Aposel 28:4 - Nupela Testamen long tokples Kandas

⁴ A taro tagitiro iai una ailan, det tama i lena in nusui i kete taru una laman o Pol, ra det wasiso etetalai torom det lena, “Kutiro, a musano ri, a tene um doko a taro. I sa laun sikot tagisa utasi, ikut o god na minabalu ke mulaot sur in laun.”

Aposel 28:4 Iomraidhean Croise

Matiu 23:35

Din pitar a warkurai na minabalu torom mot, una gapin a kum tene tokodos rop, ra di sa um doko tar det. Turpasi ra di um doko o Abel, a tene tokodos, ma i wan tuk ra di um doko o Sekaraia, a nutun o Berekia, i ra mot um doko i epotor nisan a kabulu na tuntun etabor ma a rumu na etabor.

Matiu 27:25

A taro rop det balu i lena, “I wakak kut, a warkurai na minabalu una gapino in kis un met ma una kum nutnutumet kai.”

Luk 13:2

O Iesu i balu det lena, “Pepetlai, mot nuki lena, det a kum tene sakino doko taun a taro Galili rop, uni det iru lenra?

Luk 13:4

“Ma asau mo mot nuki una noino ma tiwal na taro sapat o Jerusalem ra a rumu lekeleke tiro o Siloam i toropo ma i um doko rop ru det? Pepetlai, det a kum tene sakino doko taun det rop ra det kis sapat o Jerusalem?

A Wakak na Wasiso un o Iesu Karisito o Jon i tumusi 7:24

Gong mot warkurai kut nama matmata mot, mot in warkurai nama warkurai ra i tokodos.”

Aposel 28:2

A taro tagitiro iai det maris doko met, ra det tagol tar a sungun ma det ben pas met rop, uni i bato ma i kotokoto doko.

Aposel 28:3

Ra o Pol i los pas a kabo duwai, sur in ukarangop a sungun nami, ra teken laulau na sui i kawar pat gusun a kabo duwai ra, uni a sungun i mararong, ra i kakarot dekdek taru una lamano.

Aposel 28:5

Ikut o Pol i lakro ru in nusui gusun a lamano usapat una sungun, ma ke ban laulau i.

Tamtama 21:8

“A kum tene nginara, ma det ra ka det nurnur, ma det ra anundet a petutna i dur, ma a kum tene um doko a taro, ma det ra det pam a kum petutna na pamuk, a kum tene sangsagor, a kum tene lotu torom a kum torotoro na god, ma a kum tene torotoro rop, anundet a nubual, in labino tung na sungun ma a salfa. Iri a manru na minat.”