Aposel 9:13 - Nupela Testamen long tokples Kandas

¹³ Ra o Ananias i balu i lena, “Labino, a sa longoro a susut na wasiso una musano ra, ma una kum laulau na utna ra i ser pami una num a taro sapat o Jerusalem.

Aposel 9:13 Iomraidhean Croise

Matiu 10:16

“Tama i, a tulu ru mot elar nama kum sipsip epotor tan a kum ngalngalia na pap. I mo ra mot in mananos wakak elar nama kum sui, sur gong taio i ben raro mot, ma mot in tokodos elar nama kum tabun, sur gong taio i takun mot.

Aposel 22:4

A ban laulau a taro ra det mur a Kisapi anun a Labino. A um doko a ramano taro, ma a ramano taro kai a dat pas det, a kum musano ma a wardain utkai, ra a uruk tar det una karabus.

Aposel 8:3

Ra o Sol i ban laulau a taro na lotu. I ruk una nundet a kum rumu, i dat pas a kum musano ma a wardain, ra i uruk tar det una karabus.

Aposel 9:1

Una kum bung ra, o Sol i ungara a taro na ususer anun a Labino nama dekdek na wasiso lena, in um doko det. I wan torom a mugumugu na tene etabor torom o God,

Aposel 9:21

Det rop ra det longoro i, det kisin uni, ma det watungi lena, “Ai! A musano kut ri, ra i umum doko det ra det ser lotu torom o Iesu sapat o Jerusalem. Ra uniri, i wanpat bulung urin, sur in dat pas lako taro ra det ser lotu torom o Iesu, usapat torom a kum lamlabino tene etabor torom o God.”

Aposel 9:32

Ra o Pita i wan nanan una kum tamon, i wan utkai torom a taro anun o God tong o Lida.

Aposel 9:41

Ra o Pita i pam pas a lamano, ma i ukatuturi. Numur i kabo pas a kum tene nurnur, ma a kum ula, ra i tulu tar o Tabita torom det, i sa laun.

A Pas anun o Pol torom a taro Rom 1:7

A tumtumus torom mot rop tiro o Rom, ra o God i maris mot, ma i kabo pas mot sur mot anun a taro. A marmaris ma a malmal tan o God a Tamandat ma a Labino o Iesu Karisito in kis tomo nam mot.

A Pas anun o Pol torom a taro Rom 15:31

Mot in saring o God sur in ulaun iau gusun a taro ra ka det nurnur, ra kurong det una papor Judia. Ma mot in wararing kai sur a taro anun o God sapat o Jerusalem det in gas pas anung a pinapam na etabor torom det.

A Pas anun o Pol torom a taro Rom 16:15

Mot in pitar anung a marmaris torom o Pilologus ma o Julia, o Nereus ma a tisino a ino, ma o Olimpas, ma a taro rop anun o God ra det kis tomo nam det.

A Pas anun o Pol torom a taro Rom 16:2

A saring mot sur mot in gas pasi una risan a Labino, lar a kum tene nurnur det ser pami. Ma mot in waruti nam lako utna ra in sibo suri, uni i sa warut tar iau, ma a susut na taro kai.

1 Korin 1:2

torom mot a taro na lotu anun o God ra mot kis tiro o Korin. Mot ra o Karisito Iesu i gos talapor pas anumot a nilaun, ma i kabo pas mot sur mot a taro anun o God. Mot a taro anun o God tomo nama taro rop una kum tamon rop ra det lotu una risan anundat a Labino o Iesu Karisito, i ra a Labino anundet ma anundat kai.

1 Korin 14:33

Uni o God, a God na malmal, ma ke nem a utna ra i lokolokor. I wakak ra a wardain det in kis wowowon kut una lotu, elar nama taro anun o God det ser pami una kum tamon rop. Ka di mulaot tar det sur det in wasiso. Det in unatino pas det, elar nama Warkurai anun a taro Juda i watungi.

1 Korin 16:1

An inanos mot un asau ra mot in pami nama mani ra mot woro tomo i sur a taro anun o God ra det kis sapat o Jerusalem. Mot in pami elar nami ra a sa inanos tar a taro na lotu una kum tamon tong una papor Galesia sur det in pami.

1 Korin 6:5

A watungi lenri torom mot sur mot in maimai uni. Pepetlai, kataio tagun mot i mananos sur in pam a warkurai una kum mamaut epotor tan a kum tene nurnur?

Epeses 1:1

Iau o Pol, a aposel anun o Karisito Iesu una nemnem anun o God. A tumus a pas ri torom mot a taro anun o God ra mot kis tiro o Epeses, mot a kum lingmulus na tene nurnur un o Karisito Iesu.

Pilipai 1:1

Iau o Pol, mir nam o Timoti, aru tultul anun o Karisito Iesu, mir tumtumus torom mot, a taro rop anun o God, tiro una tamon Pilipai. Torom mot ra mot laun un o Karisito Iesu, ma mot kai a kum mugumugu na lotu ma a kum tene warut.

Pilipai 4:22

A taro anun o God, det rop, det pitar anundet a marmaris torom mot, ma a taro kai anun o God, ra det kis una rumu anun a Sisa, det pitar anundet a marmaris torom mot.

Kolosi 1:2

torom mot, a taro anun o God ra mot kis tiro o Kolosi, ra mot a kum tistisi mir una numot a nurnur un o Karisito, ma mot lingmulus una numot a nurnur. A marmaris ma a malmal tan o God a Tamandat in kis tomo nam mot.

Ibru 13:24

Mot in pitar anumet a marmaris torom anumot a kum mugumugu rop, ma torom a taro rop anun o God. Det kai tagitong o Itali det pitar anundet a marmaris torom mot.

A Pas anun o Jud 1:3

A kum wakak na paspasang, a nem doko i sur an tumtumus torom mot una pinapam anun o God ra i ulaun pas dat. Ikut uniri, a nuki lena an tumtumus sur an udekdek mot, sur mot in dekdek sur mot in tamtamabat wakak a Wakak na Wasiso gusun a kum ebar. A Wakak na Wasiso ra di sa pitar tari torom a taro anun o God, ra kataio in pukus lar pasi.