Aposel 8:9 - Nupela Testamen long tokples Kandas

⁹ Ara musano tagitiro iai, a risano o Saimon. I ser sangsagor una susut na kilalo, ra a taro Samaria det ser kisin una kum utna ra i ser pami. Ma i warango pasi ut umatan a taro.

Aposel 8:9 Iomraidhean Croise

A Wakak na Wasiso un o Iesu Karisito o Jon i tumusi 7:18

Osi ra i wasiso kut nama nuknukino, i nemi kut sur din ulabo pasi. Ikut iau, a nemi sur din ulabo pas o God ra i tulu ru iau urin. A wasiso nama lingmulus, ma katu torotoro i kis un iau.

Aposel 13:6

Detul wan potor una kudulano ailan ra, tuk tong o Papos. Tiro iai, detul etorom nam ara te Juda, a risano o Barjisas, a tene sangsagor, ma a torotoro na poropet,

Aposel 13:8

Ikut o Barjisas, ra di watungi kai nam o Elimas, a kukuraino a tene sangsagor, i turbat der. I nemi sur in turbat ru a mugumugu sur gong i nurnur.

Aposel 5:36

A ramano kum kilalo numugu o Tiudas i wanpat, ma i watungi lena i a labino, ra a susut na taro, elar nama wat na mar, det muri. Ikut ra di um doko ru i, det rop ra det muri det wan susuaro, ra anundet a pinapam i rop oros kut.

Aposel 8:11

Ra det ser longoro wakaki, uni tagun numugu utmakai, i ser ukisin det nama anun a kum sangsagor.

2 Tesalonaika 2:4

In ebar torom a kum utna rop ra a taro det watung det a kum god ma det lotlotu torom det, ma in ulabo pasi ut, sur in kis una rumu na etabor anun o God, ma in watung puaso i lena, i ut o God.

2 Timoti 3:2

A taro det in nuk pas det ut, ma det in nemnem sur a mani, ma det in warango pas det, ma det in ulabo pas det ut, ma det in emang, ma det in pitarngat torom a kum tamtaman det ma a kum nanan det, ma ka det in lason sur det in watung wakak torom o God ma torom a taro kai, ma det dur umatan o God.

2 Timoti 3:5

Det in mur a petutna ra i wakak umatan o God una pinindet kut, ikut ka det in nem a dekdekino. Un nan gisen gusun a ngas na taro ra.

2 Pita 2:18

Det ulabo pas det nama kum wasiso oros kut, ma det ulam a taro sur det in pam a pamuk na petutna ma det in mur a kum laulau na nemnem ina pinindet. Una ngasino ri, det ulam det ra ke suano det utmakai a inawan gisen gusun a kum tene sakino.

Tamtama 22:15

Ikut a kum pap, ma a kum tene sangsagor, ma det ra det pam a kum pamuk na petutna, a kum tene um doko a taro, a kum tene lotu torom a kum torotoro na god, ma det ra det nem a torotoro ma det pami, kura det upiso unin noworo.