Aposel 8:12 - Nupela Testamen long tokples Kandas

¹² Ikut uniri, a kum musano ma a wardain det nurnur una Wakak na Wasiso ra o Pilip i warawai nami, una matanitu anun o God, ma una risan o Iesu Karisito, ma di baptaiso det.

Aposel 8:12 Iomraidhean Croise

Matiu 28:19

I mo ra mot in nan, mot in ususer a taro tagun a kum gapman rop, sur det kai anung a kum nat na ususer. Mot in baptaiso det nama risan o Tita, ma o Nutunu, ma a Tokodos na Nion.

Luk 9:2

Ma i tulu ru det sur det in warawai una matanitu anun o God, ma det in ulangolango pas a kum misait.

Luk 9:60

Ikut o Iesu i watungi tano, “Un madek ru a kum minat det in por anundet a kum minat. Ikut ui, un nan ma un warawai nama matanitu anun o God.”

Aposel 11:20

Ikut ara taro tagun a taro na nurnur ra, a taro Saipras ma a taro Sairini, det wan utong o Antiok, ra det wasiso torom a taro ra awu sur a taro Juda kai, nama Wakak na Wasiso una Labino o Iesu.

Aposel 18:8

O Krispus, ara mugumugu tagun a rumu na lotu, ma det rop kai, ra det kis una nun a rumu, det nurnur una Labino. Ma a susut na taro Korin, ra det longoro a warawai anun o Pol, det nurnur, ma di baptaiso det.

Aposel 19:5

Ra det sa longoro tar a wasiso anun o Pol, di baptaiso det nama risan a Labino o Iesu.

Aposel 2:38

O Pita i balu det lena, “Mot rop taktakai mot in nukpukus, ma din baptaiso mot nama risan o Iesu Karisito, sur din unus ru anumot a kum sakino petutna, ra din tabor mot nama Tokodos na Nion.

Aposel 2:41

Det ra det mur a wasiso anun o Pita, di baptaiso det. Det elar nama tulu arip det, ra di luk tomo det nama kum tene nurnur.

Aposel 20:21

A warawai torom a taro rop, a taro Juda ma det ra awu sur a taro Juda kai, sur det in nukpukus torom o God ma det in nurnur una nundat a Labino o Iesu.

Aposel 20:25

“A tasmani lena mot rop, ra a wan tuptupukus torom mot nama warawai una matanitu anun o God, ka mot in tama melet iau mo.

Aposel 28:31

Ra i ser warawai una matanitu anun o God, ma i ser ususer a taro una Labino o Iesu Karisito, ma ke ngara, ma kataio kai i turbati.

Aposel 5:14

Ikut a susut na taro melet, a wardain ma a kum musano, det nurnur maragom una Labino, ma di luk tomo det nama taro na nurnur.

Aposel 8:4

Ma det ra det wan sarara tagisapat o Jerusalem, det warawai nama Wakak na Wasiso una kum tamon ra det wan iai.

A Pas anun o Pol torom a taro Rom 10:10

Uni, ra u nurnur namin balam, o God i watung ui lena u tokodos umatano. Ma, ra u upuaso i nam anum a wasiso lena, o Iesu i a Labino, o God in ulaun ui.

1 Korin 11:11

Ikut, i lingmulus, ka di ukis gisen a ino gusun a musano, o a musano gusun a ino, awu. Der in warut etetalai der, una nunder a kinkinis na nilaun torom a Labino.

Galesia 3:28

Una nurnur un o Karisito, a taro Juda ma a taro gisen det elar umatan o God, lenkutkai ra a kum tene ititula ma det ra awu sur a kum tene ititula, a kum musano ma a wardain. Uni mot rop mot ara mukut un o Karisito Iesu.

1 Pita 3:21

In nolomom i tur ukinalong a baptais ra i ulaun mot uniri. Ka di baptaiso mot sur din rus ru a dur tagun a pinimot, awu. A baptais i elar nami ra mot pitar tar mot torom o God ma mot tasmani lena mot tokodos umatan o God. Ra i ulaun mot kibino una katutur melet anun o Iesu Karisito gusun a minat.