Ibru 11:16 - Nupela Testamen long tokples Kandas

¹⁶ Ikut, anundet a nemnem ut sur a tamon sapat netes una langit, a tamon ra i wakak taun a tamon ra det sa wan pas gusuni. I mo ra o God ke maimai sur det in watungi lena, i anundet a God, uni i sa waninar tar a tamon sur det.

Ibru 11:16 Iomraidhean Croise

Matiu 25:34

A king in watungi tandet ra kura una papor sot na lamano lena, ‘Mot wan urin, mot ra o Tita i sa watung udan tar mot. Mot in rakon pas a matanitu di sa waninar tari sur anumot, tagun numnumugu utmakai una turturkibin ina rakrakon bual.

A Wakak na Wasiso un o Iesu Karisito o Mak i tumusi 12:26

Ra mot ipul lena, a kum minat ka det in katutur melet gusun a minat, pepetlai, ka mot luki utmakai a Buk anun o Moses, ra i wasiso unin nanai ra i kunabor? O God i watungi torom o Moses lena, ‘Iau a God anun o Abaram, a God anun o Aisak ma a God anun o Jekop.’ Kis 3:6

A Wakak na Wasiso un o Iesu Karisito o Mak i tumusi 8:38

A taro tagun uniri, anundet a nilaun i bakbak gusun o God, ma det a kum tene pam sakino. Osi ra in maimai un iau ma una nung a kum wasiso epotor tan a taro ri, a Nutun a Musano kai in maimai uni, ra in nanpat tomo nama kum ensel anun o Tamano ma a minamar anun o Tamano.”

Luk 12:32

“A nat na kunur na sipsip, gong mot ngara, uni a Tamamot i sa gas sur in pitar tar a matanitu torom mot.

Luk 20:37

O Moses i ese i lena a kum minat det katutur melet. Una wasiso na Buk Tabu unin nanai ra i kunabor, o Moses i watung a Labino lena, ‘A God anun o Abaram, a God anun o Aisak ma a God anun o Jekop.’ Kis 3:6

A Wakak na Wasiso un o Iesu Karisito o Jon i tumusi 14:2

A rumu anun o Tita, a susut na kukur rumu kura uni. Ma ra awu, an inanos mot ut uni. An nan sur an waninar tar a dino sur mot.

Aposel 7:32

‘Iau a God anun a kum tumtubum tagun numugu, a God anun o Abaram, o Aisak ma o Jekop.’ Kis 3:6 Ra o Moses i neneder, ma i ngara sur gong i tama i.

Pilipai 3:20

Ikut dat, a taro tagisapat una langit. Ra dat kis langlang nama labino nemnem sur a Tene Ulaun, ra in nan pirso tagisapat netes, a Labino o Iesu Karisito.

2 Timoti 4:18

A Labino in ulaun iau gusun a kum sakino utna rop ra det nem na pami un iau, ma in ukis iau una nun a matanitu sapat una langit. Dat in watung ulabo pasi, ken rop ma ken rop. Amen.

Ibru 10:34

Mot maris doko det ra det kis una karabus ra mot warut det. Ma mot gas kut ra a taro det ras pas anumot a kum ututna, uni mot tasmani lena anumot a kum ututna gisen, det in tur tukum, ma det wakak sakit taun a kum utna ra det ras pasi gusun mot.

Ibru 11:10

O Abaram i kis kut elar nama usiro una tamon ra, uni i kis langlang pas a tamon ra in tur tukum. A tamon ra o God ut i sa nuk tari sur in pami pepetlai, ma i sa pam tari.

Ibru 11:14

Ra a taro det watungi lenri, i talapor lena, det sisio sur anundet tu tamon.

Ibru 11:40

uni o God i sa waninar tar ara kisapi sur dat rop, ra i wakak sakit taun a kisapi numugu. Ke nemi sur in utokodos mugu pas det kut sur det in tokodos sakit, awu. I nemi sur in utokodos tomo pas det ma dat.

Ibru 12:22

Ikut, mot sa wanpat una tangai Saion, i o Jerusalem kusapat una langit, a tamon anun o God, ra i laun. Mot sa wanpat torom a kum ariparip na ensel ra ka din luk lar pas det, ra det kis tomo nama gasgas.

Ibru 13:14

Uni awu sur anundat a tamon ri in kis tukum. Dat tamtama sur a tamon ra kura numur in nanpat.

Ibru 2:11

O Iesu tomo nama taro ra i rus talapor pas det gusun anundet a kum sakino petutna, det ara Tamandet kut. Iri a kibino ra o Iesu ke maimai sur in watung det, a kum tistisino.

Tamtama 21:2

Ma a tama a matok na Jerusalem, a tamon anun o God, i wan pirso tagisapat una langit tan o God. Di sa waninar tari elar nami ra di sa mar wakak tar a toraro na ino sur anun a musano, sur der in nolin.