Aposel 3:14 - Nupela Testamen long tokples Kandas

¹⁴ Mot ipul ru a Tasur na Musano ma a Tene Tokodos, ra mot sasaring sur din palos tar a tene umum doko a taro torom mot.

Aposel 3:14 Iomraidhean Croise

Matiu 27:20

Ikut a kum lamlabino tene etabor torom o God ma a kum mugumugu det ukatutur a balan a kunur na taro sur det in sasaring sur o Barabas, ma sur din um doko o Iesu.

A Wakak na Wasiso un o Iesu Karisito o Mak i tumusi 1:24

“Iesu, a te Nasaret u ling na pam asau un met? U wanpat sur un ban laulau met? A tasman ui, ui a Tasur na Musano anun o God.”

A Wakak na Wasiso un o Iesu Karisito o Mak i tumusi 15:11

Ikut a kum lamlabino tene etabor torom o God det ukatutur a balan a kunur na taro sur det in saring o Pailat, sur in palos ru o Barabas torom det.

A Wakak na Wasiso un o Iesu Karisito o Mak i tumusi 15:7

Una kilalo ra, ara musano a risano o Barabas i kis una karabus. I ara tagun det ra det waim nama gapman. Det ukatutur a inaim, ra det ser um doko a taro.

Luk 1:35

A ensel i balu i lena, “A Tokodos na Nion in kis un ui, ma a dekdekin o God a Labino Sakit in pulus bat ui. Ra a Tasur na Musano ra un usus pasi, din watungi a Nutun o God.

Luk 23:25

Ra i palos ru o Barabas ra i kis una karabus, uni i waim nama gapman ma i um doko a taro, i ra det sasaring suri. Ma i pitar tar o Iesu torom a kum tene inaim elar nama nemnem anun a taro.

A Wakak na Wasiso un o Iesu Karisito o Jon i tumusi 16:10

Ma in ese det kai una tokodos na petutna, uni an nan torom o Tita ma ka mot in tama melet iau mo.

A Wakak na Wasiso un o Iesu Karisito o Jon i tumusi 18:40

Det kukukuk lena, “Gong! Ka met nem o Iesu. Palos ru o Barabas!” O Barabas i a tene sakino sakit.

Aposel 13:28

Ka det sio pas tu sakino ra o Iesu in iru uni, ikut det saring o Pailat sur in pitar tari sur din um doko i.

Aposel 2:27

Uni kon madek tar iau unin nutung na minat, ma kon madek tar anum a Tene Tasur sur in mereseng.

Aposel 22:14

Ra o Ananias i watungi tang lena, ‘O God anun anundat a kabotaro tagun numugu i sa pilok tar ui, sur un tasman anun a nemnem, ma un tama a Tene Tokodos, ma un longoro anun a wasiso.

Aposel 4:27

A lingmulus ra o Erod ma o Pontias Pailat, ma a taro ra awu sur a taro Israel, ma a taro Israel kai, det wan tomo una tamon ri sur det in ban laulau o Iesu, anum a Tasur na Tultul, ra u sa pilok pasi.

Aposel 5:28

“Met sa turbat tar mot lena, gong mo mot ususer a taro nama risan o Iesu. Ikut uniri, o Jerusalem i sa bukus nam anumot a etowo, ra mot nemi, sur mot in takun met una minatin o Iesu.”

Aposel 7:52

A kum tumtubu mot tagun numugu det ban laulau a kum poropet rop. Det um doko det ra det wasiso mugu una inawan pat urin anun a Tene Tokodos, i ra uniri mot usobor tari, ma mot um doko ru i.

2 Korin 5:21

O Karisito ke pam tu sakino petutna, ikut o God i ubek tar anundat a sakino petutna netes uni, sur dat ra tagun o Karisito, dat in rakon a tokodos na petutna anun o God.

Jems 5:6

Mot ben tar a kum tene tokodos una warkurai, ra mot um doko det, ikut ka det balu mot.

1 Pita 3:18

Uni o Karisito kai i taramo a ngunungut ra i mat ara dino kut, una nundat a kum sakino petutna. A Tene Tokodos i mat sur det ra ka det tokodos, sur in ben pas mot torom o God. Det um doko ru a pinino, ikut di ulaun pasi una nion.

1 Jon 2:1

A kum nutnutung liklik, a tumus a kum utna ri torom mot sur gong mot pam a sakino. Ikut ra taio in pam a sakino, anundat a tene warut, o Iesu Karisito a Tene Tokodos, in wasiso anun o naro ra, torom o Tamano.

Tamtama 3:7

“Un tumtumus torom a ensel anun a taro na lotu tong o Piladelpia lenri: O naro ra i tasur, ma i lingmulus, ma i pam a ki anun o Dewid, i papos a matansako, ra kataio in tagar lar pasi, ma i tagari, ra kataio in papos lar pasi. I watung a wasiso ri: