Ibru 10:33 - Nupela Testamen long tokples Kandas

³³ A ramano kum bung a taro det urongon laulau un mot, ma det ukadik mot umatan a taro. Ma a ramano kum bung kai mot tur tomo nam ara taro ra di pami lenra un det.

Ibru 10:33 Iomraidhean Croise

1 Korin 4:9

Uni a nuki lena o God i ubek tar met a kum aposel, sur met in musano oros kut. Met elar nama kum karabus ra di sa kuro tar det sur det in mat ma din urongon un det. A taro ma a kum ensel kai det in tama det.

2 Korin 12:10

I mo ra a gas doko ra kalako dekdeking, ma di watung laulau iau, ma a taramo a kum mamaut, ma a taro det ukadik iau, ma a taramo a dekdek na tupunuk, uni a nurnur un o Karisito. A gas, uni a tasmani lena, ra kalako dekdeking an dekdek.

Pilipai 1:7

I tokodos sur an nuknuk lenri un mot rop, uni mot kis mulus una nuknuking. Dat rop dat tur tomo una pinapam ra o God i pitar tari tang una nun a marmaris. Dat tur tomo ra a kis una karabus, ra a wasiso balu det ra det watung laulau a Wakak na Wasiso, ra a upuaso i torom a taro.

Pilipai 4:14

Ikut i wakak ra mot tur tomo nam iau una kum mamaut ra a taramo i.

1 Tesalonaika 2:14

A kum tistisi metul, mot elar nama taro na lotu anun o God un o Karisito Iesu, ra det kis tong una papor Judia. Uni, mot kai, mot taramo a ngunungut tan a taro tagun anumot a tamon ut, elar nama taro na lotu tong o Judia det taramo i tan anundet a taro ut, a taro Juda,

2 Timoti 1:8

Gong u maimai sur un wasiso talapor una nundat a Labino, ma gong u maimai un iau, ra uniri a kis una karabus una risano. Ikut, un waninar sur ui kai, un taramo a ngunungut una Wakak na Wasiso tomo nam iau. Ra un taramo a ngunungut, o God ut in pitar a dekdek torom ui.

Ibru 11:26

I nuki lena, a maimai ra in taramo i una risan o Karisito, i wakak doko taun a kum ululeng tong o Ijip, ra a matano i ka doko, uni i tamtama sur anun a ikul numur.

Ibru 11:36

A ramano taro di urongon laulau un det ma di miras det. A ramano taro kai di ker det nama kum sen ma di uruk det una karabus.

Ibru 12:4

Mot waim tomo nama kum sakino petutna, ikut ka di um doko mot utmakai.

Ibru 13:13

I wakak sur dat in nan toromi kunago upiso utamon, ma dat in taramo a maimai tomo nami.