Ibru 11:35 - Nupela Testamen long tokples Kandas

³⁵ Una nundet a nurnur, a kum wardain det gas pas a kum kukundet ra det sa laun melet gusun a minat. A ramano taro kai di ukadik laulau det, tuk ra det mat, uni ka det nemi sur det in ipul ru o God sur din palos ru det. Det pami lenra sur det in los a nilaun melet gusun a minat ra i wakak sakit taun a nilaun nin upiso.

Ibru 11:35 Iomraidhean Croise

Matiu 22:30

Una nilaun melet gusun a minat, ka det in nolin melet mo, det in elar mukut nama kum ensel sapat una langit.

A Wakak na Wasiso un o Iesu Karisito o Mak i tumusi 12:25

Ra a taro det in katutur melet gusun a minat, ka det in nolin melet mo, det in elar mukut nama kum ensel sapat una langit.

Luk 14:14

Ra un pami lenri, un dan. Uni, kalako utna anundet sur det in balu i tam, o God in balu i tam una bung ra a kum tene tokodos det in laun melet.”

Luk 20:36

Ma ka det in mat melet, uni det elar mukut nama kum ensel. Det a kum nutnutun o God, uni det sa laun melet gusun a minat.

A Wakak na Wasiso un o Iesu Karisito o Jon i tumusi 5:29

Det in katutur melet gusun a kum kulam na minat. Det ra det sa pam tar a wakak na petutna det in katutur melet gusun a minat sur a nilaun tukum. Ma det kai ra det sa pam tar a sakino petutna, det in katutur melet gusun a minat sur a iniru tukum.”

Aposel 22:29

Ma det, ra det nem na tingi, uniutra det wan susuaro mut gusuni. Ra a labino mugumugu i tasmani lena o Pol a te Rom, i ngara, uni i ker tari nama sen.

Aposel 23:6

O Pol i tasmani lena, a ramano taro tagun det, a kum Sadusi, ma ara taro kai a kum Parisi, ra i kakabo una kiwung lena, “A kum tistising, iau a Parisi, ma a nutun a Parisi. Uniri di takun iau uni a kis langlang nama nurnur una katkatutur melet anun a kum minat.”

Aposel 24:15

Anung a nurnur un o God i elar nama taro ri. Iau kai a kis langlang nama nurnur lena o God in ukatutur melet pas a wakak na taro ma a laulau na taro gusun a minat.

Aposel 4:19

Ikut o Pita ma o Jon der balu det lena, “Pepetlai, i tokodos umatan o God sur mir in mur anumot a wasiso, ma a wasiso anun o God gong? Mot ut mot in tama i.

Aposel 9:41

Ra o Pita i pam pas a lamano, ma i ukatuturi. Numur i kabo pas a kum tene nurnur, ma a kum ula, ra i tulu tar o Tabita torom det, i sa laun.

1 Korin 15:54

Ma ra a pinindat ra i ser mereseng kut, in tupukus sur a pinindat ra ken mereseng mo, ma ra a pinindat ra i ser mat kut in tupukus sur a pinindat ra ken mat mo, a tumtumus una Buk Tabu in sot maragom, lenri, “O God i sa pas tataun tar a minat, ma i kamar rop ru i.” Ais 25:8

Pilipai 3:11

I lenkutra, a nurnur lena, iau kai an katutur melet gusun a minat.