Ibru 11:10 - Nupela Testamen long tokples Kandas

¹⁰ O Abaram i kis kut elar nama usiro una tamon ra, uni i kis langlang pas a tamon ra in tur tukum. A tamon ra o God ut i sa nuk tari sur in pami pepetlai, ma i sa pam tari.

Ibru 11:10 Iomraidhean Croise

A Wakak na Wasiso un o Iesu Karisito o Jon i tumusi 14:2

A rumu anun o Tita, a susut na kukur rumu kura uni. Ma ra awu, an inanos mot ut uni. An nan sur an waninar tar a dino sur mot.

2 Korin 5:1

A pinindat i elar nama rumu na sel ra dat laun uni nin una rakrakon bual. Ma dat tasmani lena, ra in laulau, o God in pitar a rumu torom dat sapat una langit. A rumu ra, awu sur a taro det pami nama lamandet, awu. O God ut i sa pam tari, ma a rumu ra in tur tukum.

Pilipai 3:20

Ikut dat, a taro tagisapat una langit. Ra dat kis langlang nama labino nemnem sur a Tene Ulaun, ra in nan pirso tagisapat netes, a Labino o Iesu Karisito.

Ibru 11:16

Ikut, anundet a nemnem ut sur a tamon sapat netes una langit, a tamon ra i wakak taun a tamon ra det sa wan pas gusuni. I mo ra o God ke maimai sur det in watungi lena, i anundet a God, uni i sa waninar tar a tamon sur det.

Ibru 12:22

Ikut, mot sa wanpat una tangai Saion, i o Jerusalem kusapat una langit, a tamon anun o God, ra i laun. Mot sa wanpat torom a kum ariparip na ensel ra ka din luk lar pas det, ra det kis tomo nama gasgas.

Ibru 12:28

Dat in watung wakak torom o God, uni dat sa utur ukai a matanitu ra ken tugunu. Dat in lotu torom o God nama urur ma a nginara ra i elar nam anun a nemnem,

Ibru 13:14

Uni awu sur anundat a tamon ri in kis tukum. Dat tamtama sur a tamon ra kura numur in nanpat.

Ibru 3:4

A kum rumu rop taktakai, arara musano i pami, ikut o God i pam a kum utna rop.

Tamtama 21:2

Ma a tama a matok na Jerusalem, a tamon anun o God, i wan pirso tagisapat una langit tan o God. Di sa waninar tari elar nami ra di sa mar wakak tar a toraro na ino sur anun a musano, sur der in nolin.