Aposel 4:34 - Nupela Testamen long tokples Kandas

³⁴ Kataio tagun det i sibo sur tu utna, uni det ra anundet a kum du piso ma det kai ra anundet a kum rumu det siuru pasi, ra a mani taguni,

Aposel 4:34 Iomraidhean Croise

Matiu 19:21

O Iesu i balu i lena, “Ra u nemi sur un tokodos mulus, un nan ma un siuru ru anum a kum ululeng rop, ra a mani taguni, un tabor a kum sibo na taro nami. Ra un pami lenra, anum a wakak na ululeng kusapat una langit. Numur un nan urin ma un mur iau.”

A Wakak na Wasiso un o Iesu Karisito o Mak i tumusi 10:21

O Iesu i tamtama toromi, i marisi ra i watungi tano lena, “Ara utna mukut ra kabaut u pami. Un nan ma un siuru ru anum a kum utna rop, ra a mani taguni, un tabor a kum sibo na taro nami. Ra un pami lenra, anum a wakak na ululeng kusapat una langit. Numur un nan urin ma un mur iau.”

Luk 12:33

Mot in siuru anumot a kum ututna sur a mani, ma mot in tabor a kum sibo na taro nami. Mot in waninar pas anumot lako kum paus ra ken moroto, a wakak na ululeng sapat una langit ra ke ser rop, ma katu tene wolong in nan milau i, ma a koropos ken ban laulau i.

Luk 16:9

A watungi tamot, mot in umarom pas lako taro nama kum ululeng taginin upiso. Numur ra a kum ululeng ken gas mo sur tu utna, din gas pas mot sur mot in kis una kum rumu ra det in tur tukum.

Luk 22:35

Numur o Iesu i ting anun a kum nat na ususer lena, “Ra a tulu ru mot, ma katu paus na umubek mani anumot, o tu rat, o tu su, pepetlai, mot sibo ut sur tu utna?” Ra det balu i lena, “Awu.”

Aposel 2:45

Ra det siuru anundet a kum du piso ma anundet a kum utna, ma a mani taguni, det isuaro i torom osi ra i sibo.

Aposel 4:37

Anun ara du piso i siuru pasi, ra a mani taguni, i los tari torom a kum aposel.

2 Korin 8:14

Uniri, mot sa utur ukai a labino, sur mot in warut a taro gisen nami. Ra mot in sibo, det bulung det in warut mot, sur mot rop mot in warut etetalai mot, sur mot in elar rop kut.

1 Tesalonaika 4:12

Ra mot in pami lenra, a taro ra ka det nurnur det in ru mot, ma ka mot in nura taio sur in tabor mot.

1 Timoti 6:19

Ra det in pami lenri, det in utur ukai a ululeng mulus. I ra a wakak na kibin anundet a nilaun numur, sur det in los a nilaun ra a nilaun mulus.

Jems 1:27

Ikut, ra dat warut a kum nat na soi, ma a kum ula, ra det pot na marmaris, ma dat tumarong dat kai gusun a kum dur na petutna tagun a rakrakon bual, iri a lingmulus na lotu, ra i tokodos, ma katu utna i raro uni umatan o God a Tamandat.