Ibru 10:36 - Nupela Testamen long tokples Kandas

³⁶ Gong a pinimot i ngoro, mot in tur dekdek sur mot in mur a nemnem anun o God, ma numur mot in los pas a kum utna ra i sa uliliman taru uni.

Ibru 10:36 Iomraidhean Croise

Matiu 10:22

Ma a taro rop det in nget mot uni mot anungi, ikut osi ra in tur dekdek tuk anun a nilaun in rop, o God in ulauni.

Matiu 12:50

Uni osi ra i ser mur a nemnem anun o Tita ra i kis sapat una langit, i ra o tising a musano, ma o tising a ino, ma o nang.”

Matiu 21:31

Osi na pasander ra i mur a wasiso anun a tamander?” Det balu i lena, “A mugano.” O Iesu i watungi tandet lena, “A inanos mot nama lingmulus, a kum tene los takis ma a kum pamuk na ino, kuri det ruk mugu nanan tamot, una matanitu anun o God.

Matiu 24:13

Ikut osi ra in tur dekdek tuk anun a nilaun in rop, o God in ulauni.

Matiu 7:21

“Det ra det watung iau, ‘Labino, Labino,’ awu sur det rop det in ruk una matanitu sapat una langit. Det sot kut, ra det ser mur a nemnem anun o Tita, ra i kis sapat una langit, det in ruk una nun a matanitu.

A Wakak na Wasiso un o Iesu Karisito o Mak i tumusi 3:35

Uni osi ra i ser mur a nemnem anun o God, i ra o tising a musano, ma o tising a ino, ma o nang.”

Luk 21:19

Anumot a tuntunur dekdek in ulaun mot.

Luk 8:15

Ikut a kum pitino ra det puku una wakak na piso, det elar nam ara taro ra det longoro a wasiso, ma a balandet i wakak ma i tokodos, ra det pam ukai dekdek a wasiso ra det muri tuk det wu a windet.

A Wakak na Wasiso un o Iesu Karisito o Jon i tumusi 7:17

Osi ra i nem na mur a nemnem anun o God, in tasmani lena anung a kum etowo i wan tagai. I wan tagisapat tan o God, o a nuknuking kut.

Aposel 13:22

Ra o God i sa rakon ru tar o Sol, numur i ubek tar o Dewid bulung sur in king anundet. Ma i watungi uni lena, ‘A tama o Dewid a nutun o Jesi, i a musano ra i elar nama nuknuking, ra in pam rop a kum utna ra a nemi.’

Aposel 13:36

“O Dewid i pam sot rop pas a nemnem anun o God una nun a kum bung na nilaun. Numur i mat, ra di pori tomo nama kum tumtubunu, ma a pinino i mereseng.

A Pas anun o Pol torom a taro Rom 12:12

Mot in kis langlang nama gasgas sur a kum utna ra numur a Labino in tabor mot nami. Ra mot etorom a kum mamaut, mot in tur dekdek, ma gong mot mana nama niaring.

A Pas anun o Pol torom a taro Rom 12:2

Ma gong mo mot tamtama ususer una nilaun tagun a rakrakon bual. Mot in pitar tar mot torom o God, sur in pukus a nuknuki mot, ma in umatoki, sur mot in tasman lele anun a nemnem. Anun a nemnem ra i wakak, i tokodos sakit, ma i gas nami.

A Pas anun o Pol torom a taro Rom 2:7

Det ra det dekdek una wakak na pinapam sur o God in pitar a minamar torom det, ma in ulabo pas a risandet, ma det nem a nilaun ra ken rop, o God in pitar a nilaun tukum tandet.

A Pas anun o Pol torom a taro Rom 8:25

Ikut dat, dat kis langlang nama nurnur sur a utna ra ke wanpat utmakai. Dat kis langlang, ma a pinindat ke ngoro.

1 Korin 13:7

Osi ra i lason una marmaris i ser los a kum mamaut anun a taro, i ser nurnur, ma i kis langlang nama nurnur sur a kum utna rop ra o God in pami, ma i ser tur dekdek ra a kum mamaut i wanpat.

Galesia 6:9

Gong a pinindat i ngoro una wakak na pinapam ra dat pami, ma gong dat mana gusuni. Ra a du bung in sot, dat in pasong pas a wino tagun anundat a pinapam.

