Aposel 6:1 - Nupela Testamen long tokples Kandas

¹ Una kum bung ra, a niluluk ina taro na ususer i ka toto nanan. Det tagun aru ngas na taro, ara taro Juda ra det wasiso nama wasiso Grik, ma ara taro Juda kai ra det wasiso nama wasiso Ibru. Det ra det wasiso Grik, det ururai un det ra det wasiso Ibru, lena, “Ra mot ser tibo a kum ula nama utna na inangon una kum bung, mot wanan sakit ru i kut a kum ula tagun met.”

Aposel 6:1 Iomraidhean Croise

Matiu 23:13

O Iesu i watungi lena, “In laulau doko torom mot a kum tene ususer tagun a Warkurai ma a kum Parisi, mot a kum tene torotoro. Mot tagar bat a taro sur gong det ruk una matanitu tagisapat una langit. Ma mot ut, ka mot ruk uni, ma ka mot mulaot a taro ra det nem na ruk, sur det in ruk.

Aposel 11:20

Ikut ara taro tagun a taro na nurnur ra, a taro Saipras ma a taro Sairini, det wan utong o Antiok, ra det wasiso torom a taro ra awu sur a taro Juda kai, nama Wakak na Wasiso una Labino o Iesu.

Aposel 11:26

Ra i sa sio pasi, i ben pasi utong o Antiok. Ara kudulano kilalo der kis tomo nama taro na lotu tiro iai, ma der ususer a susut na taro doko. A rising “a taro anun o Karisito”, di watung mugu i una taro na ususer tong o Antiok.

Aposel 11:29

Ra a taro na ususer det kubus pasi sur det in etabor torom a taro na nurnur ra det kis una papor Judia. Det rop taktakai det in etabor nama sau ra i sot sur det in etabor nami, elar nama sau ra det utur ukai i.

Aposel 2:41

Det ra det mur a wasiso anun o Pita, di baptaiso det. Det elar nama tulu arip det, ra di luk tomo det nama kum tene nurnur.

Aposel 2:45

Ra det siuru anundet a kum du piso ma anundet a kum utna, ma a mani taguni, det isuaro i torom osi ra i sibo.

Aposel 2:47

Ra det watung ulabo pas o God, ma a taro rop det gas nam det. Ma una kum bung rop, a Labino i ulaun a susut na taro, ra di luk tomo det nama kum tene nurnur.

Aposel 4:35

det losi torom a kum aposel. Ra det isuaro i torom osi ra i sibo.

Aposel 4:4

Ikut, a susut na taro ra det longoro a wasiso anun o Pita ma o Jon, det nurnur. Ra a niluluk ina kum tene nurnur i labo nanan, a kum musano kut i elar nama limo na arip.

Aposel 5:14

Ikut a susut na taro melet, a wardain ma a kum musano, det nurnur maragom una Labino, ma di luk tomo det nama taro na nurnur.

Aposel 5:28

“Met sa turbat tar mot lena, gong mo mot ususer a taro nama risan o Iesu. Ikut uniri, o Jerusalem i sa bukus nam anumot a etowo, ra mot nemi, sur mot in takun met una minatin o Iesu.”

Aposel 6:2

Ra a noino ma aru aposel det kabo tomo pas a taro na ususer rop, ma det watungi tandet lena, “Ke tokodos sur met in balon mukut una etabor nama utna na inangon, ma ka met in pam a pinapam na warawai nama wasiso anun o God.

Aposel 6:7

A wasiso anun o God i wan sarara, ma a niluluk ina taro na ususer sapat o Jerusalem, i labo nanan kai. Ma a susut na tene etabor torom o God kai, det nurnur ma det mur a Wakak na Wasiso.

Aposel 9:29

I wasiso tomo nama taro Juda ra det wasiso Grik, ma i balu anundet a kum iting, ikut det lari sur det in um doko i.

Aposel 9:39

Ra o Pita i wan tomo nam detul. Ra i wanpat, det ben pasi usapat una kukur rumu sapat netes. Ra a kum ula rop det tur talilis pasi ma det domos. Det ese a kum kolos ma a kum malu, ra o Dokas i mabon tar det ra i laun utmakai.

Aposel 9:41

Ra o Pita i pam pas a lamano, ma i ukatuturi. Numur i kabo pas a kum tene nurnur, ma a kum ula, ra i tulu tar o Tabita torom det, i sa laun.

A Pas anun o Pol torom a taro Rom 12:7

Ma osi ra o God i pitar tar a etabor sur in tene warut, i wakak sur in warut a taro. Ma osi ra o God i pitar tar a etabor sur in tene ususer, i wakak sur in ususer a taro.

1 Korin 10:10

Gong mot ururai, elar nam ara taro tagun det, det ururai, ma a ensel ra i ser um doko a taro i um doko rop ru det.

2 Korin 11:22

Det warango pas det lena, det a kum te Ibru, niko? Iau kai a te Ibru. Det a kum te Israel, niko? Iau kai a te Israel. Det a kum nutnutun o Abaram, niko? Iau kai a nutun o Abaram.

Pilipai 3:5

Iau a te Israel, tagun a kabotaro Benjamin, a te Ibru ma a mur anundet a kum petutna. Ra i sa tiwal na bung bat anung a usus, di tok talilis a pining. Iau a Parisi ma a ser mur wakak a kum Warkurai anun o Moses.

1 Timoti 5:3

Un warut a kum ula ra kataio i tamtamabat det ma det sibo.

1 Timoti 5:9

Un tumus ukai i kut a risan a kum ula ra a wonom na noino kilalo anundet, ma usapat, sur a taro na lotu det in warut det. Det in warut a ngas na ino ra i nolin pas kut nam ara musano,

Ibru 13:1

Gong mot mana nama marmaris etetalai torom mot, lar a kabo tistisino.

Jems 1:27

Ikut, ra dat warut a kum nat na soi, ma a kum ula, ra det pot na marmaris, ma dat tumarong dat kai gusun a kum dur na petutna tagun a rakrakon bual, iri a lingmulus na lotu, ra i tokodos, ma katu utna i raro uni umatan o God a Tamandat.

Jems 4:5

Pepetlai, mot nuki lena a Buk Tabu i wasiso oros kut? I watungi lena, “A Nion o God, ra o God i pitar tari tandat, i nem dat sur dat anunu ut.”

Jems 5:9

A kum tistising, gong mot ururai etetalai, surko o God in warkurai mot. Tama i, a Tene Warkurai i sa tur nisan a matansako.