Aposel 8:10 - Nupela Testamen long tokples Kandas

¹⁰ A taro rop, a kum lamlabino ma a taro oros kut, det rop det ru i, ma det watungi uni lena, “A musano ri i utur ukai a dekdekin o God, a dekdek ra di watungi nama Labino Dekdek.”

Aposel 8:10 Iomraidhean Croise

Aposel 14:11

A susut na taro det tama a utna ri o Pol i sa pam tari, ra det kukukuk nama wasiso Likonia lena, “Aru god der sa wan pirso elar nama ru mulusino torom dat!”

Aposel 28:6

Det nuki lena a lamano ina surung, o in puku pirso ra in mat. Ikut, det kis langlang ma i sa suano i, ma katu laulau na utna i wanpat uni, ra det pukus a nuknukin det, ra det nuki lena o Pol ara god.

1 Korin 1:24

Ikut, o Karisito a dekdekin o God, ma a mananos anun o God, torom a taro ra o God i kabo pas det. A taro ra, tagun a taro Juda ma tagun a taro Grik.

2 Korin 11:19

Mot madek tari kut a kum longlong na taro sur det in ususer mot, uni mot mananos doko.

Epeses 4:14

I mo ra ka dat in elar melet mo nama kum nat liklik, ra anundet a nurnur i elar nama utna ra a top i woro tuptupukusi utong ma urin. Ka dat in mur a kum etowo tan a kum tene torotoro, elar nama utna ra a wuwu i wup pukpukusi. Ka dat in mur det ra det nem na ben raro a taro nam anundet a kum namnamin na wasiso.

2 Pita 2:2

A susut na taro det in mur a kum petutna na pamuk anun a kum torotoro na tene ususer, ra a taro gisen det in watung laulau a lingmulus na nurnur, i kibino una kum ngasino anun a kum torotoro na tene ususer.

Tamtama 13:3

Teken lor na kuabor na wewegua i tamtama elar nami ra di sa so doko tari, ikut a inangon ra, i sa maus melet. A rakrakon bual rop det kisin ma det mur a kuabor na wewegua.