Aposel 6:9 - Nupela Testamen long tokples Kandas

⁹ Ikut ara taro Juda det engaras nam o Stiwen. A taro ri tagun a rumu na lotu ra di watungi lena, Anun a Langolango na Taro. Det tagun aru tamon, o Sairini ma o Aleksanderia ma tagitong una ru papor, o Silisia ma o Asia.

Aposel 6:9 Iomraidhean Croise

Matiu 10:17

Mot in tumarong mot, uni a taro det in pitar mot ulaman a kum tene warkurai, ma det in miras mot una nundet a kum rumu na lotu.

Matiu 23:34

I mo ra an tulu ru a kum poropet, a kum tene mananos, ma a kum tene ususer torom mot. Lako taro tagun det, mot in um doko det, ma lako taro, mot in sak wat det una kum nanai kutus, ma lako taro kai, mot in um det una numot a kum rumu na lotu, ma mot in lu ru det gusun anumot a kum tamon, ma det in kalabor sur a kum tamon gisen.

Matiu 27:32

Det pirso ra det barato pas ara te Sairini, a risano o Saimon, ma det ungongos tari sur in los in nanai kutus anun o Iesu.

A Wakak na Wasiso un o Iesu Karisito o Mak i tumusi 13:9

“Mot in tumarong mot. A taro det in pitar mot ulaman a kum tene warkurai, ma det in miras mot una kum rumu na lotu. Mot in tur una kum warkurai numugu umatan a kum lamlabino mugumugu ma a kum king, uni mot anungi. Mot in wasiso talapor un iau torom det.

Luk 21:12

“Numugu ra a kum utna ri ka det wanpat utmakai, din dat pas mot, din ukadik mot, ma din dat mot una kum rumu na lotu sur a warkurai, ma din uruk mot una kum karabus. Ma din dat pas mot sur a warkurai sa numugu umatan a kum king, ma a kum lamlabino mugumugu, uni mot anungi.

Aposel 11:20

Ikut ara taro tagun a taro na nurnur ra, a taro Saipras ma a taro Sairini, det wan utong o Antiok, ra det wasiso torom a taro ra awu sur a taro Juda kai, nama Wakak na Wasiso una Labino o Iesu.

Aposel 13:1

Tiro o Antiok, a kum poropet ma a kum tene ususer kai, kura epotor tan a taro na lotu. Iri a kum risandet: o Banabas, o Simion ara risano kai o Niger, o Lusius a te Sairini, o Sol ma o Manaen, i ra di ugu tomo der nam o Erod, a mugumugu.

Aposel 13:45

Ra a kum te Juda det tama a kunur na taro, a nuknukin det i laulau torom o Pol ma o Banabas, ma det mang sakosako a kum wasiso ra o Pol i wasiso nami.

Aposel 15:23

Ra det tumus tar a pas sur det in losi. A pas ra i watungi lenri: Met a kum aposel ma a kum mugumugu, met a kum tistisi mot, met tumtumus torom mot a kum tene nurnur tagun a taro ra awu sur a taro Juda ra mot kis tong o Antiok, ma una ru papor Siria ma o Silisia: A marmaris torom mot.

Aposel 15:41

Ra der wan tuptupukus epotor una papor Siria ma una papor Silisia, ma der udekdek a taro na lotu una kum tamon.

Aposel 16:6

A Tokodos na Nion i turbat detul sur gong munung detul warawai nama Wakak na Wasiso, tong una papor Asia. Ra detul wan tuptupukus kut tong una ru papor, Pirigia ma o Galesia.

Aposel 18:24

Ara te Juda tagitong o Aleksanderia, a risano o Apolos, i wanpat tong o Epeses. I ara wakak na tene wasiso, ma i mananos doko una Buk Tabu.

Aposel 19:10

Aru kilalo i ser pami lenra. Ra det rop ra det kis una papor Asia, a taro Juda ma a taro ra awu sur a taro Juda kai, det longoro a wasiso anun a Labino.

Aposel 19:26

Nin o Epeses, ma una kum tamon rop nin una papor Asia, a musano ra, o Pol, i pukus a nuknukin a susut na taro, ma i ben raro det, ra i inanos det lena, a kum god ra dat ser pami nama lamandat, awu sur a kum god.

Aposel 21:27

Ra milau a wonom mawit na bung na utalapor in rop, a ramano taro Juda tagitong una papor Asia, det tama pas o Pol ubalan in noworo ina rumu na etabor. Ma det usungun balan a taro sur det in kankan torom o Pol ra det pam ukai pasi.

Aposel 21:39

Ma o Pol i balu i lena, “Iau a te Juda tagitong o Tasus, una papor Silisia, awu sur iau tagitiro un tu tamon oros kut. A saring ui, sur un mulaot iau sur an wasiso torom a taro ri.”

Aposel 22:19

Ma a watungi tano lena, ‘Labino, det tasmani lena a ser ruk una kum rumu na lotu rop ma a ser dat pas det ra det nurnur un ui ra a ser uruk tar det una karabus, ma a ser miras det.

Aposel 22:3

“Iau a te Juda, di usus iau tong o Tasus una papor Silisia. A barman taru ut nin o Jerusalem, ma iau a nat na ususer anun o Gamaliel, ma i ususer wakak iau una Warkurai anun a kum tumtubun dat tagun numugu, ma a papam dekdek torom o God lenutri mot pami.

Aposel 23:34

O Peliks i luk tar a pas, ra i ting o Pol lena, “Ui tagun osi na papor?” Ra i sa tasmani lena o Pol a te Silisia,

Aposel 24:18

Numugu ra ka ruk utmakai ubalan in noworo ina rumu na etabor, a sa pam rop tar a kum warkurai sur an talapor umatan o God. Ra a ruk sur an pam a pinapam na etabor, ka det pastorom iau nam lako susut na taro, ma ka pam tu purpuruon kai.

Aposel 26:11

A susut na dino a ruk una kum rumu na lotu sur an ukadik det, ma a ser ungongos det sur det in wasiso laulau un o Iesu. A ser kankan dekdek torom det, ra a ser wan una ramano kum tamon gisen, sur an sio pas det ma an ukadik det.

Aposel 6:10

Det lagano balubalu tar anun a wasiso, uni a Tokodos na Nion ut i pitar a mananos tano.

1 Korin 1:20

Asau dat in watungi un tu tene mananos? Asau dat in watungi un tu tene mananos una kum Warkurai anun o Moses? Asau dat in watungi un tu tene mananos ra in balu rop pas a kum iting? O God i ese i lena, a mananos tagun a rakrakon bual i a longlong na mananos kut.

Galesia 1:21

Numur a wan utong una papor Siria, ma una papor Silisia.