Aposel 9:17 - Nupela Testamen long tokples Kandas

¹⁷ Ra o Ananias i wan, ma i ruk una rumu ra o Sol i kis iai. Ra i ubek aru lamano netes uni, ma i watungi lena, “Sol, a tising, a Labino o Iesu, i ra i tur pat torom ui una kisapi ra u wan urin, i ut i tulu ru iau urin sur un tamtama melet, ma sur un bukus nama Tokodos na Nion.”

Aposel 9:17 Iomraidhean Croise

Matiu 19:13

Di ben a kum nat liklik torom o Iesu sur in ubek aru lamano sapat netes un det ma in wararing un det. Ikut a kum nat na ususer det turbat det.

A Wakak na Wasiso un o Iesu Karisito o Mak i tumusi 5:23

ma i saring dekdeki lena, “A nutunglik, a ino, i sa ling na mat. Aiap, dar in nan ma un ubek a lamam sapat netes uni, sur in langolango ma in laun.”

A Wakak na Wasiso un o Iesu Karisito o Mak i tumusi 6:5

O Iesu ke pam lar pas lako susut na utna na ukisin tiro iai, ikut i ubek aru lamano una pak na misait, ra i ulangolango pas det.

Luk 1:41

Ra o Elisabet i longoro pas a kakabo na gasgas anun o Maria toromi, a nat i milu unin balano, ma o Elisabet i bukus nama Tokodos na Nion.

Luk 1:67

O Sekaraia o taman o Jon, i bukus nama Tokodos na Nion, ma i wasiso na poropet lenri,

Luk 1:76

Ma ui, nutunglik, din watung ui, a poropet anun o God a Labino Sakit, uni un mugu nanan tan a Labino, sur un pam saro mugu anun a kisapi,

Luk 15:30

Ikut ra a nutumlik ri i wanpat, i ra i ban laulau ru anum a kum utna una kum pamuk na ino, u um doko pasi ut a barman na bulumakau ra i butbut suri.’

Luk 15:32

I wakak sur dat in gas ma dat in nangon, uni o tisimlik ri i sa mat ma uniri i sa laun melet, i raro pas, ma uniri i sa wanpat melet.’”

Luk 2:11

Uniri, una tamon anun o Dewid, di sa usus pas anumot a Tene Ulaun, i a Karisito, a Labino.

Aposel 10:36

Mot tasmani lena, o God i sa pitar tar anun a wasiso torom a taro Israel. A wasiso ri, i a Wakak na Wasiso na malmal. A malmal epotor tan o God ma a taro, ra i kibino un o Iesu Karisito, i ra a Labino anun a taro rop.

Aposel 13:3

Det wararing ma det wewel, ra numur det ubek a kum lamandet netes un der, ma det tulu ru der.

Aposel 13:52

Ma a taro na ususer tong o Antiok det bukus nama gasgas ma a Tokodos na Nion.

Aposel 19:6

Numur o Pol i ubek aru lamano netes un det, ra a Tokodos na Nion i kis mut un det, ma det wasiso nama wur ngas na wasiso, ma det wasiso na poropet.

Aposel 2:4

Det rop det bukus nama Tokodos na Nion, ma det turpas a wasiso nama kum wur ngas na wasiso ra a Tokodos na Nion i pitar tari torom det.

Aposel 21:20

Ra det longoro i, det watung ulabo pas o God. Ra numur det watungi tan o Pol lena, “Tisimet, u tasmani lena a susut na arip tandat a taro Juda, det sa nurnur, ra det rop det dekdek sur det in mur a Warkurai anun o Moses.

Aposel 26:15

Ra a tingi lena, ‘Labino, osi ui?’ Ma i balu iau lena, ‘Iau o Iesu, ra u ser ban laulau iau.

Aposel 4:31

Ra det sa wararing pas, a rumu ra det kis tomo uni i tugunu, ma det rop det bukus nama Tokodos na Nion, ma det wasiso nama wasiso anun o God, ma ka det ngara.

Aposel 6:6

Ra det ben pas det torom a kum aposel. Ma det ubek a kum lamandet sapat netes un det, ma det wararing.

Aposel 8:17

Numur o Pita ma o Jon der ubek a lamander sapat netes un det, ra det losi maragom a Tokodos na Nion.

Aposel 9:18

Uniutra a kum utna i elar nama walong na kiripo, i puku pirso gusun arin matano, ra i tamtama melet. I tur ma di baptaiso i.

A Pas anun o Pol torom a taro Rom 15:7

Mot in gas pas mot etetalai elar nami ra o Karisito i gas pas mot, sur mot in ulabo pas o God.

1 Korin 15:47

A mugano Adam i taginin upiso, ma o God i pami nama piso. A manru na Adam tagisapat una langit.

1 Korin 15:8

Ma numur sakit tandet, i wanpat torom iau utkai, ra a elar nama nat ra o nano i usus lakit tari, ra anun a kalang ke sot utmakai.

1 Korin 9:1

A sa langolango. Iau a aposel. A tama tari ut o Iesu anundat a Labino. Anumot a nilaun tomo nama Labino, i a wino tagun anung a pinapam.

1 Timoti 4:14

Gong u madek ru a etabor na Nion, ra di pitar tari tam, una du bung ra a kum poropet det wasiso na poropet, ma a kum mugumugu det ubek tar a kum lamandet sapat netes un ui.

1 Timoti 5:22

Gong u ubek lakit aru lamam netes un taio ma u wasiso udani sur a pinapam anun a Labino. Ma gong u mur a taro una sakino petutna. Un tumarong anum a nilaun sur in tokodos.

2 Timoti 1:6

I mo ra a inanos ui melet sur un ukatutur melet anum a etabor, elar nama sungun ra di wupi ra i kunabor. A etabor ra, o God i tabor ui nami una bung ra a ubek aru lamang netes un ui.

Pilimon 1:16

Uniri ken elar melet mo nama tene ititula, in elar nama tisimlik mulus una nurnur. A nem doko i, ikut a tasmani lena, anum a marmaris toromi i labo taun a marmaris ra a marisi nami, uni, i anum a tene pinapam ma a tisimlik kai una Labino.

Ibru 6:2

a etowo una wur ngas na kisapi tagun a baptais, a etowo una ubek lamandi netes una taro, a katkatutur melet gusun a minat ma a warkurai na minabalu tukum.

2 Pita 3:15

Mot in nuk pasi, a Labino ke wanpat utmakai, uni i kis langlang sur a taro det in nukpukus ma in ulaun pas det. A wasiso ri, a wakak na tisindat o Pol kai, i sa tumus tari munung torom mot. I tumusi nama mananos ra o God i pitar tari tano.