Ibru 10:1 - Nupela Testamen long tokples Kandas

¹ A Warkurai anun o Moses i elar kut nama malalarin a kum wakak na utna ra numur in nanpat, awu sur det a kum utna mulus. I mo ra, a Warkurai anun o Moses ra i watungi lena det in ser etabor una kum kilalo rop, ken utokodos lar pas a taro ra det wan milau o God sur det in lotu toromi.

Ibru 10:1 Iomraidhean Croise

A Pas anun o Pol torom a taro Rom 8:3

A kum Warkurai anun o Moses ken pet lar pasi sur in turbat a sakino, uni a sakino nemnem ina pinindat, kalako dekdekino sur in mur a kum Warkurai. Ikut o God i pet lar pasi. I tulu ru o Nutunu urin upiso ma i wanpat a mulusino elar nam dat, a taro na pam sakino. I mat ma i sa ulaun pas dat gusun anundat a sakino. A warkurai na minabalu una kum sakino petutna anundat, o God i ubek tari una pinin o Iesu, ma i urop a dekdekin a sakino petutna.

Kolosi 2:17

A kum warkurai ri, det elar kut nama malalar ina utna ra in nanpat numur. Ikut, a utna mulus, i o Karisito.

Ibru 10:22

I mo ra, dat in nan milau o God nama lingmulus unin balandat ma a nurnur mulus, ma a nuknukin dat ra i langolango gusun a kum etakun una kum sakino petutna, uni o Iesu i sa lamir talapor tari nama gapino. Dat in nan milau i nama pinindat ra i sa gos tari nama danim ra i talapor.

Ibru 7:11

A pinapam anun a kum tene etabor torom o God, ra a kum tumtubun o Liwai, det ser pami, i ra a kibin a Warkurai anun o Moses ra o God i pitar tari torom a taro Israel. Ra gunuk a pinapam anundet in pet lari sur in unus ru a sakino petutna anun a taro, ka din sibo melet mo sur tu ngas na tene etabor gisen, elar nam o Melkisedek, ra awu sur i elar nam o Aron.

Ibru 8:5

A pinapam na etabor det ser pami una rumu na etabor, ra i elar kut nama malalar ina rumu kusapat una langit. Iri a kibino ra o God i utumarong o Moses, ra i waninar sur in pam a rumu na sel sur det in ser tun etabor uni. I watungi tano lena, “Tamtama wakak taru ut! Un pam a kum utna rop, elar ut nama malalar ina rumu ra a sa ese tar ui uni sapat netes una tangai.” Kis 25:40

Ibru 9:11

Ikut o Karisito i sa wanpat. I a mugumugu na tene etabor torom o God ra i warkurai sur a kum wakak na utna ra kuri det mo. I ruk una rumu na sel ra i wakak sakit taun a mugano rumu na sel. Awu sur a taro det pami, ra i talapor lena awu sur tagun a kum ukukis ri una rakrakon bual.

Ibru 9:23

Din pam soti ut sur din gos talapor a rumu na sel ma a kum utna kura uni, nama gapin a kum wewegua, uni det a malalarin a kum utna kusapat una langit. Ikut a kum utna kusapat una langit, din gos talapor det nama etabor ra i wakak sakit taun a kum etabor taginin upiso.

Ibru 9:25

I ruk usapat una langit sur in pitar tari ut sur i a etabor torom o God ara dino kut. Awu sur i ruk lako susut na dino, elar nama mugumugu na tene etabor, ra i ser ruk una nubual ra i Tabu Sakit una kum kilalo rop nama gap ra awu sur a gapino, a gapin a wewegua kut.