Aposel 9:2 - Nupela Testamen long tokples Kandas

² ra i saringi lena, “Un tumus tar lako kum pas, sur an losi utong una kum rumu na lotu tong o Damaskus.” A mugumugu i tumus tari una kum pas lena, ra in barato lako kum musano ma wardain, ra det mur a Kisapi anun o Iesu, in ker pas det ma in ben det usapat o Jerusalem.

Aposel 9:2 Iomraidhean Croise

Matiu 10:17

Mot in tumarong mot, uni a taro det in pitar mot ulaman a kum tene warkurai, ma det in miras mot una nundet a kum rumu na lotu.

A Wakak na Wasiso un o Iesu Karisito o Jon i tumusi 14:6

O Iesu i balu i lena, “Iau a kisapi, ma iau a lingmulus, ma iau a nilaun. Kataio in nan torom o Tita un tu kisapi gisen, un iau kut.

Aposel 18:25

Di sa ususer tari una Kisapi anun a Labino, ma i gas doko sur in warawai. I ususer tokodos det un o Iesu, ikut i tasmani kut a baptais anun o Jon.

Aposel 19:23

Una kum bung ra, a labino purpuruon i wanpat, uni a taro ka det nem a Kisapi anun a Labino.

Aposel 19:9

Ikut a balan a ramano taro tagun det i dekdek sakit, ma ka det nem na nurnur, ra det watung laulau a Kisapi anun o Karisito umatan a taro rop. Numur o Pol i wan pas gusun det. I wan sur a rumu na ususer anun o Tiranus, ma a taro na ususer det muri ra det wasiso tomo una kum bung una rumu ra.

Aposel 24:14

“Ikut uniri an inanos talapor ui lena, a ser mur a Kisapi anun o Karisito, ra det watungi nama torotoro na lotu. Una kisapi ri, a lotu ut torom o God anun a kum tumtubu met tagun numugu, ma a nurnur una kum utna rop ra di sa tumus tari una Warkurai anun o Moses ma una kum buk anun a kum poropet.

Aposel 24:22

O Peliks i talapor wakak ut una lotu ri di watungi nama Kisapi anun o Karisito, ra i umana tar a warkurai munung, ma i watungi lena, “Ra o Lisias, a labino mugumugu anun a taro na inaim in nanpat, an ubeki maragom a warkurai una etakun ri.”

Aposel 26:10

A pam a pinapam ri sapat o Jerusalem. A wan nama warkurai anun a kum lamlabino tene etabor torom o God, ma a uruk a susut na tene nurnur una karabus. Ra din um doko det, iau kai, a mulaot sur det in mat.

Aposel 26:12

“Una nung ara inawan melet una nung a pinapam ra, a wan utong o Damaskus, nama warkurai anun a kum lamlabino tene etabor torom o God nama nimulaot anundeti.

Aposel 6:9

Ikut ara taro Juda det engaras nam o Stiwen. A taro ri tagun a rumu na lotu ra di watungi lena, Anun a Langolango na Taro. Det tagun aru tamon, o Sairini ma o Aleksanderia ma tagitong una ru papor, o Silisia ma o Asia.

Aposel 7:19

I toro tar anundat a taro, ma i ban laulau det, ra i ungongos tar det sur det in los pirso ru anundet a kum nat miso, gusun a kum rumu, ma det in madek ru det, sur det in mat.

Aposel 9:14

Ra a kum lamlabino tene etabor torom o God det sa mulaot tari, sur in dat det rop ra det lotu una risam. Ra uniri, i sa wanpat nin.”

Aposel 9:21

Det rop ra det longoro i, det kisin uni, ma det watungi lena, “Ai! A musano kut ri, ra i umum doko det ra det ser lotu torom o Iesu sapat o Jerusalem. Ra uniri, i wanpat bulung urin, sur in dat pas lako taro ra det ser lotu torom o Iesu, usapat torom a kum lamlabino tene etabor torom o God.”

2 Korin 11:32

Tong o Damaskus, a mugumugu tagun a tamon ra, ra i papam utuntudu ina king Aretas, i utur tar a kum tene tamtamabat una matansako ina in noworo ina tamon, sur det in dat pas iau.

Galesia 1:17

Ma ka wan usapat o Jerusalem sur det ra det sa aposel mugu tang det in ususer iau, awu. A wan mut utong o Arebia, ra numur a milet melet sur a tamon Damaskus.