Ibru 12:15 - Nupela Testamen long tokples Kandas

¹⁵ Mot in tumarong, sako taio ken los a marmaris anun o God. Ma mot in tumarong, sako taio in elar namin mapak na wakakor na duwai ra in lubung pat ma in pitar a mamaut torom mot, ma in ban udur pas lako susut.

Ibru 12:15 Iomraidhean Croise

Luk 22:32

Ikut a sa wararing taru sur ui, Saimon, sur gong anum a nurnur i puku. Ra u sa nukpukus melet, un udekdek a kum tistisim.”

1 Korin 10:12

Ra taio i nuki lena i tur dekdek, in tumarong, sako in puku taru una sakino petutna.

1 Korin 13:8

A marmaris ken rop lar pas. Ikut a kum wasiso na poropet det in rop kut, a wur ngas na wasiso det in rop kut, ma a mananos kai in rop kut.

1 Korin 15:33

Gong di ben raro mot, uni “A kinkinis tomo nama sakino taro, in ban laulau a wakak na petutna.”

1 Korin 5:6

Ke wakak ra mot ulabo pas mot ut. Pepetlai, ka mot tasmani lena lakalik nat na is kut, in ulabo rop pas a palawa?

2 Korin 13:5

Mot in tama wakak anumot a nilaun, ra anumot a nurnur i lingmulus o awu. Mot tasmani lena, o Karisito Iesu i kis un mot, niko? Ra awu, anumot a nurnur ke lingmulus.

2 Korin 6:1

Met papam tomo nam o God, ra met saring mot, sur gong mot ukio orosi kut a marmaris anun o God torom mot.

Galesia 2:13

Ra o Pita ke wangon tomo melet mo nama taro ra awu sur a taro Juda, a ramano kum te Juda ra det nurnur un o Iesu, det muri mukut a petutna anun o Pita ma det kai det raro tomo nami. Una nundet a petutna ri, det ben raro i utkai o Banabas.

Galesia 5:4

Ra mot nemi sur o God in watung mot a kum tene tokodos uni mot mur a kum Warkurai, mot sa kis susuaro gusun o Karisito. Mot sa wan gisen gusun a marmaris anun o God.

Epeses 5:3

Gong tu pamuk na petutna i kis epotor tamot, gong tu dur na petutna, ma gong kai mot nemnem sur a susut na ululeng. Uni a kum petutna ri ke tokodos sur a tokodos na taro anun o God det in pami.

Kolosi 3:5

I mo ra, mot in doko ru a kum sakino petutna taginin upiso, ra kura una numot a nilaun. Iri a kum petutna ra: a kum petutna na pamuk, a kum dur na petutna, a laulau na nemnem, a nemnem sur a kum sakino petutna ma a nemnem sur a susut na ululeng. A nemnem sur a susut na ululeng, i ra, a lotu torom a torotoro na god.

Taitus 1:15

A kum utna rop i tokodos torom det ra det tokodos, ikut torom det ra ka det tokodos ma ka det nurnur, a kum utna rop kai ken tokodos. A balandet i laulau doko, ma katu tokodosino tiro una nuknukin det.

Ibru 3:12

A kum tistising, mot in tumarong, sako taio tagun mot a nuknukino in mur a sakino petutna ma ken nurnur, ma in nan gisen gusun o God, ra i laun.

Ibru 4:1

A liliman ra o God i uliliman taru nami kuri utmakai, sur dat in ruk una nun a tamon na mana. I mo ra dat in tumarong, sako tu pasamot ken ruk lar pas uni.

Ibru 4:11

I mo ra dat in dekdek sur dat in ruk una tamon na mana ra, sur gong taio tandat i puku elar nama taro ra ka det mur a wasiso anun o God.

Ibru 6:11

Anumet a labino nemnem sur mot rop taktakai mot in dekdek una marmaris lenutra mot ser pami, tuk una ururopino. Mot in pami lenra, sur a kum utna ra mot kis langlang nama nurnur suri, in nanpat mulus ut torom mot.

2 Pita 1:10

I mo ra a kum tistising, mot in papam dekdek sur mot in ese i una numot a nilaun lena, o God i sa kabo pas mot ma i pilok pas mot. Ra mot in pami lenra, ka mot in puku,

2 Pita 2:18

Det ulabo pas det nama kum wasiso oros kut, ma det ulam a taro sur det in pam a pamuk na petutna ma det in mur a kum laulau na nemnem ina pinindet. Una ngasino ri, det ulam det ra ke suano det utmakai a inawan gisen gusun a kum tene sakino.

2 Pita 3:11

Ra a kum utna rop ri det in laulau lenri, osi na ngas na nilaun ra mot in muri? I wakak ra anumot a nilaun in tokodos, ma mot in pam a petutna ra i wakak umatan o God.

2 Pita 3:14

A kum wakak na paspasang, ra mot kis langlang sur a bung ra, mot in dekdek sur gong tu dur una numot a nilaun, ma katu etakun in los mot un tu utna, ma mot in kis na malmal tomo nam o God.

2 Jon 1:8

Mot in tumarong mot sur gong mot ubek ru asau ra mot sa dekdek pasi. Mot in tur dekdek sur mot in los pas anumot a kudulano ikul.