Ibru 10:24 - Nupela Testamen long tokples Kandas

²⁴ Dat in nuknuk sur lako kum kisapi sur dat in wangun etalai a nuknukin dat sur dat in nem a taro ma dat in pam a kum wakak na pinapam.

Ibru 10:24 Iomraidhean Croise

Aposel 11:29

Ra a taro na ususer det kubus pasi sur det in etabor torom a taro na nurnur ra det kis una papor Judia. Det rop taktakai det in etabor nama sau ra i sot sur det in etabor nami, elar nama sau ra det utur ukai i.

A Pas anun o Pol torom a taro Rom 11:4

Ikut o God i balu o Elaija lena, “Anung a wonom mawit na arip na taro kura ut, ra ka det lotu torom o Bal.” 1 Kin 19:18

A Pas anun o Pol torom a taro Rom 12:15

Ra a taro det gas, mot in gas tomo nam det. Ra det domos, mot in domos tomo nam det.

1 Korin 10:33

A nemi sur an ugasgas a taro rop una kum utna rop ra a ser pami. Ka pam tu utna sur in uwakak iau, awu, a pam a kum utna sur in uwakak lako susut na taro, sur o God in ulaun pas det.

1 Korin 9:22

Ra a kis tomo nama taro ra ka det dekdek, iau kai ka dekdek, sur an ben pukus pas det torom o Karisito. A elaro iau sur an elar nama kum ngas na taro rop, ma a mur a kum ngas na kisapi rop sur an ulaun lako taro.

2 Korin 8:8

Ka watung a utna ri sur in elar nama warkurai torom mot. Ikut, a inanos mot una taro Masedonia, ma una nundet a labino gasgas sur det in etabor, sur an lar anumot a marmaris lena, i lingmulus o awu.

2 Korin 9:2

Uni a sa tasmani lena, mot gas sur mot in pam a pinapam ri. A warango mot, ra mot kis tiro una papor Akaia, torom a taro tong una papor Masedonia. Ra a inanos det lena, una kilalo ra i rop, mot sa waninar sur mot in pitar ru anumot a mani. Ma anumot a gasgas sur a etabor, i ukatutur a nuknukin a susut na taro Masedonia sur det kai, det in etabor.

Galesia 5:13

A kum tistising, o God i sa kabo pas mot toromi sur mot in langolango mulus. Ikut gong mot nuki lena mot sa langolango sur mot in mur a kum sakino nemnem ina pinimot, awu. Mot in warut etetalai mot nama marmaris.

Galesia 5:22

Ikut, a Tokodos na Nion i wu a kum petutna ri: A marmaris, a gasgas, a malmal, a kinkinis wowowon, a petutna na warut torom taio, a wakak na petutna, a pam a lingmulus na pinapam,

Galesia 5:6

Ra kura dat un o Karisito Iesu, ra di tok talilis a pinin taio, o ka di tok talilisi, i a utna oros kut umatan o God. Ara utna kut ra i labo sakit umatan o God, a nurnur ra i pam pat a marmaris.

Galesia 6:1

A kum tistising, ra tu tene nurnur i puku una sakino, mot ra a Tokodos na Nion i mugu mot, mot in ukatutur melet pasi nama petutna na urur. Ikut mot in tumarong mot ut, sako mot bulung mot in puku un tu ululam.

Kolosi 3:16

I wakak ra a wasiso anun o Karisito in kis sikot ubalamot ma in bukus. Mot in ususer etetalai mot nami, ma mot in udekdek etetalai mot kai nami tomo nama mananos rop. Ma mot in kelekele nama wasiso anun o Karisito ra mot kele a Kum Kelekele anun o Dewid, ma a kum kelekele na lotu, ma a kum kelekele ra a Tokodos na Nion i tabor mot nami. Ra mot in kelekele nama watung wakak torom o God ubalamot.

1 Tesalonaika 1:3

Ra metul ser wararing torom anundat a God a Tamandat, metul nuk pas anumot a kum pinapam ra anumot a nurnur i pam pati, ma metul nuk pas a kum dekdek na pinapam ra anumot a marmaris i pam pati, ma metul nuk pasi kai, anumot a tuntunur dekdek, ra anumot a kinkinis langlang nama nurnur una Labino o Iesu Karisito i pam pati.

1 Tesalonaika 5:11

I mo ra mot in uragot etetalai mot, ma mot in udekdek mot, lenutra mot ser pami.

2 Tesalonaika 3:9

I tokodos sur metul in saring mot sur mot in warut metul, ikut ka metul nemi. Metul pam a pinapam sur metul in ese a ngasino ra i wakak sur mot in muri.

1 Timoti 6:18

Un inanos det sur det in pam a wakakino, ma det in bukus nama kum wakak na pinapam, det in ser etabor, ma det in ser isuaro a utna kai torom lako taro.

Taitus 2:4

Det in pami lenra sur det in ususer a kum wardain numur tandet, sur det in nem anundet a kum musano ma a kum nutnutun det,

Taitus 3:8

A kum wasiso ri i lingmulus sakit. Ma a nemi sur un papam dekdek nami, sur a taro ra det nurnur un o God, det in pitar mulus tar det una wakak na pinapam una nundet a kum bung na nilaun. A kum wasiso ri i wakak ma i warut a taro rop.

Ibru 13:1

Gong mot mana nama marmaris etetalai torom mot, lar a kabo tistisino.

Ibru 13:3

Mot in nuk pas det ra det kis una karabus, elar nami ra mot karabus tomo utkai nam det. Mot in nuk pas det kai ra di ban laulau det, elar nami ra di ban laulau mot utkai.

Ibru 3:13

Mot in uragot etetalai mot una kum bung rop, ra di watungi utmakai lena “uniri.” Mot in pami lenra, sako a sakino petutna in toro pas taio tagun mot, ma in udekdek bat in balano.

1 Jon 3:18

A kum nutnutung liklik, gong dat marmaris nama wasiso, o nama wandat kut. Dat in marmaris nama wakak na pinapam ma a lingmulusino.