Aposel 9:21 - Nupela Testamen long tokples Kandas

²¹ Det rop ra det longoro i, det kisin uni, ma det watungi lena, “Ai! A musano kut ri, ra i umum doko det ra det ser lotu torom o Iesu sapat o Jerusalem. Ra uniri, i wanpat bulung urin, sur in dat pas lako taro ra det ser lotu torom o Iesu, usapat torom a kum lamlabino tene etabor torom o God.”

Aposel 9:21 Iomraidhean Croise

Aposel 2:12

Ra det rop det kisin, ma i toboroboro a nuknukin det, ra det ting etetalai det lena, “Asau a kukurai ina utna ri?”

Aposel 2:6

Det longoro a wungu ri, ra det kalabor pat tomo, ma i toboroboro a nuknukin det, uni det ut taktakai, det longoro anundet a kum wasiso, ra a kum tene nurnur det wasiso nami.

Aposel 3:10

ra det kisin doko una utna ri di pami uni, ra det tasmani lena i kut ra i kiskis, ma i ser saring utna nisan a Wakak na Matansako.

Aposel 4:13

Det tasmani lena, o Pita ma o Jon aru musano oros kut, ma ka der ususer pas un tu labino wortowo. Ma det kisin doko un der ra der wasiso ma ka der ngara. Ra det tasmani lena numugu detul ser imurmur tomo ut nam o Iesu.

Aposel 7:59

Ra kura utmakai det dukuduku i, o Stiwen i wararing lena, “Labino o Iesu, un los pas a niong.”

Aposel 8:3

Ra o Sol i ban laulau a taro na lotu. I ruk una nundet a kum rumu, i dat pas a kum musano ma a wardain, ra i uruk tar det una karabus.

Aposel 9:22

Ma a warawai anun o Sol i dekdek ra i watung a kum utna ra i ulingmulus pasi lena, o Iesu i ut a Karisito. Ma a taro Juda ra det kis tiro o Damaskus det nuknuk doko una nun a wasiso, ma ka det pet lar pasi sur det in balu i.

2 Tesalonaika 1:10

A warkurai ri in nanpat una bung ra a Labino in nanpat sur din ulabo pasi kibino una nun a tokodos na taro, ma det rop ra det nurnur uni det in ru i. Mot kai tomo nam det, uni mot nurnur una numetul a wasiso talapor torom mot.

1 Jon 3:1

Tama i! A Tamandat, una labino marmaris anunu torom dat, i watung dat a kum nutnutunu. I lingmulus ut, dat a kum nutnutun o God. A taro tagun a rakrakon bual ka det tasman o God, lenkutkai ra ka det tasman dat lena dat a kum nutnutunu.