Aposel 7:35 - Nupela Testamen long tokples Kandas

³⁵ “Numugu a taro Israel det ban lulu ru o Moses nama wasiso lenri, ‘Osi ra i ubek tar ui sur un mugumugu ma un tene warkurai anumet?’ Ikut, i ut ra, o God i tulu ru i sur in mugumugu ma in ulangolango pas a taro. I tulu ru i nama wasiso anun a ensel ra i wanpat toromi unin nanai ra i kunabor.

Aposel 7:35 Iomraidhean Croise

A Wakak na Wasiso un o Iesu Karisito o Mak i tumusi 12:26

Ra mot ipul lena, a kum minat ka det in katutur melet gusun a minat, pepetlai, ka mot luki utmakai a Buk anun o Moses, ra i wasiso unin nanai ra i kunabor? O God i watungi torom o Moses lena, ‘Iau a God anun o Abaram, a God anun o Aisak ma a God anun o Jekop.’ Kis 3:6

Luk 19:14

Ikut a taro tagun anun a tamon det ngeti, ra det tulu ru ara taro sur det in muri, ma det watungi lena, ‘Ka met nem a musano ri sur in king anumet.’

A Wakak na Wasiso un o Iesu Karisito o Jon i tumusi 18:40

Det kukukuk lena, “Gong! Ka met nem o Iesu. Palos ru o Barabas!” O Barabas i a tene sakino sakit.

A Wakak na Wasiso un o Iesu Karisito o Jon i tumusi 19:15

A taro Juda det kukukuk dekdek lena, “Sak doko i! Sak doko i! Sak wati unin nanai kutus!” O Pailat i ting det lena, “Mot nemi sur an sak wat anumot a king unin nanai kutus?” A kum lamlabino tene etabor torom o God det balu i lena, “A Sisa sot kut i anumet a king!”

Aposel 2:36

“I mo ra mot a taro Israel rop mot in tasman wakaki: O Iesu ra mot sak wat tari unin nanai kutus, o God i sa ukis tari sur i a Labino ma a Karisito.”

Aposel 3:22

O Moses i watungi lena, ‘A Labino anumot a God, in tulu ru tu poropet elar nam iau, tagun a kum tumtubu mot ut. Mot in longoro a kum utna rop ra in watungi tamot.

Aposel 5:31

I ut ra o God i ulabo pasi ma i ukisi una papor sot na lamano, sur in Labino Mugumugu ma in Tene Ulaun, ma in pam a kisapi sur a taro Israel det in nukpukus, ma din unus ru anundet a kum sakino petutna.

Aposel 7:30

“Ra i sa wat na noino kilalo uni tiro iai, ara ensel i wanpat toromi epotor una kunabor unin nanai, una nubual kalako taro uni, milau a Tangai Sainai.

Aposel 7:51

Ra o Stiwen i watungi tan a taro na kiwung lena, “Mot a kum tene pitarngat mot, a balamot i bakbak gusun o God ma a talngamot i kutkut. Mot turbat liklik a Tokodos na Nion, elar nama kum tumtubu mot tagun numugu det ser pami.

Kolosi 1:15

O Karisito a malalarin o God, i ra ka dat tama tari. O Karisito a mugano Nutun o God, ma i labo sakit taun a kum ukukis rop.

Ibru 2:2

A kum wasiso ra numugu a kum ensel det wasiso talapor nami i tur sikot. Ra taio ke muri o i pitarngat kut, din pitar tar a warkurai na minabalu toromi, ra i elar nam anun a pitarngat.

Tamtama 15:3

Det kele a kelekele anun o Moses, a tultul anun o God, ma a kelekele anun a Barman na Sipsip lena, “Labino o God u dekdek sakit, anum a kum pinapam det labo ma di kisin doko un det. Ui a King anun a taro tagun a kum gapman rop, anum a kum petutna det tokodos ma det lingmulus.