Epeses 6:6

Gong mot muri kut anundet a wasiso ra det tama mot, sur mot in ugasgas tar det kut. Mot in papam elar nami ra mot a kum tene ititula anun o Karisito, ma mot in pam a pinapam ra o God i nemi, tomo nama anumot a nilaun rop.

Kolosi 1:11

Ra o God in udekdek mot nama dekdek rop, tagun a wakak na labino dekdekino, sur mot in kis wowowon ma mot in tur dekdek una kum maut rop ra mot taramo i. Ma mot in gas,

Kolosi 3:24

Uni mot tasmani lena, numur a Labino in pitar a ikul torom mot, i a wakak na kinkinis ra numur mot in rakoni. Mot a kum tene ititula anun a Labino o Karisito, ma i ut anumot a mugumugu mulus.

Kolosi 4:12

O Epapras, i ara ut tagun mot, ma a tultul anun o Karisito Iesu, i pitar anun a marmaris torom mot. I ser wararing dekdek sur mot, sur mot in tur dekdek una numot a kinkinis na nilaun un o Karisito, ma mot in tasman mulus a nemnem rop anun o God.

1 Tesalonaika 1:3

Ra metul ser wararing torom anundat a God a Tamandat, metul nuk pas anumot a kum pinapam ra anumot a nurnur i pam pati, ma metul nuk pas a kum dekdek na pinapam ra anumot a marmaris i pam pati, ma metul nuk pasi kai, anumot a tuntunur dekdek, ra anumot a kinkinis langlang nama nurnur una Labino o Iesu Karisito i pam pati.

Ibru 11:39

Det rop ri, o God i gas nam det ra i wasiso puaso un det lena det wakak, kibino una nundet a nurnur. Ikut, ka det utur ukai asau ra o God i sa uliliman tar det nami,

Ibru 12:1

A susut na tene nurnur tagun numugu det tur talilis pas dat ma det upuaso a petutna na nurnur. I mo ra, i wakak sur dat in lakro ru a kum sau rop ra i ser turbat dat una nundat a inawan, ma a kum sakino petutna kai ra i ser ker ukai dat. Ma dat in kalabor, ma gong a pinindat i ngoro una kalkalabor una nundat a kinalabor, ra o God i sa waninar tari sur dat.

Ibru 13:21

A wararing torom o God sur in tabor mot nama kum wakak na petutna rop, sur mot in mur anun a nemnem. A wararing kai un dat, lena, una pinapam anun o Iesu Karisito, o God in papam una nilaun anundat sur asau ra in gas nami. Dat in watung ulabo pas o Iesu Karisito, ken rop ma ken rop. Amen.

Ibru 6:12

Ka met nemi sur mot in tabalamat, awu. Met nemi sur mot in mur a magirandet ra det nurnur ma det kis langlang ma pinindet ke ngoro, ra det in utur ukai asau ra o God i sa uliliman taru nami.

Ibru 6:15

Ra o Abaram i kis langlang ma a pinino ke ngoro, ra numur i utur ukai asau ra o God i sa uliliman tari nami.

Ibru 6:17

Ma o God kai, i udekdek anun a liliman nama risano ut, sur in upuaso i torom anun a taro, det ra i uliliman tar det, lena ken pukusi melet a nuknukino.

Ibru 9:15

I mo ra o Karisito i tur epotor tan o God ma a taro, ra i pam tar a matok na kunubus, sur in dat tomo tar det. I pami sur det, ra o God i sa kabo pas det, det in dan tukum elar nam anun a liliman. O Karisito i mat ra i kul pas det nama gapino. Anun a minat i ulangolango pas det gusun anundet a kum sakino petutna ra det ser pami utuntudu ina mugano kunubus.

1 Pita 1:9

Uni o God i sa ulaun pas a niomot, i a ikul una numot a nurnur.

1 Jon 2:17

A rakrakon bual ma a kum laulau na nemnem ra det wanpat taguni, det in rop kut, ikut osi ra i mur a nemnem anun o God, in laun tukum.

Tamtama 13:10

Ra o God i sa mulaot tar taio sur in karabus, in karabus ut. Ra i sa mulaot tar taio sur din tau doko i namin totok na inaim, din um doko i ut nami. Ra i lenra, i wakak sur a taro anun o God det in tur dekdek ma det in nurnur.

Tamtama 14:12

Ra i lenra, i wakak sur a taro anun o God det in tur dekdek, det ra det ser mur a kum Warkurai anun o God, ma anundet a nurnur i tur dekdek un o Iesu.