Ibru 12:2 - Nupela Testamen long tokples Kandas

² Dat in tamtama tokodos sur o Iesu, i ra a kibin anundat a nurnur, ma i ra in ulabo pas anundat a nurnur tuk in kudulano. O Iesu i mat netes unin nanai kutus, a utna na maimai mulus. Ikut ke nuk pas a maimai ra, i pitar tari ut sur in taramo a ngunungut ma in mat unin nanai kutus, uni i tasmani lena, numur in los a labino gasgas. Ra uniri i sa kis una papor sot na laman a kiskis na king anun o God.

Ibru 12:2 Iomraidhean Croise

Matiu 16:21

Turpasi una bung ra, o Iesu i utalapor anun a kum nat na ususer lena, in nan ut usapat o Jerusalem. Ra in taramo a susut na mamaut ulaman a kum mugumugu, a kum lamlabino tene etabor torom o God, ma a kum tene ususer tagun a Warkurai, ma din um doko i. Ra a tulu bung in rop in katutur melet.

Matiu 20:28

Lenkutkai ra a Nutun a Musano ke wanpat sur din papam toromi. I wanpat sur i ut in papam torom a taro, ma in pitar tar anun a nilaun, a ikul, sur in kul langolango pas a susut na taro.”

A Wakak na Wasiso un o Iesu Karisito o Mak i tumusi 14:36

I wararing lena, “Tita, Tita, a kum utna rop i topas ui un pami, un los ru a kap na mamaut ri gusun iau. Ikut gong u mur anung a nemnem, un muri ut anum a nemnem.”

A Wakak na Wasiso un o Iesu Karisito o Mak i tumusi 16:19

Ra a Labino o Iesu i sa wasiso taru tandet, o God i ben toto pasi usapat una langit, ma o Iesu i kis una papor sot na laman o God.

A Wakak na Wasiso un o Iesu Karisito o Mak i tumusi 9:12

I balu detul lena, “A lingmulus ut, o Elaija in nanpat mugu ma in ukodos melet a kum utna rop. Ma ilai ra di sa tumus tari una Buk Tabu lena, a Nutun a Musano in taramo a susut na ngunungut ma din ipul ru i?

A Wakak na Wasiso un o Iesu Karisito o Mak i tumusi 9:24

Uniutra a taman a natlik i balu i lena, “A nurnur! Warut iau una nung a lik nurnur.”

Luk 17:5

A kum aposel det watungi torom a Labino lena, “Un ulabo pas anumet a nurnur.”

Luk 23:11

O Erod ma anun a taro na inaim det urongon laulau uni, det nongoni, det mar tari namin wakak na malu sakit, ra det tulu melet ru i torom o Pailat.

Luk 24:26

Det watungi lena, a Karisito in taramo a kum ngunungut ri, ra numur in ruk una nun a minamar.”

A Wakak na Wasiso un o Iesu Karisito o Jon i tumusi 1:29

Ara bung numur, o Jon i tama o Iesu i wan nanan toromi, ra i watungi uni lena, “Mot tama i, a Barman na Sipsip anun o God, ra in lakro ru a sakino petutna anun a rakrakon bual.

A Wakak na Wasiso un o Iesu Karisito o Jon i tumusi 12:24

A inanos mot nama lingmulus, ra in niwino wit ken puku taru una piso, ma ken mat pas, in kis len taru ut ra, in tekene kut. Ikut ra in mat pas, in wu lako susut na wino.

A Wakak na Wasiso un o Iesu Karisito o Jon i tumusi 12:32

Ikut iau, ra din utur toto pas iau taginin upiso usapat netes, an dat pas a taro rop torom iau.”

A Wakak na Wasiso un o Iesu Karisito o Jon i tumusi 13:3

O Iesu i tasmani lena, o Tamano i sa pitar rop tar a dekdek toromi, sur in warkurai sur a kum utna rop nami. Ma i tasmani lena i wan ut tagisapat tan o God, ma in milet melet torom o God.

