Aposel 9:39 - Nupela Testamen long tokples Kandas

³⁹ Ra o Pita i wan tomo nam detul. Ra i wanpat, det ben pasi usapat una kukur rumu sapat netes. Ra a kum ula rop det tur talilis pasi ma det domos. Det ese a kum kolos ma a kum malu, ra o Dokas i mabon tar det ra i laun utmakai.

Aposel 9:39 Iomraidhean Croise

Matiu 17:17

O Iesu i balu i lena, “Mot a taro tagun uniri, ka mot nurnur ma mot a kum tene sakino. A sa kis suano i torom mot. Nangisin mo mot in nurnur? Mot in ben a nat ra urin torom iau.”

Matiu 26:11

A kum sibo na taro det in laun bolbolos tomo ut nam mot. Ikut iau, kan kis tukum nisamot.

A Wakak na Wasiso un o Iesu Karisito o Mak i tumusi 14:8

A ino ri i sa pam sot pas a utna ra i elar sur in pami. I sa lingis tar in nopolo sangsangnain ri una pining, sur in waninar mugu iau sur a bung ra an mat ma din uruk a minating una kulam na minat.

Luk 24:44

Ma i watungi tandet lena, “Ra a kis utmakai tomo nam mot, a sa inanos tar mot lenri: A kum utna rop ra di sa tumus tari un iau, una Warkurai anun o Moses, una wasiso anun a kum poropet ma una Kum Kelekele anun o Dewid din pam sot rop pasi.”

A Wakak na Wasiso un o Iesu Karisito o Jon i tumusi 12:8

A kum sibo na taro det in laun bolbolos tomo ut nam mot. Ikut iau, kan kis tukum nisamot.”

A Wakak na Wasiso un o Iesu Karisito o Jon i tumusi 17:12

A kis tomo nam det, ra a tamtamabat det nama dekdekin a risam, a rising ra u pitar tari tang. A tamtamabat det, ma kataio tagun det i iru. Ara sot kut in iru, o Judas, i ra i wan sur a iniru tukum. I wanpat lenra, sur din pam sot pas a wasiso ra di sa tumus tari una Buk Tabu.

Aposel 1:13

Ra det wanpat sapat o Jerusalem, det ruk una rumu ma det kis una kukur rumu sapat netes. A kukur rumu ra det ininep ma det kiskis uni. Det ri, ra det kiskis tomo tiro iai: O Pita, o Jon, o Jems, o Endru, o Pilip, o Tomas, o Batolomiu, o Matiu, o Jems a nutun o Alpius, o Saimon ara tagun a kum Silot, ma o Judas, a nutun ara Jems gisen.

Aposel 20:35

Una kum dekdek na pinapam rop ra a ser pami, a sa ese tar mot lena mot kai mot in pami lenra, ma mot in warut det ra kalako dekdekin det. Ma mot in nuk pas a wasiso anun a Labino o Iesu ra i sa watung tari lena, ‘Det ra det etabor det dan tandet ra det los a kum utna ra di tabor tar det nami.’”

Aposel 6:1

Una kum bung ra, a niluluk ina taro na ususer i ka toto nanan. Det tagun aru ngas na taro, ara taro Juda ra det wasiso nama wasiso Grik, ma ara taro Juda kai ra det wasiso nama wasiso Ibru. Det ra det wasiso Grik, det ururai un det ra det wasiso Ibru, lena, “Ra mot ser tibo a kum ula nama utna na inangon una kum bung, mot wanan sakit ru i kut a kum ula tagun met.”

Aposel 8:2

A kum tene lotu mulus det por tar o Stiwen, ma det domosi.

Aposel 9:41

Ra o Pita i pam pas a lamano, ma i ukatuturi. Numur i kabo pas a kum tene nurnur, ma a kum ula, ra i tulu tar o Tabita torom det, i sa laun.

2 Korin 8:12

Ra mot gasgas sur mot in etabor, o God in gas uni. O God i nemi sur mot in etabor tagun a utna ra mot utur ukai i, awu sur tagun a utna ra ka mot utur ukai i.

Epeses 4:28

Osi ra i ser wolong, gong melet mo i wolong. I wakak sur in pam a wakak na pinapam nam aru lamano, sur in pam pat a utna sur in tabor a sibo na taro nami.

1 Tesalonaika 1:3

Ra metul ser wararing torom anundat a God a Tamandat, metul nuk pas anumot a kum pinapam ra anumot a nurnur i pam pati, ma metul nuk pas a kum dekdek na pinapam ra anumot a marmaris i pam pati, ma metul nuk pasi kai, anumot a tuntunur dekdek, ra anumot a kinkinis langlang nama nurnur una Labino o Iesu Karisito i pam pati.

1 Tesalonaika 4:13

A kum tistisi metul, metul nemi sur mot in mananos un det ra det sa mat, ma gong mot tupunuk dekdek elar nama taro ra ka det nurnur una katkatutur melet gusun a minat.

1 Timoti 5:3

Un warut a kum ula ra kataio i tamtamabat det ma det sibo.

1 Timoti 5:5

A ula, ra kataio i tamtamabati ma i sibo mulus, i nurnur kut un o God ma i kis langlang sur in waruti. Una kum mirum ma a waspi, i ser wararing sur o God in waruti.

1 Jon 3:18

A kum nutnutung liklik, gong dat marmaris nama wasiso, o nama wandat kut. Dat in marmaris nama wakak na pinapam ma a lingmulusino.