Aposel 27:41 - Nupela Testamen long tokples Kandas

⁴¹ Ikut a sip i kis mut una mamaso na woio. A masarin a sip i kis netes taru tiro iai, ke pet lar pasi mo sur in nan. Numur a kum lamlabino toptop det pasor pagol pas a ngon a sip, ra i terege mut.

Aposel 27:41 Iomraidhean Croise

Aposel 27:17

Ikut det dekdek ut ra det dat toto pasi usapat netes. Ma det rau dekdek a sip nama kum rop. Det ngara sako det in nan taru una mamaso na woio in o Sirtis milau o Afrika, ra det dat pirso ru a sel, ma a sip i salir oros mukut, ra a wuwu i wup nanan det.

Aposel 27:30

A kum boskuru det nem na kalabor eno gusun a sip nama digi. Det palos pirso pasi utiro utasi, ra det toro lena det in ubek lako kum ega sa numugu una sip.

Aposel 27:40

Numur det tau kutus ru a kum rop na ega, ma det wan gusun a kum ega sa utasi, ma det palos ru i kai a kum rop gusun aru woso na stia, ma det dat palos a mugano sel sa numugu una sip sur a wuwu in wup pirso det unago una usalin.

Aposel 27:42

Ra a kum tene inaim det nem na um doko a kum karabus, sako lako taro tagun det, det in was pirso, ma det in kalabor song.

1 Korin 15:58

I mo ra a kum wakak na tistising, mot in tur dekdek, ma gong i tugunu anumot a nurnur una katkatutur melet gusun a minat. Mot in pitar rop tar anumot a nilaun una pinapam anun a Labino, uni mot tasmani lena a kum pinapam rop mot pami torom a Labino awu sur a utna oros kut.