Ibru 11:6 - Nupela Testamen long tokples Kandas

⁶ Ra taio ke nurnur, o God ken gas lar pas nami. Uni taio ra i nem na wan torom o God, in nurnur lena o God i kis, ma in nurnur kai lena, o God in pitar a ikul tandet ra det sisio mulus suri.

Ibru 11:6 Iomraidhean Croise

Matiu 11:26

A lingmulus, Tita, uni anum a nemnem i lenutra.

Matiu 5:12

Mot in gas, uni i labo sakit anumot a ikul sapat una langit. Uni di sa ban laulau mugu tar a kum poropet ra det laun numugu tamot, lenkutkai ra di pami un mot.

Matiu 6:16

“Ra mot in wewel sur mot in wararing, gong mot tamtama na marmaris elar nama kum tene torotoro, uni det tamtama na marmaris sur a taro det in tama i lena det wewel. A inanos mot nama lingmulus, ra a taro det ulabo pas det lena det a kum tene lotu mulus, i ut ra anundet a kudulano ikul.

Matiu 6:33

Mot in sisio mugu sur anun a matanitu ma anun a tokodos na petutna, ra in tabor mot kai nama kum utna rop ri.

Matiu 6:5

“Ra mot in wararing, gong mot elar nama kum tene torotoro. Det nem doko i sur det in tur ma det in wararing una kum rumu na lotu, ma una kum nubual ra a taro det wanan tomo iai, sur a taro det in tama det ma det in watung ulabo pas det. A inanos mot nama lingmulus, ra a taro det ulabo pas det, i ut ra anundet a kudulano ikul.

A Wakak na Wasiso un o Iesu Karisito o Mak i tumusi 16:17

A kum tene nurnur det in pam a kum utna na ukisin ri: Det in lakro ru a kum laulau na nion nama risang, ma det in wasiso nama kum matok na ngas na wasiso,

Luk 12:31

Mot in sisio sur anun a matanitu, ra in tabor mot nama kum utna ri.

Luk 6:35

Ikut mot in nem anumot a kum ebar, ra mot in pam a wakakino torom det. Ra a taro det nemi sur det in los pas tu utna munung gusun mot, mot in pitari kut, ma gong mot nemi sur det in balu i. Ra mot in pami lenra, anumot a ikul in labo sakit, ma mot a kum nutnutun o God a Labino Sakit, ra i ser maris det ra ka det ser watung wakak toromi, ma a kum tene sakino kai.

A Wakak na Wasiso un o Iesu Karisito o Jon i tumusi 14:6

O Iesu i balu i lena, “Iau a kisapi, ma iau a lingmulus, ma iau a nilaun. Kataio in nan torom o Tita un tu kisapi gisen, un iau kut.

A Wakak na Wasiso un o Iesu Karisito o Jon i tumusi 8:24

Iri a kibino ra a watungi tamot lena, mot in mat nam anumot a kum sakino petutna. Ra ka mot nurnur un iau lena iau ut ri iau, mot in mat nam anumot a kum sakino petutna.”

A Pas anun o Pol torom a taro Rom 10:14

Ikut, ra ka det nurnur un a Labino, det in wararing pepetlai toromi? Ra ka det longoro tar tu wasiso uni, det in nurnur pepetlai uni? Ra kataio i inanos det, det in longoro i pepetlai?

Galesia 5:6

Ra kura dat un o Karisito Iesu, ra di tok talilis a pinin taio, o ka di tok talilisi, i a utna oros kut umatan o God. Ara utna kut ra i labo sakit umatan o God, a nurnur ra i pam pat a marmaris.

Ibru 11:26

I nuki lena, a maimai ra in taramo i una risan o Karisito, i wakak doko taun a kum ululeng tong o Ijip, ra a matano i ka doko, uni i tamtama sur anun a ikul numur.

Ibru 3:12

A kum tistising, mot in tumarong, sako taio tagun mot a nuknukino in mur a sakino petutna ma ken nurnur, ma in nan gisen gusun o God, ra i laun.

Ibru 4:2

Uni dat kai dat sa longoro tar a Wakak na Wasiso elar nama kum tumtubun dat tagun numugu. Det longoro tari ut, ikut ke warut det, uni ka det nurnur uni.

Ibru 4:6

Det ra det sa longoro tar a Wakak na Wasiso numugu, ka det ruk una nun a tamon na mana, uni ka det mur a wasiso anunu. Ikut a kisapi i papos utmakai, sur lako taro gisen det in ruk una nun a tamon na mana.

Ibru 7:19

Uni a warkurai ra, ke utokodos pas a taro sur det in nan milau o God, awu. Ikut o God i sa pam tar a kisapi sur dat in nan milau i. A kisapi ra i wakak sakit taun a Warkurai. Ra uniri dat pet lar pasi sur dat in kis langlang nama nurnur suri.

Ibru 7:25

I mo ra, o Iesu i pet lari sur in ulaun a taro ra det wan torom o God una risan o Iesu. In ulaun det ra det in laun tukum, uni i laun tukum sur in wararing sur det.

2 Pita 1:10

I mo ra a kum tistising, mot in papam dekdek sur mot in ese i una numot a nilaun lena, o God i sa kabo pas mot ma i pilok pas mot. Ra mot in pami lenra, ka mot in puku,

2 Pita 1:5

Iri a kibino ra mot in dekdek sur mot in palataun anumot a nurnur nama wakak na petutna. Ma mot in palataun a wakak na petutna nama mananos un o God.

2 Pita 3:14

A kum wakak na paspasang, ra mot kis langlang sur a bung ra, mot in dekdek sur gong tu dur una numot a nilaun, ma katu etakun in los mot un tu utna, ma mot in kis na malmal tomo nam o God.

Tamtama 21:8

“A kum tene nginara, ma det ra ka det nurnur, ma det ra anundet a petutna i dur, ma a kum tene um doko a taro, ma det ra det pam a kum petutna na pamuk, a kum tene sangsagor, a kum tene lotu torom a kum torotoro na god, ma a kum tene torotoro rop, anundet a nubual, in labino tung na sungun ma a salfa. Iri a manru na minat.”