A Wakak na Wasiso un o Iesu Karisito o Jon i tumusi 6:40

Una nemnem anun o Tita, det rop ra det tamtama torom o Nutunu ma det nurnur uni, det in laun tukum, ma iau an ukatutur pas det gusun a minat una bung na warkurai.”

A Wakak na Wasiso un o Iesu Karisito o Jon i tumusi 8:56

A tamamot o Abaram i gas sur in tama anung a inawan pat. I tama i, ra i gas doko uni.”

Aposel 2:36

“I mo ra mot a taro Israel rop mot in tasman wakaki: O Iesu ra mot sak wat tari unin nanai kutus, o God i sa ukis tari sur i a Labino ma a Karisito.”

Aposel 3:15

Ra mot um doko ru o Iesu, i ra a kibin a nilaun, ikut o God i ukatutur melet pasi gusun a minat. Ma met, met tama i ma met wasiso talapor uni.

Aposel 5:31

I ut ra o God i ulabo pasi ma i ukisi una papor sot na lamano, sur in Labino Mugumugu ma in Tene Ulaun, ma in pam a kisapi sur a taro Israel det in nukpukus, ma din unus ru anundet a kum sakino petutna.

Aposel 5:41

Ra a kum aposel det pirso gusun a kiwung, ma det gas, uni o God i tama det lena det wakak sur det in los a maimai una risan o Iesu.

1 Korin 1:18

Uni a wasiso unin nanai kutus, a longlong na wasiso kut torom det ra det wan sur a iniru. Ikut, torom dat ra o God i ulaun dat, a wasiso unin nanai kutus, i a dekdekin o God.

1 Korin 1:23

Ikut met, met warawai kut un o Karisito, i ra di sak wati unin nanai kutus. A warawai ri, a taro Juda det ngeti, ma torom det, i elar nama wat ra det puku taru uni, ma i elar kut nama longlong na wasiso torom a taro ra awu sur a taro Juda.

Epeses 2:16

Ra o Karisito i mat unin nanai kutus, i dat tomo dat sur dat ara kut, ma i umarom tomo dat rop nam o God, ma i rakon ru a kinkinis na ebar.

Epeses 5:2

Mot in laun nama marmaris, elar nam o Karisito i maris dat, ra i pitar tar anun a nilaun sur dat, elar nama etabor ra i sangnain wakak torom o God.

Pilipai 1:6

A tasman mulusi lena, o God ra i turpas a wakak na pinapam un mot, in pam nanani, tuk ra in uropi, una bung ra o Karisito Iesu in nan pirso melet.

Pilipai 3:20

Ikut dat, a taro tagisapat una langit. Ra dat kis langlang nama labino nemnem sur a Tene Ulaun, ra in nan pirso tagisapat netes, a Labino o Iesu Karisito.

2 Timoti 4:8

O God i sa ubek tar anung a ikul, uni anung a nilaun i tokodos umatano. A Labino, a tokodos na Tene Warkurai in pitari tang una bung na warkurai. Ma awu sur torom iau kut, in pitari kai torom det rop ra det kis langlang nama labino nemnem sur anun a inawan pat melet.

Ibru 1:13

O God awu sur i watungi kai torom tu ensel lenri, “Un kis una papor sot na lamang, tuk ra an winim pas anum a kum ebar sur det in kis utuntudu in anum a warkurai.” Sng 110:1

Ibru 1:3

O Nutunu i talapor doko nama minamar anun o God, ma i elar mulus ut nam o God. I pam ukai a kum utna rop nama nun a dekdek na wasiso sur det in papam tomo wakak. I pitar tar anun a nilaun, sur in rus talapor dat gusun a kum sakino petutna rop. Ra i sa pam rop tar a pinapam ra, i kis una papor sot na laman a labino King sakit, sapat netes una langit.

Ibru 10:14

Uni, una ra etabor takai kut, i sa utokodos tukum pas a taro anun o God, det ra i ser gos talapor det.

Ibru 10:33

A ramano kum bung a taro det urongon laulau un mot, ma det ukadik mot umatan a taro. Ma a ramano kum bung kai mot tur tomo nam ara taro ra di pami lenra un det.

