulabo pasi, ken rop ma ken rop. Amen.

Ibru 10:31

In dekdek doko a nginara anun taio, ra o God ra i laun, in pitar a dekdek na warkurai na minabalu toromi.

Ibru 11:10

O Abaram i kis kut elar nama usiro una tamon ra, uni i kis langlang pas a tamon ra in tur tukum. A tamon ra o God ut i sa nuk tari sur in pami pepetlai, ma i sa pam tari.

Ibru 11:16

Ikut, anundet a nemnem ut sur a tamon sapat netes una langit, a tamon ra i wakak taun a tamon ra det sa wan pas gusuni. I mo ra o God ke maimai sur det in watungi lena, i anundet a God, uni i sa waninar tar a tamon sur det.

Ibru 13:14

Uni awu sur anundat a tamon ri in kis tukum. Dat tamtama sur a tamon ra kura numur in nanpat.

Ibru 3:12

A kum tistising, mot in tumarong, sako taio tagun mot a nuknukino in mur a sakino petutna ma ken nurnur, ma in nan gisen gusun o God, ra i laun.

Ibru 9:14

Ra i lingmulus lena di gos talapor a taro lenra, i lingmulus sakit ra a gapin o Karisito i gos talapor dat! Una dekdekin a Tokodos na Nion ra i kis tukum, o Karisito i pitar tar anun a nilaun torom o God. Anun a nilaun katu dur uni. Ra a gapino i gos talapor anundat a nilaun gusun a kum minat na pinapam ra dat in iru uni, sur dat in papam torom o God ra i laun.

A Pas anun o Jud 1:14

Ma o Enok kai, a wonom mawit na kabotaro tagun o Adam, i sa watung tar a wasiso na poropet un det lena, “Tama i, a Labino in nanpat nam anun a ariparip na tasur na ensel,

Tamtama 14:1

Numur a tamtama, ra a tama pas a Barman na Sipsip i tur taru una Tangai Saion tomo nam ara mar ma wat na noino ma wat na arip na taro, det ra di sa tumus tar a risan a Barman na Sipsip ma a risan o Tamano kai una kum masarindet.

Tamtama 21:10

A bukus nama Tokodos na Nion, ma a ensel ra, i los tito pas iau usapat una labino tangai ra i tur sakit usapat netes. Ma i ese tar iau un o Jerusalem, a tamon anun o God, i wan pirso tagisapat una langit tan o God.

Tamtama 21:2

Ma a tama a matok na Jerusalem, a tamon anun o God, i wan pirso tagisapat una langit tan o God. Di sa waninar tari elar nami ra di sa mar wakak tar a toraro na ino sur anun a musano, sur der in nolin.

Tamtama 22:19

Ra taio in rakon ru tu wasiso na poropet tagun a buk ri, o God kai in rakon ru anun a tinibo gusuni tagun in nanai na nilaun, ma tagun a tamon anun o God, ra di sa wasiso talapor taru uni una buk ri.

Tamtama 3:12

Osi ra i winim pas a inaim, an uturi sur a pos ina rumu na etabor anun a God anungi, ma ken pirso melet gusuni. Ma an tumus a risan anung a God uni, ma a risan a tamon anun a God anungi, a matok na Jerusalem, a tamon ra in nan pirso tagisapat una langit gusun anung a God. Ma an tumus tari kai a matok na risang uni.

Tamtama 7:2

A tama pas ara ensel bulung i wanpat tagun a matmatano tobar, i pam pas a ukinalong anun o God, ra i laun. I kakabo namin labino walngano torom a wat na ensel ra di sa pitar tar a dekdek tandet sur det in ban laulau a bual ma a tasi.