Aposel 3:19 - Nupela Testamen long tokples Kandas

¹⁹ Mot in nukpukus, ma mot in nan torom o God, sur in unus ru anumot a kum sakino petutna,

Aposel 3:19 Iomraidhean Croise

Matiu 13:15

Uni a balan a taro ri i dekdek, ma a taltalngan det i kutkut, ma a matmatan det i pulu. Ra gunuk det in tamtama lele nama matmatan det, ma det in longoro lele nama taltalngan det, ma det in tastasman nama nuknukin det, sako det in tupukus torom iau, ma iau ut, an ulaun pas det.’ Ais 6:9-10

Matiu 18:3

ma i watungi lena, “A inanos mot nama lingmulus, ra ka mot in nukpukus sur mot in elar nama kum nat liklik, ka mot in ruk lar pas una matanitu tagisapat una langit.

Luk 1:16

Ma in ben pukus tar a susut na taro Israel torom a Labino anundet a God.

Luk 22:57

Ikut o Pita i ipul lena, “Le, ka tasman o Iesu.”

Aposel 1:6

Ra a kum aposel det kis tomo nam o Iesu, det tingi lena, “Labino, pepetlai, uniri un pitar melet tar a gapman torom met a taro Israel, sur met ut met in tamtamabat met ma met in kis langolango gusun a gapman Rom?”

Aposel 11:18

Det longoro a wasiso ri, ra ka det wasiso melet mo, ma det watung ulabo pas o God lena, “O God i sa pam tar a kisapi sur det kai ra awu sur a taro Juda, det in nukpukus ma det in laun.”

Aposel 11:21

A dekdekin a Labino i kis un det ra det wasiso, ma a susut na taro doko det nurnur ma det tupukus torom a Labino.

Aposel 15:3

A taro na lotu det tulu o Pol, o Banabas ma ara taro kai. Det wan potor una papor Ponisia ma a papor Samaria. Det wasiso puaso nanan torom a kum tene nurnur una kum tamon, una taro ra awu sur a taro Juda, lena det sa nukpukus. Ma det ra det tar tistisino una nurnur, det gas doko ra det longoro i.

Aposel 17:26

O God i ukis tar a mugano musano. Ra tagun a musano ra, a kum kabotaro rop det wanpat taguni, ma det kis una rakrakon bual rop. Una nuknukino ut i nuki lena det in kis awai, ma nangisin det in nanpat, ma nangisin det in rop melet.

Aposel 2:38

O Pita i balu det lena, “Mot rop taktakai mot in nukpukus, ma din baptaiso mot nama risan o Iesu Karisito, sur din unus ru anumot a kum sakino petutna, ra din tabor mot nama Tokodos na Nion.

Aposel 28:27

Uni a balan a taro ri i dekdek, ma a taltalngan det i kutkut, ma a matmatan det i pulu. Ra gunuk det in tamtama lele nama matmatan det, ma det in longoro lele nama taltalngan det, ma det in tastasman nama nuknukin det, sako det in tupukus torom iau, ma iau ut, an ulaun pas det.’” Ais 6:9-10

Aposel 3:20

sur mot in taramo a wakak na nilaun ra a Labino in pitari. Ma in tulu ru a Karisito torom mot, o Iesu i ra o God i sa pilok pasi.

Aposel 3:21

In kis sapat netes una langit, tuk una bung ra o God in umatok melet a kum utna rop, ra i sa watung tari numugu utmakai nama wasiso anun a kum tasur na poropet anunu.

A Pas anun o Pol torom a taro Rom 11:25

A kum tistising, a nemi sur mot in mananos una utna ra numugu i kis eno, sur gong mot ulabo pas mot. I lenri: Ara taro Israel, in dekdek a balandet, tuk ra a niluluk ina taro gisen ra det nurnur in elar nama nuknukin o God.

2 Tesalonaika 1:10

A warkurai ri in nanpat una bung ra a Labino in nanpat sur din ulabo pasi kibino una nun a tokodos na taro, ma det rop ra det nurnur uni det in ru i. Mot kai tomo nam det, uni mot nurnur una numetul a wasiso talapor torom mot.

2 Tesalonaika 1:7

ma in pitar a mana torom mot ra mot taramo a ngunungut, ma lenkutkai ra torom metul. O God in pami lenra, una bung ra a Labino o Iesu in nanpat tagisapat una langit nama kunabor na sungun ma anun a kum dekdek na ensel.

2 Timoti 2:25

Det ra ka det nem anun a etowo, in ukodos wowowon det, sako o God in mulaot pas det sur det in nukpukus, ma det in tasman a lingmulusino.

Ibru 4:1

A liliman ra o God i uliliman taru nami kuri utmakai, sur dat in ruk una nun a tamon na mana. I mo ra dat in tumarong, sako tu pasamot ken ruk lar pas uni.

1 Pita 2:25

Uni numugu mot elar nama kum sipsip ra det wan raro, ikut uniri mot sa milet melet torom anumot a Tene Tamtamabat anun a kum sipsip, a Tene Tamtamabat una niomot.

2 Pita 3:8

A kum wakak na paspasang, gong mot dumano ara utna ri: Umatan a Labino, ara bung i elar nam ara arip na kilalo, ma ara arip na kilalo i elar kut nam ara bung umatano.

Tamtama 21:4

Ma in wus ru a lurlur na matandet rop. Katu minat melet mo, kalako tupunuk, kalako tinangis ma kalako ngunungut mo, uni a kum utna tagun numugu det sa rorom.”