Aposel 5:42 - Nupela Testamen long tokples Kandas

⁴² Ra una kum bung rop ubalan in noworo ina rumu na etabor, ma una nundet a kum rumu kai, ka det mana nama etowo ma a warawai nama Wakak na Wasiso lena o Iesu i a Karisito mulus.

Aposel 5:42 Iomraidhean Croise

Luk 21:37

Una kum bung rop o Iesu i ususer a taro ubalan in noworo ina rumu na etabor, ma una kum mirum i pirso, ma i kis una tangai, a risano o Oliw.

Luk 22:53

Una kum bung rop dat ser kis tomo ubalan in noworo ina rumu na etabor ma ka mot pam ukai iau. Ikut uniri anumot a du bung, ra a dekdekin a dumirum i mugu mot.”

Aposel 11:20

Ikut ara taro tagun a taro na nurnur ra, a taro Saipras ma a taro Sairini, det wan utong o Antiok, ra det wasiso torom a taro ra awu sur a taro Juda kai, nama Wakak na Wasiso una Labino o Iesu.

Aposel 13:32

“Ra met inanos mot una Wakak na Wasiso lenri: A liliman ra o God i sa pitar tari torom a kum tumtubun dat tagun numugu,

Aposel 17:18

A kum tene mananos tagun a etowo anun a taro Epikurian ma a taro Stoik det wasiso tomo nami. Ara taro det watungi lena, “Asau ri a tene wasiso oros ri i inanos dat nami?” Ma ara taro kai det watungi lena, “Kutiro, i inanos dat una kum matok na god tagun tu tamon gisen.” Det watungi lenri uni i warawai nama Wakak na Wasiso un o Iesu ma a nilaun melet gusun a minat.

Aposel 17:3

I watung palosi ma i upuaso i lena, i sot ut sur a Karisito in los a ngunungut ma in mat ma in katutur melet gusun a minat. Ma i watungi kai lena, “O Iesu ri a inanos mot nami, i ut a Karisito ra o God i tulu ru i urin.”

Aposel 2:46

Det ser kis tomo ubalan in noworo ina rumu na etabor una kum bung rop. Ra det ser wangon tomo una nundet a kum rumu nama gasgas ma a lingmulus ubalandet.

Aposel 20:20

Ra a ser warawai ma a ususer mot, umatan a taro ma una numot a kum rumu utkai, ka ngara ma ka munu tu utna ra in warut mot.

Aposel 4:20

Ikut mir, ka mir in mana lar pas nama wasiso un asau ra met sa tama tari, ma met sa longoro tari.”

Aposel 4:29

Labino, un nuk pas anundet a kum dekdek na wasiso, ma un warut met anum a kum tultul sur gong met ngara ra met in wasiso puaso nama num a wasiso.

Aposel 8:35

Ra o Pilip i turpas a papalos toromi. I inanosi una Wakak na Wasiso un o Iesu, turpasi ut una buk ra a te Itiopia i luki.

Aposel 8:5

O Pilip i wan utiro una labino tamon tong una papor Samaria, ma i warawai un o Karisito torom det.

Aposel 9:20

Uniutra i turpasi sur in warawai una kum rumu na lotu anun a taro Juda. I warawai un o Iesu lena, i a Nutun o God.

1 Korin 2:2

Ra a kis tomo nam mot, ka nem na nuknuk un tu utna gisen, awu. A nuknuking i kis kut un o Iesu Karisito ma una nun a minat unin nanai kutus.

Galesia 1:16

sur in upuaso o Iesu a Nutunu torom iau, sur an warawai nami torom a taro ra awu sur a taro Juda. Katu musano i ususer iau uni.

Galesia 6:14

Iau ut kan warango pas iau. An warango pasi kut anundat a Labino o Iesu Karisito ra i mat unin nanai kutus. Uni unin nanai kutus, a petutna anun a rakrakon bual i mat gusun iau, ma iau kai, a sa mat gusun a kum petutna anun a rakrakon bual.

2 Timoti 4:2

Un warawai nama Wakak na Wasiso. Un dekdek uni, una kum bung ra a taro det nem na longoro ui, ma a kum bung ra ka det nemi. Un ukodos wakak a taro, un upuaso anundet a kum niraro torom det ma un uragot det. Un pam a kum utna ri nama wowowon na petutna torom det ma un ususer wakak det.