Ibru 10:26 - Nupela Testamen long tokples Kandas

²⁶ Ra dat sa tasman mulus a lingmulusino, ikut dat muri ut a nemnem anundat sur dat in pam a sakino petutna, katu etabor melet mo sur in unus ru a kum sakino petutna.

Ibru 10:26 Iomraidhean Croise

Luk 12:47

“Tu tultul ra i sa tasman tar a nemnem anun a labino anunu, ikut ke waninar, ma ke papam elar nami ra a anun a labino i nemi, din taktakalo dekdeki.

A Wakak na Wasiso un o Iesu Karisito o Jon i tumusi 13:17

Ra mot tasman a kum utna ri, ma mot pami, mot in dan.

A Wakak na Wasiso un o Iesu Karisito o Jon i tumusi 9:41

I balu det lena, “Ra gunuk mot pulu, kataio in takun mot un tu sakino petutna. Ikut uniri mot watungi lena mot tamtama, ra anumot a sakino petutna kura ut un mot.”

2 Tesalonaika 2:10

Una kum ngas na sakino rop ra in pami, in toro a taro ra det wanan sur a iniru. Det in iru, uni ka det mulaot sur det in nem a lingmulusino, sur o God in ulaun det.

1 Timoti 1:13

Numugu a ser watung laulau o Iesu, a ban laulau a taro na nurnur ma a ukadik det. Ikut o God i maris iau, uni ka tasman asau ra a pami, ma ka nurnur utmakai.

1 Timoti 2:4

I nemi sur in ulaun a taro rop, ma det in tasman a lingmulusino.

Jems 4:17

O naro ra i tasman a wakakino sur in pami, ikut ke pami, i pam a sakino petutna.

1 Jon 5:16

Ra taio in tama o tisino ra i pam a sakino petutna ra ke wan sur a minat, in wararing torom o God, ma o God in pitar a nilaun tano. A niaring ri in warut det ra anundet a sakino petutna ke wan sur a minat. Ikut ka watungi sur mot in wararing sur det ra anundet a sakino petutna i wan sur a minat.