Aposel 4:30 - Nupela Testamen long tokples Kandas

³⁰ Un warut met nama dekdekim sur a kum misait det in langolango, ma a kum utna na ukisin ma a kum ukinalong det in nanpat una risan o Iesu, anum a Tasur na Tultul.”

Aposel 4:30 Iomraidhean Croise

A Wakak na Wasiso un o Iesu Karisito o Jon i tumusi 4:48

O Iesu i watungi tano lena, “Ra ka mot tama a kum utna na ukisin ma lako kum ukinalong, ka mot in nurnur ut.”

Aposel 2:22

“A taro Israel, mot in longoro iau. An inanos mot un o Iesu, a te Nasaret. Mot ut mot tasmani lena, una dekdekin o God i pam a kum utna na ukisin, ma a kum dekdek na pinapam ma a kum ukinalong. I pami epotor torom mot, sur o God in ese i torom mot lena, i ut i tulu ru i.

Aposel 2:43

A kum aposel det pam a susut na utna na ukisin, ma a susut na ukinalong kai, ra a taro rop det urur un o God.

Aposel 3:13

O God ut i pami. A God anun o Abaram, a God anun o Aisak ma a God anun o Jekop, a God anun a kum tumtubun dat tagun numugu, i ulabo tar a risan o Iesu anun a tultul. Mot pitar tari sur din um doko i, ma mot ipul ru i kut umatan o Pailat, ra i nem na palos ru i.

Aposel 3:16

Una nurnur una risan o Iesu, di ulangolango pas a musano ri, ra mot tama i ma mot tasmani. A nurnur una risan o Iesu i ulangolango pas a musano ri umatamot rop.

Aposel 3:6

Ra o Pita i watungi lena, “Iau katu mani, ikut uniri an tabor ui nama utna ra anung. Una risan o Iesu Karisito, a te Nasaret, un tur ma un nan!”

Aposel 4:10

Mot ma a taro Juda rop, mot in tasmani lena, a musano ri ra i tur numugu tamot, di ulangolango pasi nama risan o Iesu Karisito a te Nasaret, i ra mot sak wat tari unin nanai kutus, ma o God i ukatutur melet pasi gusun a minat.

Aposel 4:27

A lingmulus ra o Erod ma o Pontias Pailat, ma a taro ra awu sur a taro Israel, ma a taro Israel kai, det wan tomo una tamon ri sur det in ban laulau o Iesu, anum a Tasur na Tultul, ra u sa pilok pasi.

Aposel 5:12

A kum aposel det pam a susut na ukinalong ma a susut na utna na ukisin nisan a taro. Ma a kum tene nurnur rop det ser kis tomo una parada ina rumu na etabor, di watungi nama Parada anun o Solomon.

Aposel 6:8

O Stiwen i bukus nama dekdek ma a marmaris anun o God, ra i pam a kum lamlabino utna na ukisin, ma a kum ukinalong utkai umatan a taro.