Ibru 11:3 - Nupela Testamen long tokples Kandas

³ Una nundat a nurnur, dat tasmani lena o God i ukis a rakrakon bual nam anun a wasiso. Ra asau ra dat tama i, o God i pami tagun asau ra ka di tama i.

Ibru 11:3 Iomraidhean Croise

A Wakak na Wasiso un o Iesu Karisito o Jon i tumusi 1:3

Una Wasiso kut, o God i ukis a kum utna rop. Katu utna o God i ukis tari, ra ke ukisi nama Wasiso.

Aposel 14:15

“A taro, sur asau ra mot pam a kum utna ri? Mir aru musano kut, mir elar kut kai lar mot! Mir wanpat kut nama Wakak na Wasiso torom mot, ma mir inanos mot sur mot in tupukus gusun a kum utna oros kut ri ra mot lotu torom det, sur mot in mur a God ra i laun. I ra, i ukis a bakut, a rakrakon bual, a tasi, ma a kum utna rop ubalandetul.

Aposel 17:24

O God ut ra i pam a rakrakon bual ma a kum utna ra det kis uni, i a Labino anun a langit, ma a rakrakon bual, ma ke kis un tu rumu na lotu ra a taro det pami.

A Pas anun o Pol torom a taro Rom 4:17

Elar nami ra di sa tumus tari una Buk Tabu: “A ukis tar ui sur ui a taman a taro tagun a susut na gapman.” Stat 17:5 Umatan o God, o Abaram a tamandat, uni i nurnur un o God, i ra i ser ukatutur a taro melet gusun a minat, ma i ser wasiso kut, ra a kum utna ra kabaut i wanpat, i wanpat kut.

1 Korin 2:7

A mananos ri met wasiso nami, i a mananos anun o God, a wasiso na pidik, ra numugu i kis eno. Una nun a mananos, i waninar tar a kisapi sur in pitar a minamar torom dat. I sa waninar tari numugu utmakai ra ke ukisi utmakai a rakrakon bual.

1 Timoti 4:5

Uni a wasiso anun o God ma a niaring der uwakak a utna na inangon sur in wakak umatan o God.

Ibru 1:2

Ikut una kum ururop na bung ri, i wasiso torom dat nama wan o Nutunu. O Nutunu ra i pilok pasi sur in los a kum utna rop anun o God. Ma una laman o Nutunu, o God i ukis a rakrakon bual rop.

Ibru 6:5

det sa tasman tar a wakakino tagun a wasiso anun o God ma det sa taramo tar a dekdekin o God ra numur in nanpat puaso.

2 Pita 3:5

Ikut, ra det watungi lenra, det nuk penpen una wasiso ri lena, numugu utmakai, o God i ukis a bakut ma a rakrakon bual nam anun a wasiso ut. I ukis a rakrakon bual nama danim, ma i mamaso pat tagun a danim.

Tamtama 4:11

“Anumet a Labino ma anumet a God, i tokodos sakit sur din ulabo pas ui ma din ru ui, ma i tokodos sakit sur un utur ukai a dekdek. Uni ui, u ukis a kum utna rop. U ukis det una num a nemnem ut, ma det laun kut tagun ui.”