Aposel 5:39 - Nupela Testamen long tokples Kandas

³⁹ Ikut ra i kibino ut un o God, mot in lagano ururop tari. Sako numur in talapor torom mot lena, mot waim tomo nam o God.”

Aposel 5:39 Iomraidhean Croise

Matiu 16:18

Ra a watungi tam lena, ui o Pita, a wat kis. An utur anung a taro na lotu una wat ri. A dekdekin a minat ken winim pas anung a taro na lotu.

Luk 21:15

Uni iau ut, an unuk tar a wasiso ma a mananos kai una nuknuki mot, ra anumot a kum ebar rop, ka det in balu lar pasi, ma ka det in ipul ru i.

Aposel 11:17

O God i sa pitar tar a Tokodos na Nion lar a etabor tandet, elar nami ra i sa pitar tari tandat, ra dat nurnur una Labino, o Iesu Karisito. Ra osi na ngas na musano iau, sur an turbat o God?”

Aposel 23:9

Ra a labino purpuruon i turpasi, a ramano kum Parisi, det ra a kum tene ususer tagun a Warkurai, det tur, ma det engaras dekdek, ma det watungi lena, “Ka met sio pas tu sakino utna ra a musano ri i raro uni. Dat in lai mo? Sako ra tu nion, o tu ensel i sa wasiso taru toromi.”

Aposel 6:10

Det lagano balubalu tar anun a wasiso, uni a Tokodos na Nion ut i pitar a mananos tano.

Aposel 7:51

Ra o Stiwen i watungi tan a taro na kiwung lena, “Mot a kum tene pitarngat mot, a balamot i bakbak gusun o God ma a talngamot i kutkut. Mot turbat liklik a Tokodos na Nion, elar nama kum tumtubu mot tagun numugu det ser pami.

Aposel 9:5

Ra o Sol i tingi lena, “Labino, osi ui?” Ra i balu i lena, “Iau o Iesu ra u ser ban laulau iau.

1 Korin 1:25

A mananos anun o God ra a taro det nuki lena a longlong na mananos kut, i ra i labo taun a mananos anun a taro. A dekdekin o God ra a taro det nuki lena ke dekdek, i ra i dekdek sakit taun a dekdekin a taro.

1 Korin 10:22

Pepetlai, dat nemi sur dat in ungangos a Labino, sur a nuknukino in laulau torom dat? Pepetlai, a dekdekin dat i labo taun a dekdekino?