Aposel 6:5 - Nupela Testamen long tokples Kandas

⁵ Det rop det gas una wasiso ri. Ra det pilok pas o Stiwen, a musano ra i bukus nama nurnur ma a Tokodos na Nion. Ra det pilok pasi kai o Pilip, o Prokorus, o Nikano, o Timon, o Pamenas, ma o Nikolas, a musano tagitong o Antiok, ra awu sur a te Juda, ikut i ruk una lotu Juda.

Aposel 6:5 Iomraidhean Croise

Matiu 23:15

“In laulau doko torom mot a kum tene ususer tagun a Warkurai ma a kum Parisi, mot a kum tene torotoro. Mot wan tuptupukus sa utasi ma sa ubual, sur mot in dat pukus taio, sur in nanpat a nat na ususer anumot. Ra i sa mulaot, mot sa tarai taru uni, sur in nan sur a labino sungun, ma anun a sakino petutna in labo taun anumot a sakino petutna.

Aposel 11:19

A taro na nurnur ra det wan sarara tagisapat o Jerusalem, uni di ban laulau det numur tan a minatin o Stiwen, det wan bakbak utong o Saipras, ma una papor Ponisia, ma a tamon Antiok. Det wasiso torom a taro Juda kut nama Wakak na Wasiso un o Iesu.

Aposel 11:20

Ikut ara taro tagun a taro na nurnur ra, a taro Saipras ma a taro Sairini, det wan utong o Antiok, ra det wasiso torom a taro ra awu sur a taro Juda kai, nama Wakak na Wasiso una Labino o Iesu.

Aposel 11:22

A taro na lotu sapat o Jerusalem det longoro a wasiso un asau ra i wanpat, ra det tulu ru o Banabas utong o Antiok.

Aposel 11:26

Ra i sa sio pasi, i ben pasi utong o Antiok. Ara kudulano kilalo der kis tomo nama taro na lotu tiro iai, ma der ususer a susut na taro doko. A rising “a taro anun o Karisito”, di watung mugu i una taro na ususer tong o Antiok.

Aposel 11:27

Una kilalo ra, a ramano kum poropet det wan tagisapat o Jerusalem utong o Antiok.

Aposel 13:1

Tiro o Antiok, a kum poropet ma a kum tene ususer kai, kura epotor tan a taro na lotu. Iri a kum risandet: o Banabas, o Simion ara risano kai o Niger, o Lusius a te Sairini, o Sol ma o Manaen, i ra di ugu tomo der nam o Erod, a mugumugu.

Aposel 15:22

A kum aposel, ma a kum mugumugu, ma a taro na lotu rop, det wasiso tomo pas sur det in pilok pas lako ru musano tagun det, sur det in nan tomo nam o Pol ma o Banabas utong o Antiok. Det pilok pas o Judas, ara risano kai o Basabas, ma o Sailas, aru mugumugu tagun det ra det tar tistisino una nurnur.

Aposel 2:4

Det rop det bukus nama Tokodos na Nion, ma det turpas a wasiso nama kum wur ngas na wasiso ra a Tokodos na Nion i pitar tari torom det.

Aposel 21:8

Una bung numur, met wan melet, ra met wanpat tong o Sisaria, ma met kis una rumu anun o Pilip, a tene warawai nama Wakak na Wasiso, ara tagun a wonom mawit det ra a kum aposel det pilok pas det.

Aposel 22:20

Ra di duku doko o Stiwen, i ra i ser wasiso puaso un ui, iau kai a tur ut tiro iai. A mulaot tomo nam det, ma a tamtamabat a kum saket anundet ra det duku doko i.’

Aposel 6:10

Det lagano balubalu tar anun a wasiso, uni a Tokodos na Nion ut i pitar a mananos tano.

Aposel 6:3

A kum tistisi met, mot in pilok pas lako wonom mawit na wakak na musano tagun mot, det ra det mananos ma det bukus nama Tokodos na Nion, sur met in pitar tar a pinapam na etabor ri torom det.

Aposel 6:8

O Stiwen i bukus nama dekdek ma a marmaris anun o God, ra i pam a kum lamlabino utna na ukisin, ma a kum ukinalong utkai umatan a taro.

Aposel 7:1

A mugumugu na tene etabor torom o God i ting o Stiwen lena, “I lingmulus ut a kum wasiso ri?”

Tamtama 2:15

Lenutkai ra ara taro tagun mot det sa mur a etowo anun o Nikolas.

Tamtama 2:6

Ikut ara utna ri mot pami, i wakak: Mot nget a kum pinapam anun a taro ra det mur a etowo anun o Nikolas, ra iau kai a ngeti.