Ibru 11:36

A ramano taro di urongon laulau un det ma di miras det. A ramano taro kai di ker det nama kum sen ma di uruk det una karabus.

Ibru 12:3

Mot in nuk pas o Iesu, i ra i taramo a kum mamaut, ra a kum tene sakino det pami uni, sur gong a pinimot i ngoro ma gong mot tusako.

Ibru 13:13

I wakak sur dat in nan toromi kunago upiso utamon, ma dat in taramo a maimai tomo nami.

Ibru 5:9

O God i pam sot pas a pinapam ra un o Nutunu, ra o Nutunu i wanpat a kibin a pinapam na ulaun tukum a taro, torom det rop ra det ser mur anun a wasiso.

Ibru 7:19

Uni a warkurai ra, ke utokodos pas a taro sur det in nan milau o God, awu. Ikut o God i sa pam tar a kisapi sur dat in nan milau i. A kisapi ra i wakak sakit taun a Warkurai. Ra uniri dat pet lar pasi sur dat in kis langlang nama nurnur suri.

Ibru 8:1

Iri a labino utna ra met sa wasiso pas uni: Anundat a mugumugu na tene etabor torom o God i sa kis una papor sot na laman a kiskis anun o God, a labino King sakit sapat netes una langit.

Ibru 9:28

Lenkutkai ra o Karisito i pitar tari ut sur i a etabor torom o God ara dino kut, sur in los gisen ru a kum sakino petutna anun a susut na taro. Ma in nanpat melet a manru na dino. Awu mo sur in los gisen ru a kum sakino petutna, awu. In nanpat sur in ulaun pas det ra det kis langlang suri.

Jems 2:1

A kum tistising, mot ra mot nurnur una nundat a Labino o Iesu Karisito, ra i bukus nama minamar, un pam a takano petutna kut torom a taro rop, ma gong u tur takano papor.

1 Pita 1:11

A Nion o Karisito i kis un det, ma i inanos mugu tar det una kum ngunungut ra o Karisito in taramo i, ma una nun a minamar numur. Det tiktikin sur nangisin mulus, ma osi ra a kum utna ri in nanpat uni.

1 Pita 3:18

Uni o Karisito kai i taramo a ngunungut ra i mat ara dino kut, una nundat a kum sakino petutna. A Tene Tokodos i mat sur det ra ka det tokodos, sur in ben pas mot torom o God. Det um doko ru a pinino, ikut di ulaun pasi una nion.

1 Pita 3:22

I ra i wan tito usapat una langit, ra uniri i kis una papor sot na laman o God. Ma a kum ensel, ma a kum nion ra det utur ukai a warkurai, ma a kum nion kai ra det utur ukai a dekdek, det kis utuntudu ino.

A Pas anun o Jud 1:21

Mot in kis epotor una marmaris anun o God, ra mot kiskis langlang sur anundat a Labino o Iesu Karisito in tabor mot nama nilaun tukum. In tabor mot nami, uni i maris mot.

Tamtama 1:11

I watungi lena, “Asau ra u tama i, un tumus ukai i una buk ra di puli ma un pitar ru i utong torom a kum tene lotu una wonom mawit na tamon ri: o Epeses, o Smerna, o Pergamum, o Taiataira, o Sardis, o Piladelpia ma o Laodisia.”

Tamtama 1:17

Ra a tama i, a puku pirso taru nisan a aru kikino elar nama minat. Numur i ubek tar a sot na lamano sapat netes un iau, ra i watungi lena, “Gong u ngara, iau a mugano ma a ururopino.

Tamtama 1:8

A Labino o God i watungi lena, “Iau a Alpa ma a Omega, ra a laun numugu, a laun uniri ma numur an nanpat, ma a dekdek sakit.”

Tamtama 2:8

“Un tumtumus torom a ensel anun a taro na lotu tong o Smerna lena: O naro ra a mugano ma a ururopino, i ra i mat pas, ma i sa laun melet, i watung a wasiso ri: