Ibru 10:5 - Nupela Testamen long tokples Kandas

⁵ I mo ra o Karisito i wanpat urin una rakrakon bual ra i watungi torom o God lena, “A kum etabor, ra ka di tuni, ma a kum etabor ra di ser tuni ko nemi, ikut u sa waninar a pining sur an etabor nami torom ui.

Ibru 10:5 Iomraidhean Croise

Matiu 11:3

“Ui mo, ra di wasiso mugu taru un ui lena, un nanpat, o met in kis langlang utmakai sur taio?”

Luk 1:35

A ensel i balu i lena, “A Tokodos na Nion in kis un ui, ma a dekdekin o God a Labino Sakit in pulus bat ui. Ra a Tasur na Musano ra un usus pasi, din watungi a Nutun o God.

Luk 7:19

ra i tulu ru der torom a Labino sur der in tingi lena, “Ui mo ra di wasiso mugu taru un ui lena, un nanpat, o met in kis langlang utmakai sur taio?”

A Wakak na Wasiso un o Iesu Karisito o Jon i tumusi 1:14

A Wasiso i wanpat a musano mulus, ma i kis epotor tamet. Met sa tama tar anun a minamar, a minamar anun o Nutunu, ara sot kut, ra i wan tagisapat tan o Tamano, i bukus nama marmaris ma a lingmulus.

Galesia 4:4

Ra a kilalo i sot, o God i tulu ru o Nutunulik urin. A ino i usus pasi, ma i kis utuntudu ina Warkurai.

1 Timoti 3:16

A lingmulus, o God i upuaso mulusi lena, a etowo ra dat nurnur uni i labo sakit. I lenri: O Karisito i wanpat a musano, a Tokodos na Nion i upuaso i lena o Karisito i tokodos umatan o God, a kum ensel det tama i, a wasiso puaso uni, i wan sarara torom a taro tagun a kum gapman rop, ma a susut una rakrakon bual det nurnur uni, i wan usapat ma i kis una minamar.

Ibru 1:6

Ikut, ra o God i tulu ru a mugano Nutunu urin una rakrakon bual, i watungi uni lenri, “I wakak ra a kum ensel rop anun o God det in lotu toromi.” Lo 32:43

Ibru 10:10

O Iesu Karisito i mur sot pas a nemnem anun o God ra i pitar tar a pinino ut, sur a etabor torom o God. I pitar tari ara dino kut ma ken pam meleti mo. Ra anun a etabor ra i gos talapor pas dat umatan o God.

Ibru 10:7

Ra a watungi lena, ‘God, tama i, a sa wanpat, sur an pam sot pas anum a nemnem, elar nami ra di sa tumus tari un iau una num a buk.’” Sng 40:6-8

Ibru 10:8

A mugano wasiso anun o Karisito i lena, “A kum etabor ra ka di tuni ma a kum etabor ra di ser tuni, ma a kum etabor di tun rop ru i ma a kum etabor una sakino petutna ko nemi, ma ko gas nam det.” Ikut a kum etabor ri, di pitar tari elar nama Warkurai anun o Moses.

Ibru 2:14

A kukurai ina kum nat liklik ra, a kum mulusino ut. Ma o Iesu kai i wanpat a mulusino, a pinino ma a gapino ut. I pami lenra sur una nun a minat in ban laulau ru o Satan, i ra i utur ukai a dekdekin a minat.

Ibru 5:7

Ra o Iesu i laun nin una rakrakon bual, i kukukuk nam anun a kum niaring nama lurlur na matano torom o God, i ra i pet lar pasi sur in ulaun pasi gusun a minat. Ma o God i longoro i, uni i unatino pasi utuntudu ino.

Ibru 8:3

A kum mugumugu na tene etabor rop torom o God, o God i ubek tar det sur det in pitar tar a kum etabor ma det in tun a kum wewegua sur a etabor toromi. Lenkutkai ra, o Iesu anundat a mugumugu na tene etabor in etabor nam tu utna sur in pam sot pas anun a pinapam na etabor torom o God.

1 Pita 2:24

O Karisito ut i los pas anundat a kum sakino petutna una pinino ra i mat unin nanai kutus, sur dat in mat gusun a sakino petutna, ma dat in laun sur a tokodos na petutna. Ma una kum iniru una pinino, i ulangolango pas mot.

2 Jon 1:7

A susut na tene torotoro det sa wan sarara nin una rakrakon bual. Det ipul kut lena, o Iesu Karisito awu sur i wanpat a musano mulus. A ngas na musano ra, i a tene torotoro, ma a ebar anun o Karisito.